過往專欄

　　拆人情對新人來說可謂有驚有喜。有新娘呻收到好友一封厚利市，打開才發現是大疊快餐店現金券，感到失望又傷心。有婚禮統籌指，考慮送禮券要留意面值及檔次，體現贈送者是花心思挑選，對新人又合用，非貪求方便購買。

　　有人說拆人情可反映交情的深厚。一位新娘在討論區訴說，日前拆人情時發現好友封的利市很厚，原以為對方重視友誼，故出手特別闊綽。帖文形容：「我拆開個利市封，眼都凸埋，入面竟然係一大疊快餐店現金券！原來我哋咁多年嘅友情只係值快餐店現金券！」

送禮券無不可 夠體面最重要

　　有過來人指，朋友結婚曾收過3張100元超市禮券，亦試過有人無封人情，只送水杯。另有人調侃新娘如此向錢看，何不在請帖說明只收現金及最低消費。亦有網民說快餐店現金券也可當錢用，「等你慢慢使，每日食早餐都記得佢。」

　　專業旅運婚禮品牌Take My Hand總經理劉智仁指，曾有新人收過內地親友送的座枱風扇，及父母朋友送的迷你焗爐作新婚禮物，「送禮券並非不可，但要留意面值及品牌檔次。一般超市及快餐店現金券，新人用得着，但不夠體面。如是百貨公司禮券，相信新人不會詐型。」

小貓小狗作賀禮 更令人難堪

　　婚禮顧問歐惠芳指，曾有新人收到價值數千元美容禮券，但事主不敢使用，「怕幫襯美容店之後甩唔到身，反被劏數萬元。」也有賓客疑因自家寵物生了一窩小貓、小狗，竟將初生的貓仔及狗仔當新婚禮物，惟新人根本無意養寵物，或因屋苑不准飼養，反增添煩惱，「送禮物也要考慮對方是否需要，與其送了不適合的，不如封現金好過！」

　　歐惠芳續說，更「離譜」是有賓客贈送快過期的美容產品及現金券予新人，或是舊型號電器及家庭用品，相信有人是為了「清舊物」或是將禮物「翻用」。

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。