財智

 　　「虛擬貨幣」最近成為搜索榜熱話，唔少新手都想透過購買虛擬貨幣一夜致富，但如果咁容易暴發，呢個世界邊到仲有窮人？比特幣、以太幣都講緊幾萬至幾十萬港紙一粒，所以今集《Make Money》就同大家介紹下啲比較新款又多人講嘅虛擬貨幣，等大家可以有多個參考。不過提醒返，虛擬貨幣波幅極大，大家買賣時候要量力而為，唔好賭身家咁玩啊！

(Shutterstock圖片)

狗類：狗狗幣、柴犬幣、秋田犬幣

(Shutterstock圖片)

　　「犬類貨幣」應該係近期最多人炒賣嘅虛擬貨幣，其中包括狗狗幣（Dogecoin）、柴犬幣（Shib）及秋田犬幣（AKITA）。呢堆犬幣都係來自網絡社區嘅笑話而起，特別經過特斯拉創辦人Elon Musk「加持」過之後，呢三款幣嘅幣價升幅快過火箭。其中狗狗幣係4月20日「狗狗幣紀念日」抽升，唔少「犬幣」fans揚言要將狗狗幣係5月31日前推上1美元；而呢種風氣亦推動埋柴犬幣及秋田犬幣上揚，當時柴犬幣一星期內升幅就達6.7倍，真係心血少都出事。

　　不過之後因為Elon Musk係週六夜現場（SNL）戲言狗幣係「騙局」之後，狗幣就大幅插水四成，而最近仲話特斯拉會暫停使用比特幣作為付款方式，因為佢認為挖掘比特幣消費大量能源並增加碳排放，又表示會使用其他更環保嘅虛擬貨幣。真係神又係Musk，鬼又係Musk，唔通佢係嚟「割韭菜」？

平台類：幣安幣（BNB）銷毀機制推高幣價

 (Shutterstock圖片)

　　自從Coinbase係美國上市後，唔少投資者都憧憬另一大平台幣安（BINANCE）會唔會走上同樣道路。不過更多人講嘅反而由幣安自行發行嘅虛擬貨幣「幣安幣」（BNB），有人認為，買入幣安幣等同買入幣安嘅股票，因為呢款幣本身有一個叫「銷毀制度」，幣安平台會用公司嘅純利購入市場嘅幣安幣，然後進行銷毀。情況有啲似上市公司回購股份之後進行註銷一樣，令到股本減少從而推高股價發展。

　　由於幣安並唔係上市公司，所以唔少人透過幣安銷毀嘅幣安幣來估算幣安年度純利。不過有唔少人認為幣安呢種銷毀方式同股票有雷同，會觸犯法律風險，所以之後更新規則，但好模糊咁話：「基於幣安交易量準則銷毀幣安幣」，但又無明確講述比例。不過無論點都好，幣安幣由40幾美元炒到上600幾美元，都算係一種潛力虛擬貨幣。

雲端類：Filecoin間接令雲端成本降低，預期幣價及使用量提升

 (Shutterstock圖片)

　　另一款近期比較多人講嘅就係Filecoin（FIL），亦都係交易平台比較多人交易嘅虛擬貨幣之一，由於全世界都講緊雲端儲存及運算，而Filecoin都係因為呢種原理而運行。Filecoin嘅獎賞機制係利用你電腦嘅多餘儲存空間出租而獲得，即係如果你個hardisk有多餘空間租畀人，你就會獲得相應嘅Filecoin獎勵；如果有客戶無論想睇文件、租空間，都要向「屋主」付出相應嘅coin先可以做到，形成一個循環。

　　而Filecoin嘅挖礦機制就係，假如你提供1TB嘅儲存空間，就會獲得Filecoin獎勵，同時你都要用返某個數量嘅Filecoin做「抵押」，假如你有一日唔想提供空間（挖礦），資料就會轉移，抵押金都會還返畀你。隨住雲端使用量上升，唔少人預計Filecoin會成為另外一種「實用性」貨幣，不論幣價同使用量都會提升，有一定前景！

撰文：李皆穎

　　一家備受市場關注的晶泰科技（02228）6月份在港交所上市。這家企業備受矚目，除了因為其業務性質獨特（基於量子物理、以人工智能賦能和機器人驅動的創新型研發平台）外，更因為其成為首家透過港交所《主板上市規則》第18C章規則（Chapter 18C）來港上市的企業。

那麼甚麼是「Chapter 18C」？它與Chapter 18A有甚麼異同？

　　回顧港交所於2022年發布有關特專科技公司上市制度的諮詢文件，亦即新增上市規則18C，以幫助一些屬於特專科技領域的公司來港上市。事實上，港交所近年在新股市場方面作出了多方面的改革，以提升上市企業擬來港上市的吸引力。這也是繼續同股不同權、中概股二次上市、放寬未有盈利生物科技公司上市後，再有新的上市制度。

　　對於18C新規，不少投資者會將其與港交所在2018年推出的18A作比較，亦即允許未有收入的生物科技公司來港上市。當中兩者最大的分別，是一個放寬生物科技公司，一個放寬特專科技公司。除此之外，兩大上市新規尚有兩點具較為明顯的區別。首先，相對18A，18C對行業的限制更為寬鬆。

　　18A的規定集中在生物科技行業，但擬推新規對特專科技的規定，則限制在五大領域，包括新一代信息技術、先進硬件、先進材料、新能源及節能環保、新食品及農業技術；另一方面，18C新規則對上市公司財務數據提供了一定的要求，包括已經商業化的企業，在相關業務的年度收入達到2.5億港元，上市市值高於60億港元；而未商業化的企業市值需要高於100億港元。根據18A，生物科技企業上市時的市值至少達15億港元。相比較之下，特專科技的市值門檻有所提升。

　　回顧過去幾年，18A對港交所在新股市場的幫助較明顯，累計已有超過60隻未有盈利生物製藥企業來港上市。市場亦預期，往後這類別的上市企業數目仍會維持較高的增速。18C順利推出後，申請上市的企業或因較高的門檻而不及18A活躍。同時，現階段相對低迷的股市表現亦有機會增加企業對上市時機選擇的考慮。

　　然而，長線來看，這些改革對香港金融市場帶來較為明顯的正面作用。一方面，對港交所而言，新上市制度可以幫助更多未有盈利，但在特定領域較具競爭力的企業來港上市，提升港交所在新股發行市場的潛在收益；另一方面，新規亦有助維持香港交易所在環球新股市場中的競爭優勢，乃至吸引更多企業來港上市，維持香港作為國際金融中心的地位。