過往專欄

　　臨近佛誕，漁護署呢排就好出力咁宣傳唔好亂咁放生動物，Jenny搭地鐵都成日見到漁護署個廣告，係講一啲淡水龜被「放生」落咸水海，「放生」變「殺生」！所以就叫大家「停一停，諗一諗」先！而上個星期漁護署又喺佢哋個Facebook專頁到上載咗「魚魚篇」，話放生有可能對生態平衡帶來衝擊喎！

漁護署好大的膽子！？

　　片中啲「原居魚」聲淚俱下咁控訴放生啲「外來魚」：「除咗同我哋爭嘢食之外，仲會襲擊其他魚」、「本身屬於我哋嘅棲身地，已經變得面目全非」……啲論述咁熟口面嘅？睇返網友嘅留言，都似乎聽到啲弦外之音噃！漁護署唔通真係咁大個膽子？定係言者無心，聽者有意？

Miss Mo get到弦外之音？

　　Jenny一於問吓向來好關注動物權益嘅毛孟靜（Miss Mo）先！原來Miss Mo都未睇過條片，一睇就笑到一發不可收拾，差啲連眼水都標埋呀！佢就同Jenny講：「明白佢地（漁護署）唔係咁既意思，不過就真係好缺乏政治敏感度囉！」、「啲排外既感覺出晒嚟」！睇嚟Miss Mo都同樣Feel到呢份弦外之音咁噃！咁身為研究動物權益相關事宜小組委員會主席嘅蔣麗芸（Ann姐）又點睇呢？

Ann姐：諗多咗喇！

　　Ann姐見到小妹搵佢講動物議題就好似幾開心咁噃！不過睇完條片，佢臉上嘅笑容就消失咗一大半，唔通佢都Feel到啲嘢？Ann姐就即刻否認：「咁又唔好諗到咁複雜」！又話覺得條片應該講啲「外來魚」有機會適應唔到而死亡，咁就到Point啲喎！但係呢個Point唔係已經喺「龜龜篇」講咗啦咩？睇嚟Ann姐都冇留意呢輯廣告喇！不過話時話，Jenny都覺得唔識放生就真係唔好亂放，如果唔係本身諗住積陰德，變左好陰騭就唔好啦！

　　有老友唔明白，在樓市在加息陰影，賣樓移民潮，甚至在傳媒吹淡風之下，樓市能夠保持平穩已經是非常理想，但點解會有內地學生會交一年租金，或多或少都會有一些風險，唔通內地學生唔知道可以每個月交租？

　　老友真的不明白，有咁多香港人不得不賣樓移民去英國，接貨的大多數是住滿七年的新香港人，不過，那些新香港人買樓之後又未必會長住香港，但唔買又浪費了配額，因為住滿七年是買樓不用繳付30%印花稅，最好解決辦法就是將買入單位租出去，租比內地學生就更好，仲可以用經常不在香港的理由，要求內地學生付整年租金，甚至可以將租金下調多少作為回報，正是一家便宜兩家著，香港租客不習慣這個操作，香港業主更加唔夠膽叫租客交一年租金。

(iStock)

　　由於這些預繳一年租金的個案不斷增加，不少香港業主亦要求租客預繳一年租金，雖然成功的例子很少，但令到不少業主以為租務市場非常缺盤，就算租客不能預繳一年租金，業主都會將每月租金提高，老實說，租客已經沒有議價能力，租金上升，樓價亦會上升，預繳一年租金對樓市影響是福是禍，真的是很難分辨出來，總之對自己有利便是福，反之是禍。

　　而事實上那些預繳一年租金的內地同學亦不是無緣無故，最有可能是大多數業主恐怕同學在學期尾的時候唔交租，如果不是預繳一年租金就寧願不租給他們。總括來說，租務市場是有需求，業主才夠膽要求預繳一年租金。