過往專欄

　　男女的心頭好各有不同，有太太指丈夫月前花逾1.4萬買平板電腦及手機，日前她買了一個7,000元手袋，被丈夫發現後，他極度不滿更嗌離婚！有婚輔社工指，夫妻的價值觀不同可理解，雙方宜對使費有共識，忌先斬後奏，否則易引起爭拗。

　　自稱結婚3年多、月入逾2萬元的女事主在網上吐苦水，她指有積蓄約20、30萬，夫妻間亦有買樓儲備逾百萬元，早前她出雙糧後，購入一個7,000元名牌袋慰勞自己，被丈夫發現後，對方嬲到嗌離婚，她質疑月前老公亦花了逾1.4萬買平板電腦及手機，帖文指，「自己用錢就得，我就乜都唔得！我很氣憤，我都想離婚。」事主還問網民：「呢種男人仲要唔要好」？

網民批丈夫雙重標準

　　有網民撑事主，批評她的丈夫太小器及雙重標準，又指若對方為7,000元就說離婚，相信背後別有原因。另有人諷刺兩人都「唔抵爭」，形容他們是「小學雞」。

　　香港公教婚姻輔導會堅道中心教友婚姻及家庭輔導員楊麗儀指，男女的價值觀不同，部分女士愛追求名牌服飾及手袋，男士則喜好買手機及電玩等，最重要是夫妻買心頭好時，是用私己錢或是公家錢，事前有否共識如何花費及上限多少等。她估計女事主因感到不公平而氣憤，不滿丈夫雙重標準。

公家錢運用應有共識

　　楊麗儀續指，曾有男士事前無知會太太，便借了數十萬元給好友，認為丈夫不尊重她。另外，有太太一心想換個大單位，擅自跟母親付了訂金，丈夫事後才知，嚇了一跳。「即使用私己錢，如對家庭經濟預算有影響，也應跟伴侶商量，否則對方會感覺不受尊重。」

　　循道衛理觀塘社會服務處助理總幹事蔣志恒表示，曾有夫婦在婚前輔導時已有共識，如用私己錢就互不干預，若用公家錢逾1,000元，就要先有共識才可運用。「重要是大家有規矩可從，亦要認真遵守，勿瞞著對方，否則另一半會覺得無信用。」一旦雙方因錢銀運用有異議，要表達不快感覺，讓對方知悉，一起商討如何改善問題。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」