又到美食博覽!今年美食博覽開鑼喇!連同美食商貿博覽、美與健生活博覽、家電.家居.博覽及香港國際茶展,共匯聚超過 1,840 家展商。美食博覽主打「美食薈萃廊」及「尊貴美食區」,有齊超力、奇華、美心、日清、安記、原味家作、大班、榮華等大品牌,也不缺魚子醬、黑松露芝士、西班牙火腿等,記者發現今年不少品牌推出 $1 至筍美食優惠,也增設即煮即食的美食,當然也有福袋大放送。編輯部率先為大家預告美食博覽有甚麼好食好買 item!
美食博覽 2024|$1至筍美食︰安記玩遊戲!嬴走500罐即食鮑魚
安記海味每年都舉辦綽號十足的小遊戲大送鮑魚,今年就推出 $1「蟹」逅鮑魚,送出共 800 罐即食鮑魚系列。遊戲玩法簡單,參加者每 3 人為一隊,參加者首先將鮑魚模型擲向巨「蟹」標靶,另一名參加者把跌下的鮑魚用鏟推回起點,第 3 名參加者將在起點的鮑魚執起放上籃備用,限時 30 秒內擲出最高分為優勝組別,即可帶走 500 罐即食溏心鮑魚,包括新登場的安記蟹皇溏心鮑、安記金牌溏心鮑、安記金蠔醬油溏心鮑及安記鮑魚花膠佛跳牆均隨機送出。其他落敗組別亦可獲得 150 罐即食鮑魚,安記合共送出800罐即食鮑魚,總值$36,000。
要留意,遊戲只限在首日頭 9 位在場外排隊購票進場的參觀人士。
安記海味
攤位編號:1D-C10
下一頁︰限量搶!壽桃金沙蝦子麵禮盒、泰式杯麵、德國鹹豬手、澳洲大鮑翅
美食博覽 2024|$1至筍美食︰每日限量30盒!$1壽桃金沙蝦子麵禮盒
壽桃的金沙蝦子麵禮盒以原粒蝦子製作,加上頭抽、橄欖油,鮮香不膩;每日 10am 可以 $1 優惠價搶購,每日限量 30 盒。
壽桃
攤位編號:1E-A02
美食博覽 2024|$1至筍美食︰1蚊四個Thai Chef MAMA杯麵!
深明杯麵是懶人恩物,高格行就在美食博覽首日(8月15日)推出 50 份 $1 Thai Chef MAMA 杯麵套裝,有齊 4 個口味;另外攤位同日也有 $1 兩個阿華田「即沖麥片早餐杯(增量裝)」優惠,名額只限 50 份。
高格行
攤位編號:1C-A28
美食博覽 2024|$1至筍美食︰1蚊四罐!馬來西亞桔仔水
今個盛夏,大家都極需要冷凍的凍飲消暑降溫,推薦馬來西亞品牌 Sundrop 桔仔水,採用少糖、無添加配方,富維生素 C, 重點是 $1 即可入手四罐,抵到癲。
迪斯高國際有限公司
攤位編號:3D-C11
美食博覽 2024|$1至筍美食︰首日限搶20包!德國瑞士汁鹹豬手、澳洲直送大鮑翅
天饌攤位可以找到多款即食湯包、港式小菜,但最吸引要數 $1 瑞士汁鹹豬手及澳洲直送大鮑翅,前者用上德國直送原隻豬手、農圃飯店主理,同場亦有 $1 澳洲直送大鮑翅,不過首日限量 20 包,數量有限。
天饌
攤位編號:1A-B06
美食博覽 2024|$1至筍美食︰好棧1蚊搶龜苓膏、新鮮蟲草
好棧分別推出 $1 龜苓膏,每日限量 50 個;大大條 $1 新鮮蟲草則每日限量 10 條。
好棧
攤位編號:1A-B16
下一頁︰即買即食!besk pick 4大掃街美食
美食博覽 2024|掃街必食︰安記增大排檔美食區!$30食鮑魚串串、蟹皇鮑魚撈麵
安記今年增設大排檔美食區,供應鮑魚花膠碗仔翅、鮑魚滷肉飯、涼拌花膠海蜇、鮑魚串串等,統統 $30 買到!必試蟹皇鮑魚撈麵,用上新推出的蟹皇溏心鮑,配搭掛汁麵條,啖啖滋味!矜貴鮑魚佛跳牆則有齊鮑魚、海參、花菇、花膠、素翅及鴨掌,用料豐盛,每份 $50。
安記海味
攤位編號:1D-C10
美食博覽 2024|掃街必食︰大班新甜品!歎泡芙冰串燒3口味
大班將於美食博覽推出多款新甜品,像「泡芙冰串燒」($45/2 串),一串有人氣開心果、清甜草莓及海鹽焦糖口味,忌廉內餡口感更如雪糕般細滑,炎夏必吃;「甜品奶凍」則有芒椰奶西、麥芽朱古力及蜜柑 3 個口味,同樣值得一試。
大班冰皮月餅
攤位編號:1C-E02
美食博覽 2024|掃街必食︰免費試食振興肉丸!重現城寨打丸打卡位
《九龍城寨之圍城》月前在港掀起熱潮,連帶當年的區內名物 — 手打魚蛋也引起討論。原來大埔振興的創辦人也在城寨起家,趁著美食博覽特意在攤位設置 60 年代九龍城寨打丸的場景,任大家前來扮打牛丸打卡,只要將打卡照分享到 Facebook 或 Instagram,即可獲贈一份小禮物。另外,攤位每天也供應不同肉丸免費試食,包括新品牛骨清湯牛丸(會場價︰$160/1kg)。
振興肉丸公司
攤位編號:1A-D02
美食博覽 2024|掃街必食︰尊貴美食區發現$48法式魚子醬撻
走入尊貴美食區,我們在凱潤食品的攤位發現法式魚子醬撻($48/個),拌入蛋黃、蛋白的忌廉芝士上,加上內地製作的西伯利亞魚子作點綴,讓大家淺嘗矜貴味道。攤位也供應意色松露撻。
香港凱潤食品
攤位編號:尊貴美食區 3B-F01
下一頁︰福袋大放送!$120買巨型杯麵套裝、$288安記五福臨門福袋
美食博覽 2024|福袋大放送︰可愛福袋代表!$100起買巨型杯麵造型、清仔旅行袋
日清食品的福袋從來不會令人失望,造型可愛、實用兼備,像出前一丁滋味福袋($100)本身就是個旅行袋,固定在行李箱的手柄上,而且袋內有新出的「全辛滋味系列」包裝麵、元祖雞汁即食麵、清汁及可可脆批,共 10 件麵食及零食,相當抵買。合味道滋味福袋($120)更是個巨型杯麵造型,有單肩、斜挎雙重背法,可愛度爆燈!袋內則是不同合味道杯麵、IRVINS 鹹蛋味撈麵、湖池屋激辣魔薯香辣味薯片,一包 7 件,手快有手慢無。
日清食品
攤位編號:1D-C02
美食博覽 2024|福袋大放送︰味珍味再推$280 DAIRY保溫車仔套裝
主打日本食品的味珍味,今年以日本傳統夏日祭典「青森睡魔祭」為主題,除了有 $60 兩盒新紀元卵「曉」、$50 兩盒 KOKUAJI 谷池濃厚 3.6 鮮牛乳,及以優惠價出售日本佐賀香印、巨峰提子,也有 2 款 DAIRY 飲品福袋,最搶手一定是 DAIRY 保溫車仔套裝($280)。
味珍味
攤位編號:1B-C02
美食博覽 2024|福袋大放送︰$288安記五福臨門福袋!包溏心鮑佛跳牆寸菇XO醬
安記一如以往推出多款福袋,當中最吸睛要數五福臨門福袋($288)及 50 週年鮑發財鮑魚寶盒 ($698 ),前者包 2 盒即食溏心鮑魚、1 罐鮑魚花膠佛跳牆、安記珍品寸菇及鮑魚味元貝 XO 醬,比原價平近半價;後者則更大堆頭,蠔皇花菇溏心鮑魚 8 頭、紅燒溏心鮑魚 8 頭、星級紅燒元貝鮑魚 4 頭、金牌鮑魚佛跳牆、極上紅燒溏心鮑魚 6 頭、極上紅燒干貝鮑魚 6 頭、五福蠔皇元貝鮑魚 5 頭各一罐,另加 4 罐金牌溏心鮑 (款式隨機),送禮自用唔失禮。
五福臨門福袋($288)
50 週年鮑發財鮑魚寶盒 ($698 )
安記海味
攤位編號:1D-C10
下一頁︰人氣推介!D24及貓山王榴槤麻糬、東方名酒酒心朱古力、黑松露芝士
美食博覽 2024|人氣推介︰帝一榴$150歎D24+貓山王榴槤麻糬
榴槤控出沒注意!馬來西亞國家級指定招呼貴賓榴槤產品品牌帝一榴,繼書展零食世界之後,再於美食博覽登場,其 Durella 榴槤果蓉杯、冷凍榴槤果肉、榴槤冰皮月餅、D24 榴槤噹噹都是熱賣 item,人氣之選要數榴槤 MOCHI,會場價 $150 即可買到 D24 及貓山王 2 款口味,有成 20 粒!
帝一榴
攤位編號:1A-B20
美食博覽 2024|人氣推介︰一粒一口酒!酒心朱古力加入茅台酒、清酒、真露
或許,酒心朱古力該被重新定義。本地品牌朱酉以 East-meets-West 為創作理念,把中國茅台酒、日本清酒、韓國真露、香港玫瑰露等東方名酒加入朱古力當中,採用歐洲傳統方式手工製作,每粒更包裹住一口酒,把酒的味道、香氣都一一保留下來,吃起來每啖都是醉人滋味。
● 朱酉經典手工朱古力禮盒(紅、20粒裝) $1,200/盒 贈送一盒朱酉經典手工朱古力禮盒(黑、20 粒裝) 價值︰ $1,080/盒
● 朱酉經典手工朱古力禮盒(初嘗 4 粒裝)$168/盒
● 最新朱酉酒心朱古力「露啤ROMAEK」 4粒裝 $112/盒
朱酉
攤位編號:3B-E05
美食博覽 2024|人氣推介︰買黑松露芝士加$50入手60個月西班牙火腿
尊貴美食區點少得芝士、黑毛豬,甯遠貿易的攤位就推出 $198 優惠,入手黑松露芝士或手切 60 個月西班牙火腿,加 $50 可換購手切 24 個月西班牙火腿。店員教路,24 個月西班牙火腿可加入沙律同吃,60 個月西班牙火腿則送酒一流。
甯遠貿易
攤位編號:3B-E19
下一頁︰平買月餅!
美食博覽 2024|平買月餅︰大班
大班冰皮月餅口味多達 40 款,今年特別推出 35 周年別注版禮盒,配搭楊枝金露、蛋黃綠荳蓉及西尾抹茶紅荳 3 款人氣口味,如果憑會場優惠小冊子的大班優惠券,更能以 $298 買 1 送 1 入手大班冰皮月餅 35 周年別注版禮盒。其他優惠如下︰
● 買禮盒裝冰皮月餅滿 5 盒,送〔冰皮玲瓏四色伴官燕月餅〕1 盒(原價$448/盒);或
● 買禮盒裝冰皮月餅滿 3 盒,送〔冰皮迷你四色月餅〕1 盒(原價$350/盒);或
● 買禮盒裝冰皮月餅 1 盒,送〔冰皮迷你月餅(2 個裝)〕1 包(原價$88/包,官燕系列口味除外)。
● 以『恒生信用卡』選購指定冰皮月餅禮盒,更可同時享『$1 +Fun Dollar 』換購優惠。
大班
攤位編號:1C-E02
美食博覽 2024|平買月餅︰美心
美心月餅繼流心奶黃月餅之後,推出全新流心黑松露奶黃月餅($338/ 2盒),以意大利 La Rustichella 黑松露醬,加入海鹽點綴;「流心六滙月餅」也集合 6 款流心月餅,更包括全新流心黑松露奶黃月餅,一次過試勻不同滋味。「拔絲草莓奶蓋風味月餅」($228)也是美心新口味月餅,内餡採用醇香牛奶搭配烏龍奶茶味拔絲醬心,味道層次豐富。其他月餅優惠如下︰
● 買指定月餅 5 張 , 送美心禮餅券一張(價值$60)
● $338 購買 2 盒流心黑松露奶黃月餅(4 個裝)
● 買任何 2 盒冰皮送 2 盒冰皮 Mini 4(榴槤除外)
● 指定時段,指定產品買一送一(同款月餅產品)
美心
攤位編號:1C-C02
美食博覽 2024|平買月餅︰奇華
奇華也推出全新黑松露金華火腿五仁月餅,鹹香煙韌的金華火腿五仁月餅,再配上意大利黑松露,令人齒頰留香;另外還有迪士尼月餅系列,如 Sweet Dreams走馬燈月餅禮盒($270)、不同角色的 Sweet Dreams奶皇月餅禮盒(單個裝送造型斜孭袋、$100)。其他月餅優惠如下︰
● $40 入手奶皇月餅套裝(蛋黃奶皇、朱古力奶皇各一個),每日限量 200 盒。
● 八折買各款奇華至尊月餅、月餅券
奇華
攤位編號:1D-D02
美食博覽
開放時間︰8月15至18日(星期四至日)上午10時至下午10時、8月19日(星期一)上午10時至下午6時
票價︰
● 美食博覽公眾館、美與健生活博覽、家電.家居.博覽2024門票:每位港幣30元 (如參觀同日的「尊貴美食區」需另付追加票價港幣 $10)
● 美食博覽公眾館及「尊貴美食區」、美與健生活博覽、家電.家居.博覽2024預售套票:每位港幣36元*
● 「上午進場票」優惠:8月15、16及19日(星期四、五及一),中午12時前入場,只需港幣10元(只限於會場入口收費站,以AlipayHK、支付寶或八達通即時付費入場)
● 「晚間進場票」優惠:8月15、16、17及18日(星期四至星期日)晚上6時後入場,只需港幣10元(只限於會場入口收費站,以AlipayHK、支付寶或八達通即時付費入場)
● 傷健人士票價:港幣10元(可追加票價港幣10元以參觀同日的「尊貴美食區」)
備註:需出示由勞工及褔利局發出之「殘疾人士登記證」(只限於會場入口收費站,以AlipayHK、支付寶或八達通即時付費入場)
● 3歲或以下小童及65歲或以上的長者(持長者咭或有效年齡證明文件)免費入場
購票方法︰電子入場券可透過電子支付贊助商BoC Pay、AlipayHK及支付寶手機應用程式;以及01空間電子門票銷售平台、全線7-11、Circle K便利店,及八達通手機應用程式購買。
網址︰www.hktdc.com/event/hkfoodexpo/tc