職場

　　新一代蘋果產品喺上個星期發佈，焦點除咗係智能電話嘅售價貴到可能要賣腎先可以負擔之外，作為marketer嘅另一焦點，就係新一代iPhone嘅設計將非常適合同鼓勵AR (Augmented Reality 擴增實境) 嘅創作。

　　AR其實唔係新技術，但要數到將3D電腦圖像融合現實場景，仲要非常普及地喺手機上呈現嘅作品，相信都要數上年嘅大熱遊戲《Pokémon Go》。由於iPhone 8、iPhone X嘅攝影鏡頭同處理器都有大幅提升，相信隨著呢兩款電話嘅出現同普及，AR除咗應用喺遊戲之外，亦會漸漸喺其他地方出現。

　　宜家傢俬係其中一個最先使用AR技術做campaign嘅公司。佢哋早喺2014年已經將印刷版catalogue融入AR技術，鼓勵用家利用智能手機做互動。隨著AR技術發展更成熟，宜家將會喺今個月底推出全新嘅AR app，名為《IKEA Place》。配合iOS 11，用家除咗可以透過手機屏幕即時睇到傢私擺放喺自己屋企嘅效果外，AR技術亦可以根據相片掃描結果，預測傢俬擺放喺你屋企之後嘅大細，減少因爲尺寸唔啱而要退貨嘅煩惱 (準確度聲稱有98%)。

　　當然，宜家亦會喺app內準備好「一條龍」服務，方便用家玩完AR之後，可以隨即預訂傢俬、畀錢、安排運送及安裝。

　　上星期喺蘋果發佈會展示AR技術嘅其中一個例子就係美國職業棒球大聯盟 (MLB) 嘅《At Bat》app。佢係一個live stream棒球比賽嘅平台，而即將加入嘅AR技術，可以畀棒球場嘅現場觀眾透過手機屏幕觀察球員嘅各種數據。呢啲之前只可以喺電視機上先可以睇到嘅資訊，而家只要觀眾用手機對準佢想了解嘅球員，就可以即時睇到。

　　有公司做過統計，數碼宣傳流量嘅來源有37%係來自蘋果手機。隨著iOS 11同專門畀程式開發人員用嘅Apple ARKit喺今個星期推出，預計將會有更多應用AR技術嘅campaign推出。

　　而家幾乎每人手上都有一部高質素相機 (即手上嘅智能電話)，畀大家隨時隨地影出高質素相片同影片。一眾marketer點樣驅使用家製造更多有趣內容 (User Generated Content) 同品牌互動，將會成為有趣課題。

　　iPhone又有新功能！隨IOS 18推出，iPhone將會增設通話錄音這項新功能，除了可以為通話過程錄音，錄音內容更會自動轉存成文字，方便回顧對話內容，即睇新功能使用方法！

　　以往如果要錄製通話，通常需要另外下載其他應用程式，而且聲音音質也可能受雜音干擾，在新功能推出後，使用者就可以直接透過內建程式錄音，避免雜音問題，確保錄音品質！

　　除此之外，錄音內容也會自動轉存成文字，讓日後回顧通話內容變得更加方便！不過要注意的是，在開始錄音的時候，對方將會收到正在錄音的通知。

開始錄音時，對方將會收到此通話將被錄音的通知。

（圖片來源：鐘文澤@小紅書）

通話錄音步驟：

1.    將iPhone先更新至18.1 Beta。

2.    當電話接通，手機通話螢幕左上角將會出現通話錄音的標誌。

3.    當使用者點擊錄音符號後，通話雙方都會聽到「將會錄製此通話」的提示。

4.    在通話結束後，錄音將會自動儲存到備忘錄。

備忘錄內將會顯示通話對象、日期、通話時長。

（圖片來源：鐘文澤@小紅書）

錄音內容會自動轉存成文字。

（圖片來源：鐘文澤@小紅書）

　　日前Apple針對iPhone 15 Pro及iPhone 15 Pro Max用戶推送iOS 18.1 Beta測試版本，更新後就可以使用「通話錄音」功能，而正式版本預計會在9月推出。