過往專欄

　　失咗蹤成個月，全因為我經歷左一個慘無人道、不見天日嘅瘋狂peak season，令我完全冇時間同大家分享返工點滴。（唔好意思，就算冇人想知，我都要迫大家知）到左今個月，終於早返少少收工，但行出office大樓一刻起，突然覺得「其實收咗工我咪又係行去另一個監獄入面」。

　　新加坡近排積極研究興建地下城，以解決地面土地不足嘅問題。如果新加坡地下城嘅技術真係成熟咗，香港絕對可以向佢哋借鏡，將全港嘅辦公大樓放晒落地底！原因好簡單，辦公室大樓呢啲黑洞，當你入咗去，冇深夜都唔使旨意行得返出嚟！既然喺入面做嘢嘅人都不見天日，咁又洗乜將辦公室放喺地面呢？加上，打工仔不嬲都係奴隸嚟架啦，唔落地底幫地面上面班有錢人搵錢，你仲有咩價值可言？

　　係咪聽到都唔希望自己有朝一日會成為地下囚，怕做嘢做死咗都冇人知呢？但偏偏正處於地面嘅各位香港人就同監犯無異！日日工作至深夜，收工一刻終於可以享受僅餘嘅自由時光？唔好玩啦！你望清楚香港四周！搭巴士又隨時要食催淚彈、搭港鐵又日日提早停止服務，你想去邊都去唔到啦！算喇，我行路！幾經辛苦行咗幾條街去到銅鑼灣，呢間又話提早last order、嗰間又話深黃深藍唔入得，最終得返幾間可以揀嘅餐廳，但又排到2046都唔到你，你想輕鬆下食餐好嘅機會都冇埋。

　　當你原本擁有嘅行走自由、消費自由甚至任何言論自由都消失咗，香港就正式成為死城。你嘅生活模式變成按人哋嘅劇本去走：每日走入小監獄進行勞動進貢；指定時間收工由小監獄走到大監獄；再有規則規限住各位喺大監獄放飯及休憩嘅時間；最後，就寢時間再迫大家返監房倉為第二日勞動休息作準備。返工，對於香港人嚟講已經係一個好殘忍、要坐一世嘅監獄；再加上社會嘅變化，等於判一個已背負無期徒刑嘅打工仔另一次嘅終身監禁。

　　唔講政治，但相信大家都想呢個病咗嘅城市快啲變返好，畀我地一班原本已經受盡苦難嘅「奴工」，可以過返啲屬於人嘅生活。有邊個唔想自己嘅「家」可以安定、繁榮地發展落去呢？

　　上一篇下集大結局，反應非常熱烈，讀者們在我Facebook專頁留言討論。如果未睇之前兩篇的讀者，強烈建議先行翻閱，知道來龍去脈再睇未遲。做人做事，最忌以偏概全，未窺全貌就知少少扮代表，最終肯定出事。

Read More︰

職場女王Son姐｜識做人不等於識睇人眉頭眼額？虛偽、待人接物屬一線之差！同事間該是君子定小人之爭？

職場女王Son姐｜職場如戰場！同事放暗箭爭上位，點應對拆局先算高招？揭穿對方不一定贏！待人處事最緊要記住一口訣

　　不過事件中的A不在此列，因為他並非一知半解做錯事，比立壞心腸更壞的破壞，其人格品格表露無遺。至於B，他冷靜、沉著處理的方法，絕對值得大家參考學習，包括我。想深一層，即使知道後大吵大鬧又能如何？A只要死口不認自己有另一份數據，甚或道行再高一點，說自己都是剛剛收到、正想和B分享，B即出師無名，黑狗得食白狗當災，除了硬食可以點？相反，沉住氣忍一時，做好部署，為自己爭取更有利條件、更多籌碼，真正冇得輸！

　　人生也好，職場也好，鬥的不是走得快，是走得遠攀得高，看誰能夠笑到最後。我被問過無數咁多次，為甚麼總是勤奮賣力，做到像牛一般的，卻被投閒置散，沒有好下場？那些得把口講翹埋雙手日日扮忙，卸膊Hea做樣樣齊的人可以平步青雲，得老細青睞？何解硬橋硬馬真功夫，敵不過花拳繡腿？究竟有冇得解？

　　答案就是：Work Hard 不如 Work Smart！

　　Work Hard︰公司文化即使老闆文化，跟官要知官姓乜。老闆的作風性格喜好，最低限度都要摸清楚。當老闆是農夫，你是一隻牛當然有價值，即使如此，都要懂得與時並進，時移世易，幾多隻牛都頂不到一台機器，牛的價值和牛肉的價錢掛鉤，還有，有不少人是不食牛肉的！OK，我尊重每個人的選擇，包括死牛一邊頸堅持的牛，不過愈賣力肉愈韌，不能增值，反而是自貶身價。

　　Work Smart︰識做事不如識做人。幾打得、打到焦頭爛額，極其量都只能是個鍾無艷。即使勉強入得了眼，都入不了老細的心，永遠比不上那個甜言蜜語、看風使舵、令老細如沐春風的夏迎春。人貴自知，不管老闆要的是鍾無艷還是夏迎春，自己是甚麼材料自己知。龍游淺水遭蝦戲，虎落平原被犬欺；一身好本領，沒有機會發揮，幾勁幾叻都冇用。如果不能做到投其所好，講多無謂盡快搵工走。知己知彼，審時度勢，看清事實，冷靜分析，要走要留，果敢決斷。

　　Work Hard 不如Work Smart！