過往專欄

 　　人生無常，一朝鯉躍龍門，是否就可安枕無憂？未必！失意官場有時反而可能樂得逍遙。咁啱今日「雙曾」就各自有新消息，仲要係幾兩極嘅消息。

「煲呔曾」做到最高位 輸咗人生

　　有「煲呔曾」之稱嘅前特首曾蔭權，可以話係香港回歸以嚟做咗最長時間嘅行政長官。之不過「煲呔曾」雖然做到香港嘅最高話事人，但係退休冇耐竟然畀人告，今年年初先啱啱被控「公職人員行為失當」罪名成立，入獄20個月，成為咗香港開埠以嚟被起訴而且被定罪嘅最高級官員。到而家件事都仲未完，因為佢仲有一條「行政長官收受利益」罪要再審，今日先喺高等法院正式開審，選咗9個陪審員出嚟，法官話預計要審25日。大家欲知後事如何，就要睇一個月之後嘅結果喇！

「鬍鬚曾」做唔到特首 焉知非福？

　　同樣姓曾，同樣做過財政司司長，又同樣參選過特首選舉，但係落選咗嘅前財政司司長曾俊華「鬍鬚曾」，雖然唔似得前老細「煲呔曾」咁做到特首，但係落敗之後反而生活更加多姿多彩，又拍片又做慈善，呢排仲踩過界做埋DJ添！事關今日有電台就喺社交網站上載咗條片，原來係宣傳「鬍鬚曾」將會主持佢哋嘅音樂節目！「鬍鬚曾」完咗選舉之後一直動作多多，瓣瓣都涉獵吓，玩吓Hea吓又一Day！

　　唉！睇返以往拍住上嘅「雙曾」，而家一個得咗但衰咗，一個衰咗但得咗，世事難料就係咁解！

　　人生的一切，我早早理解有晒劇本。一切生命中的人和事，應出現時就會出現，毋須刻意，亦毋須強求。

　　最近又一次發生我身上。

　　小弟入政府三十多年，有幾位高官，我極之「欣賞」（由下而上得唔得的呢？）。覺得若公務員生涯有機會跟到佢哋學嘢，肯定能夠自我提升。

　　其中一位，正是前財政司司長曾俊華（John）。

昔日為肥彭私人秘書，吸收大量成功民主政治人物心法

　　結果，我做到退休亦不能嚐願，冇法。

　　不過，叮！上月，竟然「天降甘霖」。有一個推動環保的NGO團體「健康空氣行動」（Clean Air Network），基於香港在減空氣污染方面，仍未成功，導致不少老弱及長期病患者健康受損，令公共醫療負擔不停增加。故此，希望督促政府在減排及零排放方面，加速制定政策，淘汰柴油及電油車，尤其公共巴士方面，更應盡早變全電動。

　　曾俊華作為前財爺，十多年前已開始策劃整個部署，但點解到今天，「同志仍未成功」呢？

　　於是，「健康空氣行動」就決定拍一條片宣揚環保訊息，並由曾俊華解釋當中遇到的難題及解決方法。製作人突發奇想，不如搞個「電動巴打」（Brother）形象，由兩個曾X華一問一答帶出背景資料，然後游說市民加入推動環保概念。

曾氏「巴士巴打」喜雙逢，曾俊華X曾智華

　　就咁，小弟就有機會與偶像攜手合作矣。

　　一日的拍攝期，頗多空閒時間。大家對談下，再次confirm不少有識見香港人的悲嘆：「點解唔係曾俊華做特首呢？唉……」

　　事實擺在眼前，阿John有齊成功民選特首的條件。包括：有人緣，有親和力，不離地而入世，有品味，有文化，幽默而具同理心，温文有教養，知識淵博，寬宏大量，以理服人，具國際視野，謙虛有禮……

作風絕不離地，經常與年輕人打成一片

　　更更更重要，若由佢出任特首，肯定有大量賢能願意舉手加入政府的管治班子！

　　可惜……又是天意吧。

　　拍攝當日，曾俊華所到之處，所有市民見到「薯片叔叔」時，皆展露由心而出的快樂笑容，紛紛要求握手、拍照、簽名……

極其親民，處處大受歡迎

　　民心民意民情，絕不能人為刻意打造，因最終會穿崩！政治人物，愛民，必須是真摰的！

　　塞翁失馬。如今，退休的John，天天享受平民化的悠閒生活，並指定自己「做啲嘢」。包括：與年青人多聯繫；研究科技；做對社會有好處，有前瞻性，有顛覆性的事。真是極有卡士的退休人辦！

無官一身輕，變回自由自在的阿叔

真正武功高手

在美國時獲武術大賽奬項

喇沙師弟西洋劍撃師傅