過往專欄

　　遇上進擊型女友，不少男生怕怕。有港男與讀大學的女友拍拖3星期，女方的電話攻勢不絕，又提出見家長及到男方家過夜，事主為此感困擾。有兩性關係導師指，拍拖要懂人情世故，心急想確認地位或增加對方壓力，甚至惹來反感。

　　有男網民在討論區訴苦，指拍拖三星期已感到女友「好chur」。帖文指，「成日得閒就Whatsapp我要我陪佢傾偈。講咗好多次做嘢忙未必成日覆到，但佢都仲係咁。」女友更提出到男生家食飯及過夜，事主也直言：「都唔知穩唔穩定，未帶你見家長都好正常」。

部分女學生未能體諒在職男友

　　大部分網民認為該女生太黐身，或會「易請難送」，建議早分手免麻煩。亦有人指前女友試過凌晨12點「喪撳鐘」，要去他家過夜，沒理會其家人感受。

　　極速約會公司「214 Dating」活動負責人Tammy指，部分在學女生未有工作經驗，未能體會男友要工作及應酬，「她們覺得男友要隨時候命陪自己及傾電話，很多男生都怕。」

　　Tammy解釋，部分女生少拍拖及朋友少，將全副精神放在拍拖上，未能體諒在職男友的忙碌。「曾有女大學生首次參加speed dating，已問男生是否打算結婚、希望未來老婆係點樣………男生是位27歲金融才俊，見她如此『進取』而卻步！」

　　觸動輔導中心性治療及家庭治療總監程翠雲認為，個案中的女友或因無安全感，而常想纏着男友。「這樣難免會增加男生的壓力，是不懂人情世故表現。」至於她提出見家長，程翠雲估計是女生心急想確認地位。但她坦言，時下男女拍拖多是先在社交網站公布關係，介紹朋友認識，關係穩定才見家長。而女生提出上男生家過夜，倘男生思想傳統，或會認為她太隨便，有損印象。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」