過往專欄

　　在辦公室日見夜見，最易滋生愛火？但有港女被男同事邀約看電影後換來一肚氣，因男方購票後要求AA制，吃飯時更稱無現金，要女方「碌卡」找數！網民猜測男事主是否想測試女方，但兩性關係專家指，此舉恐令女方覺得對方不重視關係。

　　有女網民在討論區指，早前男同事邀約她看電影，豈料卻悲劇收場。帖文指：「有個識了數月的男同事問我是否有空看電影，但拒透露看電影地點及片名，最終約在佐敦見面後，他竟說要步行至旺角的戲院，但其實又未買飛。」

　　事主續指，男同事購票後問她：「180幾蚊除二係幾多」，事主即時將戲票錢給他。後來兩人去晚膳時，男方又稱無現金，最終由事主「碌卡」付300多元飯錢。

網民：或為測試對方真心

　　有網民笑指女事主或表錯情，以為男同事有意追求才赴約。但有人認為該男同事或有社交障礙，才出現怪異行為，又質疑對方或想測試女事主是否「講金不講心」才故意留難。

　　極速約會公司「214 Dating」活動負責人Tammy指，上述男主角的行為明顯缺乏男士風度：「首次約會應由男士做主導，安排節目行程及出資，不應當作測試。」她指，女士若接受追求，自然會願意付出，相處日久，自然可見對方貪小便宜，不願分攤費用及常要小禮物。

約會是互相認識機會

　　Tammy續指，曾有個案是初次約會後，男方無心再追求女方，借故「話餐飯好貴」，更付上銀行戶口要求女方過數，或聲稱已購港鐵月票，不願送女方回家。甚至有人不愛吃肉，吃飯時只顧叫自己喜歡的齋菜，更批評女方選肉類餸菜。

　　萬邦個人及家庭輔導中心婚姻及家庭治療師萬建邦指，約會是個互相認識的機會，了解對方為人處事及價值觀等，以考驗方法赴約，未必能清楚對方實際想法，反易引起誤會：「有個案是男仔每次故意約女方去茶餐廳，試下女友是否為錢同他一起，結果女友認定他不重視雙方關係而生氣，他卻誤認為已『試真』女方。」雖然經輔導後雙方冰釋前嫌，但卻要花額外時間重建信任關係。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」