財智

　　香港人最大嘅夢想梗係唔使做又有錢收，但其實要實現夢想都唔係咁難，只要「被動收入」打理得好，自然可以生錢出嚟啦！所以今日我哋嚟一集後生仔同老友記嘅被動收入大激鬥，睇下個邊先係「印印腳，有收入」嘅最終王者啦！

(Shutterstock圖片）

　
老友記穩陣收息股，退休人士最佳選擇

(Shutterstock圖片）

　　好多老友記去到咁上下大，就會分配好自己嘅資產計劃，可能係買股票收息；而事實上香江人好早期已經有呢個觀念，特別係老友記最喜歡嘅大象（00005），貪佢個價夠穩陣，年年有息派，季季有錢收，唔少人仲當佢係傳家之寶，一代傳一代添！之不過，而家嘅大象……算罷啦！

　　唔使失望，孖屐仲有好多值得買嚟收息嘅股份，例如同以前嘅大象一樣，都係一年派四次息嘅中電（00002）同恒生（00011），預期息率分別有4.21巴仙同4.59巴仙，每季都有零用錢分，荀呀！不過，有啲劵商每次代收股息都會收一筆固定費用，所以選股時要連呢樣一齊考慮。又或者，既然諗住長揸收息，一於上過戶處轉埋自己個名，咁就一勞永逸，Very Good嘞。

　　另外，內銀有阿爺撐住，都可以諗諗，預期息率最高係有5.73巴仙嘅郵儲行（01658）；中行（03988）同建行（00939）每日成交量夠大，有起咩事上嚟唔驚套唔到。要提提，神州係要收一成股息稅嘅，老友記留意返啦！

　　另外仲有一隻，係預期息率逾６巴仙嘅香港電訊（06828）。事實上，全球係咁放水，搞到孖屐水浸，銀號定存息率愈嚟愈低，傳統銀號一年期定存息率最高嗰間，都係得1.03厘，即係放100萬入戶口，得一萬零三百銀咁大把，完全跑輸通脹。雖然買股除淨喺股價反映返派息，遇上跌市仲會有賺息蝕價嘅風險，但如果揸隻穩穩陣陣嘅，預咗長揸，就Let go la！


　

後生仔做KOL「些牙」知識，收入其實和味！

(Shutterstock圖片）

　　上網學嘢最驚貨不對辦，又或者個導師講到一舊舊，到時乜都聽唔明。不過，新一代後生仔其實有自學能力，學得好又可以同大家開心「些牙」，所以如果真係有心教人，而人哋都見到你嘅誠意，相信都會有人願意課金。

　　疫情關係，好多人多咗時間留喺屋企，自然要搵方法娛樂或者增值下自己。而我哋教授嘅知識未必需要好專業，可以係自己嘅興趣，例如插花、煮嘢食、玩模型都可以。以我哋最常睇嘅Youtube為例，睇片時會插有廣告，當觀眾睇咗30秒以上或者完整廣告，就會有得分，平均每1000views，會收到10蚊，即係一條１０萬views嘅片，就有1000蚊啦。

　　而Youtube喺香港區嘅會員贊助，每個月係25蚊，平台會抽三成，Youtuber有17.5銀。如果開直播，仲可以收到Super Chat同Donation添！

　　除此之外，比較出名嘅收費平台有MEDIUM同Patreon，MEDIUM係專畀人出文章嘅，但佢唔會公開具體點分成，所以透明度好低。依家比較多人用嘅係Patreon，除咗文章之外，可以擺音樂、mv、漫畫等等，可以自訂收費金額，平台會抽5到12巴仙左右。

　　不過，揀得呢個方法，就要預咗前期「被動」收入較慢，仲要投入好多時間同心機，累積一定流量同名氣，往後就係收成期啦！

撰文：吳藹林

　　近日國際黃金價格企穩在2450美元之上，繼續向歷史高位進發。市場上對金價走勢具影響的因素其實有多種，包括地緣政局的發展、市場避險情緒的變動等。但如果以中長期的發展趨勢來看，影響黃金的一些特定宏觀因素，並不會輕易產生改變。

　　事實上，過去國際金價持續上揚主要受到三大宏觀因素驅使，而這三大宏觀因素在可見的未來，均難以扭轉。因此，支持金價繼續向上的動力可望繼續維持。

　　首先，環球利息向下趨勢不可逆轉。目前環球通脹放緩、經濟面臨增長挑戰，減息周期來臨只是時間問題。成熟市場中，今年以來已經有瑞士、加拿大、歐元區及英國先後開啟新一輪減息，而市場現時預期聯儲局較大概率在9月份開始向下調整利率。息口向下轉向，利好大宗商品價格走勢，黃金亦不例外。

　　第二，全球央行增持黃金趨勢不可逆轉，為黃金提供需求動力。自二戰結束以來的近八十年間，全球央行對黃金的持有量變化僅只有三個周期。第一個周期為1945年至60年代初期。當時正處二戰剛剛結束，投資者對戰爭的憂慮陰霾揮之不去。而二戰的歷史，向市場傳遞出黃金在社會動盪時的保值作用。

　　因此，在二戰結束後的十多年間，全球央行的持金量從約10億盎司增加至接近12.4億盎司；第二個周期為60年代初至2008年金融危機前，全球央行的持金量從高位一直減持至9.4億盎司。市場在該周期發現，原來戰爭並非世界的主旋律，加上環球經濟在60至90年代經歷高增長，各央行也降低相對回報較低的黃金資產。

　　這個情況一直維持到2008年。08年金融危機後，市場對黃金的安全價值開始逐步重視，一直維持穩步增持趨勢至今。根據國際貨幣基金組織截至今年4月底數據，全球央行持有黃金量已回升至11.6億盎司，繼續向60年代初高峰進發。

　　第三，美元影響力下降不可逆轉。美國債務問題日益嚴峻，為美元往後的可靠性埋下隱患。在過去20年，美元在全球外匯儲備的比例由70%以上跌至現時不足60%，雖然仍處於主導地位，但已反映市場用實際行動表現出逐步加深的憂慮。

　　以上這三大宏觀因素，將成為金價維持高位運行的中長期支持。