過往專欄

　　好朋友有困難，本應兩脇插刀幫忙。但有女網友的善心卻遭利用，被好友當「妹仔」使喚。事主指好友自己去Shopping，卻叫她幫手「湊女」，視她如免費工人。有輔導專家指，朋友互相幫忙亦要彼此尊重，忌視作理所當然。

　　幸福並非必然，有女網友在討論區指好友過於「老奉」，令感情驟生裂痕。帖文指：「好友的丈夫婚後常回大陸工作，我見她要獨自照顧女兒，可憐她便幫手買奶粉換尿片，誰知一幫數年。近日好友女兒上幼稚園，她竟要求我代為接送，我好言拒絕，她竟反指我冇拖拍、時間多，幫手湊女當攞經驗。」

網民：事主太好人

　　事主自言要返工，但好友視她如免費工人，為此「嬲到爆」，怒稱並非立志做陪月員，何需相關湊仔經驗。她補充，朋友非事忙不能湊女，僅為Shopping或返內地探望丈夫，質疑好友是「食住上」。

　　有網民指，上述行為是「使人唔使本」，根本無將事主當朋友，笑稱事主應問對方「收番人工」，相信自可擊退無賴。有網友直指女事主「太好人」，促她應遠離這位好友，免被利用。

　　萬邦個人及家庭輔導中心婚姻及家庭治療師萬建邦指，曾有個案是事主個性隨和，同事常找他幫忙：「起初他覺得是舉手之勞，但同事的要求漸漸增加，甚至私事也找他處理，令他感吃力和委屈。」萬稱，很多人害怕得失朋友，損害雙方關係，而將不合理的責任「攬上身」。但朋友間互相幫忙也應彼此尊重，並應答謝對方的付出，不應視作理所當然，亦應定下界線提供合理幫助。

朋友交往亦應互相尊重

　　圓滿關係中心總監暨心理輔導學家蔡綺文指，類似個案很普遍：「曾有同期入職的女同事結為好友，24歲女事主見好友僅22歲便結婚生子，擔心她難處理私務，每日放工都幫忙對方打理家頭細務，豈料對方竟在公司宣揚如請了免費工人，令女事主很不開心。」

　　蔡稱，朋友間相處應有底線，且交往亦應如「平行線」，平等且互惠互利，關係才可持久。「上述情況在女仔之間較普遍，因覺得無所謂，其實是無尊重朋友的付出或不懂感恩。」

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。