過往專欄

　　香港有賽馬，澳門有賽狗。不過賽狗呢樣嘢要變成澳門人嘅集體回憶了！事關澳門逸園賽狗場要結束營業，狗會亦都要喺下個月21號之前遷離，成600幾隻格力犬都唔知點算！

嚟緊7月1日仲有一場領養日，亦可能係最後一場。冇人領養嘅格力犬料命途多舛......

600格力犬去向令人憂

　　之前賭王四太梁安琪曾經豪言「我梁安琪全部養晒！」大家諗住一眾狗狗唔駛憂啦，有網民仲笑言「全部送去四太屋企，佢答應過呀！」點知前幾日四太就話「冇地方點養啫！」淨係話同政府傾緊安置安排，睇嚟啲狗狗都係冇得旨意四太「一力承擔」喇！狗會近排都有舉辦領養日，但係聽講反應唔算好好，睇嘅人多出手領養嘅就少。

　　之前有人話，好驚遷離時限一到，啲狗狗就有可能要人道毀滅或者運返內地，不過負責人就話唔會送人道毁滅，但沒講埋落去會點處理班狗狗，但係Jenny一諗起呢排剛好係廣西玉林嘅狗肉節，如果運佢哋返內地，似乎仲慘過人道毀滅……

Miss Mo望港澳兩地可酌情處理

　　一直關注動物權益嘅毛孟靜（Miss Mo）都有留意今次事件，佢就話，而家有5至6名香港人已經正式領養咗狗狗，相信隨時會有100人以上去領養添！不過聽講漁護署嘅防疫中心已經爆滿，要去到今年年尾先再有位，所以佢就同漁護署傾吓有冇得酌情處理，例如喺澳門做檢疫、縮短隔離期等。而漁護署都回覆話有關注今次事件，因為呢批狗狗唔係「街犬」，如果有齊針紙嗰啲，風險評估都可Set低啲、時間可以縮短啲，亦都會同澳門政府研究可唔可以喺澳門做檢疫。Miss Mo就好開心，仲多謝漁護署關注今次事件同埋同澳門政府溝通添！

　　其實狗狗都係一條生命，呢到有成600幾條命，學Miss Mo話齋，救得幾多得幾多，希望可以嚟緊7月1日嘅領養日，會有多啲有心人去領養喇！Jenny亦要在此提提大家，要衡量自己嘅能力先去決定係唔係養寵物啊！唔好貪得意或者趁墟，一時衝動落決定！

　　報稱馬評人的蔡先生經常在YouTube分享賽馬分析，相當高調又喜歡炫富，沒想到原來一直拖欠朋友投資債項遲遲不還，苦主Helen難忍對方的態度決定報《東張西望》公開事件，事件在電視播出後，馬評界都有不少KOL爆其他內情。

　　苦主Helen接受《東張西望》主播李旻芳的訪問，她表示跟馬評人蔡先生認識二十多年，2022年因家中有劇變需要用錢，希望用手頭上的150萬作為投資，由於蔡先生自稱投資有道，亦在不少報章雜誌上有專欄分享投資心得，於是對他投資眼光有信心，當時蔡先生更主動建議：「1.輸的話全入我數，但賺到嘅我要三成; 2. 輸的話你我一人一半，賺到我要一成。」甚至可以寫借單，附上身份證副本，拍片講明由Helen借出都沒有問題，甚至將外圍馬戶口的一百萬信用結餘截圖發給Helen，令Helen放下戒心，將150萬轉戶給對方作投資之用。

　　投資的頭兩日已經賺到6萬多元，不過三個星期就蝕足一半，直至九月中投資戶口只剩餘22萬，隨即蔡先生就開始失聯，Helen直接上公司找蔡先生，蔡先生就拿出身份證叫Helen寫借據，聲稱會分期還錢，律師認為沒有抵押情況下借據亦沒有用，而且蔡先生11月份只還過兩萬之後一直採取「拖字闕」！雖然Helen入稟勝訴，法庭要求蔡先生要償還債務，但蔡先生毫不理會，不但有錢不還，更繼續過奢華生活，在IG分享自己以20萬元以上拍賣自訂車牌、一餐飯消費4萬元、投資1萬元一場馬等等，似乎有錢但仍然不還。Helen更踢爆他明明已婚有個女，但仍然聲稱自己單身約女仔私影，Helen表示跟對方已經失聯近一年，《東張西望》嘗試協助Helen上門尋人，住址有人但不應門，而蔡先生在YouTube聲稱任職顧問的軟件開發公司，當李旻芳上門尋人時，對方稱蔡先生根本就早已離職。Helen坦言今次公開事件，希望大家不再為這個人而受騙。節目出街前後，蔡先生仍然在YouTube有直播講馬，完全沒有避諱，而馬評界其他KOL在YouTube都有分享，不點名的方式指這位人兄借馬主廂房食飯但走數不還，行為非常惡劣。