過往專欄

　　連踩超過20小時不停工作之後，Jenny終於等到立法會補選4個議席嘅結果出爐，好多人都對民主派候選人、DQ主角之一嘅姚松炎（姚教授）竟然會輸畀民建聯嘅鄭泳舜（舜仔）感到十分驚訝，不過其實結果一如Jenny賽前所料。本身姚教授就因為空降而冇地區樁腳，而且不熟當區民情，係先天不足；而舜仔群星拱照，先有鐵票護航，再加選舉工程包裝得好，此消彼長之下，姚教授本來已經危危乎。

九西點咗兩次票，都扭轉唔到結果。圖為行家等候每個票站公布選票分布。紅色為已重點，白色為未重點。

DQ光環只是強力電筒

　　好多人可能會問Jenny：姚教授個DQ主角光環唔夠用咩？的確呢個「執」光可以幫到手，但咁係唔夠架！有時可能姚教授都以為個「光」係大光燈，點知去到九西區充其量只能做個強力電筒，照到近照唔到遠囉！

　　經過幾個月選戰之後，Jenny向一啲義工同九西街坊打聽過，佢地都大讚姚教授係好人，望上去又做得野，但就硬係同佢好似唔太啱Channel咁……此話何解？有泛民義工都唔怕同Jenny講，話覺得姚教授唔太識得而家地區直選嘅選戰玩法，同埋喺街頭拉票嘅策略，有時會太有諗頭，結果就變咗離地，加上街站擺得少，某程度都影響到居民點睇佢。

居民認唔到「嘜頭」

　　話明空降冇地區樁腳，對手舜仔卻係區議員，咁姚教授一定要借助地區民主派的力量，點知佢又偏偏未有好好利用，Jenny甚至聽聞尋日民協馮檢基（基哥）昨日撐場拉票，都係基哥見到告急自發出現幫忙催票，姚教授事前竟然冇叫佢幫忙。姚教授啊！九西有唔少老人家，其實都係認嘜頭投票，你一個新仔過來選，冇搵多幾個舊人帶吓出來見鄉親父老，咁咪蝕底囉！

　　姚教授今次都知衰，灰晒咁同Jenny講會為敗選負上全部責任，直認係選舉工程嘅策略失誤，自己無直選經驗。

　　不過，佢就否認民主派高估DQ效應，認為港島區出現兩次DQ，民主派候選人區諾軒可以贏，係充分反映市民幾不滿政府嘅DQ行為云云……只係各處鄉村各處例，港島玩法又點同九西玩法呢？何況區諾軒本身都是區議員嚟啊！

舜仔鐵票＋包裝＝立法會議席

　　舜仔今次威威啦！成為直選補選嘅建制派「零的突破」，以舜仔知名度首次出戰就拎到10.7萬票，Jenny除咗一如以往地讚嘆建制鐵票嘅「硬度」之外，亦不得不讚吓整個競選團隊資源係如此豐盛，旗海同廣告處處已經唔係出奇事，又有資深傳媒人幫手搞PR，加埋個「乖乖仔」、「年青才俊」包裝，再配埋花名「高民望」嘅高永文醫生時刻隨行在側咁滯，真係行路都有陣風咁……舜仔成功令唔少人投票日乖乖奉上選票。你可能會話啲人咁易氹咩？咁你真係未明箇中道理喇！

　　Jenny有個姊妹住港島前排選戰期間，時不時都會收到舜仔宣傳，可見舜仔嘅大包圍政策幾進取！一於有Send錯冇放過！但係呢，選前舜仔就好進取，但選舉當日舜仔發畀傳媒嘅採訪行程得兩單咁大把（黨友鄧家彪都有3單啦！），唔通佢一早知自己會贏？

　　佔中之後，我們學懂了很多政治名詞，譬如這個：「選舉呈請」。

　　選舉呈請是一個質疑及推翻選舉結果的法律程序，必須在選舉完結後提出，法庭才會受理。提出者通常因為反對選舉結果，才會呈請，絕少，或者絕無一人，既滿意選舉結果，又提出推翻結果的呈請。

　　但今天，我們卻看到一個奇特的例。

　　每天站在港島區候選人區諾軒身邊，幫忙嗌咪拉票派傳單的「眾志小花」周庭，在區諾軒當選的晚上，跑上台給區諾軒獻花擁抱，激動得熱淚盈眶。然而幾日後，周庭卻公開說，要對選舉結果提出選舉呈請，甚至推翻結果也在所不惜。

　　不知就裏，還以為區諾軒與周庭是對鬧翻了的小情人，前幾天還在痴纏，今日就反臉無情把你置諸死地。

　　這選前選後的變臉，到底是女人五時花六時變？還是另有圖謀？我試作如是觀……

　　作為一個反對派二打六，區諾軒大概從沒想過自己會當上立法會議員，連幻想也沒有，所以，他過去的言行都很率性，想做就去做，沒有為選舉部署洗底消毒，結果，無端端一個機會讓水鬼陞城隍，由參選到當選，我看到的區諾軒是惶恐多於雀躍。因為一出台就給人翻出燒基本法、唱港獨歌的鐵證，即使選上了，其實極有可能被DQ。

　　如果區諾軒真的被DQ，選民就會怪罪，億幾公帑付諸流水之餘，再要多拿億幾搞補選，市民厭倦了，反對派也找不出「乾淨」候選人出選，到時贏的就會是建制派。

　　反正是一粒吃到咀裏都要吐出來的葡萄，不如玩大一點，由自己人自我DQ，所以周庭說有意提選舉呈請時，區諾軒竟配合地說好：「寧願失掉議席，也要伸張公義」云云。

　　周庭今次申請呈請的理由是：不能因為一個人以前的政治行為判定他示效忠基本法。試想想，如果此呈請得直，以後那些燒基本法燒憲法搞港獨倡自決的人，通通可以參選，本來被打得一蹶不振的反對派又可咸魚翻生，2020年立法會換屇，反對派將可氣勢如虹地重奪失地。

　　今日犧牲一棵樹，是為兩年後奪回一個森林作準備。反對派的心戰室，已經站高望遠，計算到2020了。