過往專欄

　　正所謂「你揀人，人揀你」，有港女呻港男不濟，不滿食飯要AA制，又指港男無自信及欠上進心等，更勸其他女生不要與港男拍拖。有兩性關係專家指，無論港男或港女也有通病，部分人太計算及不懂付出，關係最終也會泡湯。

　　這位女網民自稱27歲，曾跟數位香港男仔拍拖，但她形容每一個也很不濟。她對港男作出總結，力數他們6大缺點，包括每次外出食飯要「AA制」、毫無自信、對她與普通男性朋友出街也管等。帖文指，「最緊要係無上進心，廿幾歲仲做緊普通文員，搵得萬幾蚊有無諗過將來。」事主揚言，現時跟澳洲男仔拍拖，有感他比港男幽默、有風度，更懂得照顧女生。

應檢視自己付出多少

　　有關帖文發布不足1日，已吸引逾9萬人次瀏覽及超過1,000個留言討論，大部分網民批評事主也是極品港女，力數港男不是，卻不自我檢討。有過來人指，初戀男友「成個廢青咁，成日響屋企打機」，最後也是忍受不了而分手。亦有人調侃「廢柴港男」遇上「極品港女」必定火星撞地球。

　　配對博客容會表示，個案中的女生說中了部分20多歲、思想欠成熟的港男特徵，例如不懂照顧別人及經營一段關係。「曾有個28歲、從事銀行業的男生，月入5、6萬元，跟心儀女生食飯要AA制，令對方覺得他唔識做。」

　　但容會認為，個案中的女生除對別人評頭品足外，也要檢視自己為別人付出多少。「追求你不等於一定要請你食飯，兩人關係應公平。雖說請女生食飯是個常規，但女生是否也可請返男方飲咖啡。」

男仔愛請客 或因習慣大使

　　「好好戀愛學堂」堂主任杜婉霞指，男女相處時常有誤區，例如所謂上進心的定義實非高薪厚職，而是有否終生學習意願。杜續指，心理學上花錢習慣可分作「花費者」、「建設者」、「貢獻者」及「儲蓄者」等模式：「女仔要考慮男仔愛請客，未必等於大方，或因他習慣大使，日後家庭經濟亦會出問題。」男女相處應互相分享及付出，調節出平衡點：「如我愛跳社交舞，丈夫愛玩球類活動，會用打乒乓球作夫妻共同活動，而不會強制對方放棄興趣。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」