過往專欄

　　聖誕節除了找間餐廳吃飯，也可自己炮製一頓豐富大餐，與三五知己或愛人靜靜度過這個週末。今年Go Green已經成為聖誕大餐大熱選擇，連名廚Jamie Oliver都在網站上分享過百份素食聖誕食譜，如果大家想DIY，以下這五種食材可以輕易令聖誕美食變得更Green：

1. 純素芝士：煮意粉、焗薄餅、薯蓉等又怎少得芝士？不過「牛奶產自牛身上」，牛隻是反芻動物，所以生產奶製品的碳排放跟牛肉不相伯仲。目前純素芝士已經變化出很多口味，想灑上意粉或薄餅上可以試Follow My Heart的車打芝士碎，想做前菜可以試Miyoko的黑松露芝士等，「芝」味不下於傳統芝士，卻更低膽固醇、更低碳。

Follow My Heart車打芝士碎

Miyoko黑松露芝士

2. Beyond Meat：被喻為「The future of protein」的植物肉，連一眾職業運動員包括NBA籃球員Eric Bledsoe、澳洲滑浪好手Tia Blanco等都有份代言，不論味道和質感均與真肉極度相似，烹調方法極易，其中植物牛肉碎beyond beef crumble可以做出牛肉批、肉醬意粉等。而且有別於傳統素肉，Beyond Meat以營養為基礎，無抗生素、激素、基因改造成份、反式脂肪及膽固醇，用來代替肉類，一定可以令這頓大餐兼顧味道和營養。

Beyond Meat漢堡

3. 黑松露醬：想煮出一頓矜貴的聖誕大餐，又怎少得黑松露這張皇牌？黑松露醬的風味來自於其香氣，只要放少許在餸菜之中，地獄廚神都可以煮出香氣四溢的蔬菜批、忌廉意粉、釀大菇等。

4. 猴頭菇：聖誕節不一定要煮西餐，煮中餐就一定要試試猴頭菇。菇菌類的口感與肉類相近，因此可以做出啖啖肉的滋味，猴頭菇的變化是眾多菌類中變化最大的，代替肉類用來炆、煮、炒、炸甚至打邊爐都可以，最惹味的則要數到咕嚕猴頭菇。

5. 桃膠：這是近年流行的養顏食材，桃膠即是桃樹分泌出來的樹脂，略帶甘味，含豐富骨膠原，被喻為素食者的燕窩，在中醫角度看來有滋陰功效。不少女仕都喜歡甜食，用桃膠來做甜品，例如糖水、果凍等就最適合不過。

　　不管佳節當日是外出「跑素」或在家歡度，都可以在餐單中加入至少一、兩道素食，平衡一下大魚大肉的油膩，對腸胃好之餘，亦能為地球減碳、放過動物一馬，為自己、眾生和地球迎來更美好的二零一六。

霸王川莊

　　川菜一向受Go Green潮人青睞，由於本身有不少素食，加上味道偏濃，即使平日食慣大魚大肉，亦絕對會覺得色、香、味俱全，而且甚有飽足感，可說是入門菜系首選。

　　川菜最講究的是辣油，原來四川省內不同地區有不同辣味，霸王川莊主打成都辣，自家調配全部辣油，靠師傅兜炒辣椒幾小時而成，並以不同辣油烹調各種菜式，全部都是功夫菜。

八寶茶

　　上座後侍應先以八寶茶奉客，茶內有杞子、紅棗等滋補食材，並隨時令調配，味道微甜。霸王川莊有一份完整Green Monday餐單，前菜先上冰鎮爽木耳，廚師選用新鮮食材而非乾貨，並將日式芥苿豉油及辣椒豉油分碟上，讓客人先品嚐木耳原味，再按個人喜好加辣。宮保脆豆腐的做法有別於平時，師傅先以甜酸醬炒香豆腐，掛上甜酸味，難度在於炒得乾身，最後才加辣椒，讓辣味留在外皮，適合怕辣的人。

宮保脆豆腐

　　素食版的串燒並不常見，師傅將秀珍菇用脆漿炸好，再用串燒常用的香料──孜然來炒香，外皮脆卜卜，食落啖啖肉。洞子口茶樹菇扒銀絲則是紅當當的川菜，茶樹菇以辣椒油浸泡入味，粗粉絲吸滿辣汁，嗜辣的話一定要試。

孜然香爆秀珍菇

洞子口茶樹菇扒銀絲

　　霸王川莊位於中環商業區，雖然主理中菜，內部裝修和上碟方式卻是西式品味，甚具時代感，非常適合上班一族放工後來Happy Hour。

地址：中環威靈頓街2號M88 7樓

電話：2521 6699

營業時間：星期一至日: 11:30-15:30; 17:30-23:00

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。