過往專欄

　　「男主外，女主內」是傳統家庭模式，但有人妻指丈夫雖包辦家庭開支，卻「拒畀家用」，令她連請父母飲茶亦要用自己積蓄。有家庭治療師指，不少丈夫怕太太「有錢便身痕」，故嚴控家庭財政權。

　　結婚兩年的人妻，因向丈夫索家用被拒，在討論區訴苦。帖文指：「老公一向包辦交通及房租等開支，我閒來做兼職賺零用，惟最近懷孕無法再做，想老公在BB出世後畀1萬幾千家用，但他竟話我獅子開大口！」事主指丈夫僅答應孩子出生後，給她3,000元作零用，但她感財政不自由：「想請父母飲茶都要用老本。」

請父母飲茶 都要使積蓄

　　觸動輔導中心性治療及家庭治療總監程翠雲指，曾有個案是丈夫月入3萬元，但騙妻子月薪僅1萬多元，只給6,000元家用，後來因同事說漏嘴而「穿煲」：「原來男方認為不應給妻子飽飯食，免得她有錢便身痕，男方亦可控制話事權。」

　　美國婚姻及家庭治療協會臨床院士及亞洲家庭治療學院院士、婚姻及家庭治療師汪思思指，近期亦處理過類似個案：「丈夫收入約5萬元，太太月入萬多元，丈夫有感搵錢較多，應有較多家庭主宰權，令太太感到委屈，長遠或會破壞關係。」

「搵錢者主導」已不合時

　　汪建議，夫妻宜將部分收入撥入聯名戶口，用作家庭開支；若僅一方有收入，亦應將部分收入撥入家庭戶口，「『搵錢者可主導』的思想已不合時，因夫妻在家庭上有同等貢獻。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」