過往專欄

　　婚禮是新人的重要日子，如被人「騎劫」確是百般滋味在心中。網民指有不識趣的賓客擬在席間向任伴娘的女友求婚，嚇得新人即時婉拒。有婚禮統籌指，如未獲新人同意而作出以上行為，會喧賓奪主，甚至引起主人家的不滿。

　　部分人性格自我中心，只顧個人感受。有網民在討論區訴說，朋友婚期在即，其中伴娘的男友向新人提出，擬在擺酒當晚給伴娘驚喜，希望可當眾求婚。但新人不想被別人搶風頭而婉拒，但怕有人死心不息。帖文指，「宜家啲人好自我，一年365日咁多日子求婚，偏揀人哋Big Day踩場……。仲講到無問題，好似反而係我朋友小器咁！」

未獲新人同意 隨時反面

　　大部分網民批評這位賓客厚顏及自我，明顯想騎劫他人婚禮、莊閒不分，有網民說：「傻的嗎，邊個先係主角呀」。亦有過來人指自己結婚時，有兄弟當眾向女友求婚，幸好她與丈夫不介意。另有人譏諷這位賓客，連搵間浪漫餐廳求婚都慳番，認真「慳皮」。

　　囍宴坊婚禮統籌林志華指，若非熟稔的朋友，相信不會有人敢在新人的禮宴上求婚，因未獲新人同意，隨時反面收場。「以前試過有新娘特意拋花球給某位姊妹，其男友再上前求婚；或是司儀在台上為求婚者布局，炮製驚喜，但這些個案通常是先獲新人同意才進行。」

醉酒兄弟搶咪 場面尷尬

　　林又指，假如有人在不知會新人情況下這樣做，不但會打亂宴會程序，也可能觸怒「四大長老」，變成騎劫他人的婚宴。過去確有些親友在婚宴上搶了新人風頭，造成尷尬。「曾有新郎穿著樸實，但新奶奶就全身金光閃閃，猶如登台，令人覺得像新奶奶擺大壽多過阿仔結婚！」

　　One and Only婚禮統籌師譚海祥表示，曾有親戚不識趣搶風頭，惹來新人不滿。「例如某些親戚常拉著攝影師，要求他們為自己影靚相，或頻頻叫化妝師幫忙補妝。」亦有醉酒的兄弟上台搶咪，對新娘的身材評頭品足一番，令場面尷尬。他建議若有人提出趁宴會求婚，新人可反建議說After Party才進行，或以父母不同意作擋箭牌，使對方知難而退。

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。