職場

　　演講能力了得對職場生涯十分有幫助，但如果能夠掌握問問題技巧，更可謂如虎添翼。其實問問題係一把雙面刃。識得問，可以借用問題去控制會議局面，相反就可能淪為同事笑柄，更有機會得罪上司。要學懂職場問問題之禮儀，先能夠令自己進可攻、退可守。

唔好問點解

　　會議中好多人會習慣「唔明就問」，多發問了解工作情況絕對係好事，但就要懂得喺唔同人面前調節提問方式同力度，尤其喺老細/ 高層們會議中要更加小心。例如好多人鍾意問「點解/ why」，但某啲情況下問why可能帶有不尊重、質疑嘅意味。不少老一輩老細/ 高層們認為，只有上司問下屬「why」，而非下屬問上司。佢哋覺得下屬如有唔明白應自己搵答案，或開會前應已了解情況，唔希望為咗你一個人而浪費與開會人士時間。如果真係遇到必需問「why」嘅時候，可嘗試從另一角度切入，例如向老細於某特定細節上「尋求確定」，減低尷尬情況發生。一來尊重老細向佢確定事情係理所當然，二來點出有可能被忽略嘅細節，有助大家反思。

追加討論

　　另一方面，會議中每個提問都應有其目的，目的可能係尋求協助、確認事情、獲取資訊等。如上述所講，對住老細大多情況屬於確認事情，因其他事並非佢哋著眼點。但如果對住直屬上司，就可以另加一點，嘗試透過提問同上司建立討論。老細同上司分別在於，老細只希望知道結果，唔太理會細節，對比之下上司會多講究細節。上司亦對你工作內容同能力較為了解，所以利用提問加深對事情討論度係最好不過。但緊記一點，討論並非想從上口中直接得到答案，而係旨在得到佢哋嘅建議，唔好畀對方覺得只求答案而缺乏思考，同時學習佢哋工作思維以提升自己能力。

刷存在感

　　大部分打工仔都好怕開會時被老細點名發言，所以會選擇先發制人，不停向與開會人士提問，希望喺老細前面刷存在感以減低被點名嘅機會。不過咁做並非好方法，為問而問不但令會議失去養分，更會被老細或同事們反問/ 追問，最後講多錯多隨時導致火燒連環船，令其他部門一同受罪。所以盡量避免以問問題作為刷存在感嘅工具，要重質不重量，問得精更勝連珠炮發般嘅提問，精準提問先可以令人留下深刻印象。

　　職場對弈係一門藝術，有時重點並非做啲乜可以令自己跑，反而先思考如何避開蠢事，已經勝過好多打工仔甚至職場老手。

　　這不知叫移花接木，還是移船就磡，總之要特事特辦啦，2024開工吉日不甚 User-friendly，所以要用點創新思維、靈活走位。

　　先談埋年2023兔年立春八字用神為木火，還神、大掃除、團年好日如下：

還神、大掃除

　　1月31日（年廿一星期三）甲午日，一柱木火，非常合適。

團年

　　新曆2月4日是立春，論節氣已是新一年的開始，雖然名義上尚屬兔年，但團年擇日，要選甲辰龍年立春的用神，為水木火，有兩日可用：

一、2月8日（年廿九星期四）壬寅日，壬為水、寅為木，寅中藏甲丙戍，地支有木有火，最隹。

二、2月9日（年三十星期五）癸卯日，癸為水，卯為木，水生木，有生機。

　　對於那些已成家立室的人，若要吃兩家的團年飯，一日招呼娘家、另一日應酬夫家，fit到漏油。

開工

　　今年擇日開工，大家要考慮彈性處理。

　　相信大部份市民都會年初五上班，但初五是破日，大事不宜，開工更「棹忌」。

　　龍年立春八字用神為水、木、火，而水很重要。偏偏有水的日子又姍姍來遲。

　　初六初七都是土金日，乃立春八字的忌神，不能用。

　　如果堅持要舊曆正月才開工的，可選：

　　（一）2月18日（年初九星期日）壬子日

　　我都知比較遲，但這日天干地支都是水最安全，打工仔可以請三天假，自製「悠長假期」，保一年心安理得；老細級則更加好辦，放幾天假是有「值搏率」的「風險管理」措施。

　　（二）2月17日（年初八星期六）辛亥日

　　辛本來是金，但因立春八字月柱天干有丙，丙辛化水，可謂假借轉栽培。

　　但兩天都是周末，認真的可以親自回公司進行開工儀式，嫌麻煩的可以全程遙控：

a.WhatsApp 給客戶、拍擋、下屬，祝「開工大吉、萬事如意。」

b.網上派利是

c.電郵至自己電腦，祝自己「開工大吉、一切順利。」

　　若嫌這兩天太遲，又可以考慮一個權宜之策，就是舊曆年初一之前，但是立春之後，選配合立春八字用神（水、木、火）的日子，就是前文提議為團年的吉日，即

• 2月8日年廿九星期四或

• 2月9日年三十星期五

　　若採取這「提早」開工的辦法，最好在開工日之前，放一天假，以示兔年收爐了，然後在開工日：

a.用手機發電郵至自己電腦，祝自己「開工大吉、事事如意。」

b.發短訊或電郵給客戶、同事、下屬，祝「龍年吉祥、龍馬精神。」

　　大家自己執生啦。在此祝你跨年大吉、包冇閃失。