吃喝玩樂

　　76歲汪明荃（Liza）在6月11日出席《第十八屆香港藝術發展獎頒獎禮》，更獲頒發終身成就獎，汪阿姐從事藝術工作57年，今次和大家一齊看看有關汪明荃的5件事！

　　76歲汪明荃從事藝術工作57年，今次在藝術發展局《第十八屆香港藝術發展獎頒獎禮》獲頒發終身成就獎，更指自己用了57年時間，將自己的興趣和工作，做到今天得到肯定，未來會繼續努力為業界及新一代的文化藝術工作者造就更多機會。今次和大家一齊看看有關汪明荃的5件事！

汪明荃5件事│1. 曾組成女子組合「四朵金花」

　　汪明荃是「四朵金花」的一員，你又知道嗎？綜藝節目《歡樂今宵》內的香港四人女子音樂組合「四朵金花」由沈殿霞（肥肥）、汪明荃（Liza）、王愛明（明明）及張德蘭（圓圓／德蘭）組成。「四朵金花」這個組合名稱源自電視劇《四千金》，由《歡樂今宵》司儀的譚炳文戲稱為「四個番瓜」，最後譚炳文改為「四朵金花」。「四朵金花」中都有分工的，沈殿霞是隊長，負責選曲；汪明荃負責編舞；王愛明負責服裝及造型設計；張德蘭負責和音。

圖片來源：YouTube@TVB (official)

圖片來源：YouTube@TVB (official)

圖片來源：YouTube@TVB (official)

汪明荃5件事│2. 為粵劇界貢獻良多

　　一聽到汪明荃這個名字，大家可能都第一下會想到粵劇，對的，汪阿姐在粵劇界上的發展及貢獻，真的很多。在1983年，汪明荃初和林家聲拍檔，合組「滿堂紅劇團」，演出粵劇《天仙配》；更曾參與創作或改編粵劇劇目，好像是《福星高照喜迎春》(1990)、《西園記》(1991)、《江湖恩怨俠鴛鴦》(1992)、《蘇東坡夢會朝雲》(1994)、《春滿帝王家》(2003)等。

圖片來源：汪明荃IG

　　1992年，汪明荃更獲選為香港八和會館主席，是第一位女性出任該會主席。在任時積極推廣粵劇，更重辦香港八和粵劇學院，以培育粵劇接班人。除了推廣粵劇，她對粵劇界貢獻很多，好像是曾在2005年和政府介入斡旋，成為保留粵劇表演場地新光戲院；和八和會館推動下擴建油麻地戲院；推動設戲曲中心等。

下一頁：掀起潮流「汪阿Tag」

汪明荃5件事│3. 首位女藝人傑出青年

　　1981年，汪明荃獲選為香港十大傑出青年，是首位成為傑出青年的女藝人。而多年後，她再次回憶當年得獎的感想，她指當年很少藝人會得到這個獎項，得到香港十大傑出青年令到她十分驕傲及榮幸，更得到不少鼓勵，除了演藝工作，仲會更與更多社會公益服務。

圖片來源：汪明荃IG

汪明荃5件事│4. 與羅家英愛情長跑20年！婚後經常Po相超甜蜜

　　汪明荃曾有過一段婚姻，後來離婚收場。而她在在粵劇合演上結識了羅家英，二人開始了長達20年的愛情長跑。羅家英多次向汪明荃求婚，但都未有得到答覆。後來二人先後患癌，改變了汪明荃的婚姻觀，最後主動向羅家英求婚。他們在2009年結婚後，常常在二人的社交平台上看到Post出合照，出雙入對，十分甜蜜。

圖片來源：汪明荃IG

圖片來源：汪明荃IG

汪明荃5件事│5. 掀起潮流「汪阿Tag」

　　最後不可不提的就是汪阿姐曾在網上平台掀起一陣潮流，大家有聽過「汪阿Tag」嗎？2018年，汪明荃跟上潮流，在Instagram上開設了個人帳戶，而汪阿姐拍照後，會在相片上用紅筆手寫人名當作標註，有時會寫上全名，有時會寫上職位，十分可愛。而汪阿姐這個舉動在當時更令許多香港人、藝人仿效，全城都在Instagram上使用「汪阿Tag」。

圖片來源：汪明荃IG

圖片來源：汪明荃IG

 圖片來源：陸浩IG

　　吳鎮宇近日為電影《談判專家》接受鄭裕玲的訪問，二人都是電視台拍劇出身，大談以往拍劇的辛酸史。向來畀人感覺兇狠經常會鬧人的吳鎮宇，解釋自己的火爆因由，不過近年多鑽研佛學，自言會收咗啲火。

　　原名吳志強的吳鎮宇，童年時居於黃大仙區。他與Do姐訪問時，表示自己考過多次藝員訓練班也不成功。其實他考到第4次才成功被取錄，當初並不知道自己的「死因」：「一個人去考咗幾次唔成功，呢份工易搞，但唔明點解咁難考到。每次面試都係講吓對白、做表情，最後一次我望到個評核話我『雙眼太集中』。後來再考，咁啱嗰年去咗妙法寺做七日剃頭（和尚），反而呢一次得咗。」

　　同期訓練班內，有好多現時的大明星如梁朝偉、周星馳、林俊賢、關禮傑等等，他形容為個個是「猛人」，但自己並沒有計劃宏大理想：「我覺得有雞鵝飯，有張床瞓已經好掂，冇諗自己之後係點，呢一行又五光十色，有好多靚女，好似汪阿姐（汪明荃）、戚美珍、景黛音嗰啲，望多幾個星期都唔會諗其他嘢，當時真係唔識諗。」直至後來，朋友們如劉青雲、陶大宇等人都開始做主角，有自己的前途，不想自己的成績跟朋友們拋離得太遠，才會多考慮將來，然後再嘗試拍電影。

　　吳鎮宇表示跟Do姐拍的《生命之旅》，這劇他做第二男主角，才令自己在演技上開竅。Do姐提到這是60集長劇，拍的時候很辛苦，但因為吳鎮宇是首次重角色，反而十分享受，他笑說：「我哋覺得好型，以呢個為榮，第一套梗係唔辛苦，但拍多啲之後垃圾桶都踢爛，好火爆，肝唔好都係TVB搞到咁。」

　　火爆是吳鎮宇給予別人的典型形象，其實大家都誤會了他，他表示有時在片場見到一些事件，看不過眼才出聲，其實都是為作品好，還笑言有時會衝口而出，口不擇言：「袁詠儀、麥兆輝、張家輝嗰班，最鍾意吳鎮宇，佢哋知會有個傻佬會出聲。有啲興之所至就幫多啲，但如果我都唔出聲，就拍得好快，因為救都冇得救，反而件事不美。」Do姐為他解釋是他著緊作品，他則謂現時唔敢講太多，因為人的影響力大了，但判斷力未必最啱，講完可能反效果，所以都減少提出意見。

　　就算是火爆，吳鎮宇自言都不會亂罵人：「我係火爆，但冇鬧人嘅。我鬧天、鬧件事、鬧制度，鬧無形嘅嘢。」對於外傳吳鎮宇跟杜琪峯曾爭執，吳鎮宇否認：「邊度敢鬧佢，佢高血壓怕激親佢，只係冇睬佢。當年拍《鎗火》，當時杜sir拍好多戲，有時好多人去探班，好鍾意坐喺導演側邊食煙，我哋冇呢啲，反而令佢好冷清。我、黃秋生同林雪拍嗰陣，有時林雪都想過去杜sir嗰邊，但又唔可能離開我哋一隊演員，所以我哋冬天食緊糯米飯，杜sir拎個燒烤爐孤獨燒雞翼。」

　　吳鎮宇指在片場，一班演員有時會傾偈，嘻哈大笑被杜Sir責備，吳鎮宇說：「佢會嗌：『（游）乃海，叫佢哋靜啲睇下劇本啦，傾偈傾一世咩。跟住我就大聲話，同佢講有條X劇本咩，劇本邊度有呀？聽日拍乜佢知唔知呀？」不過他表示在藝訓班多年，學到一定要尊重導演。

　　62歲的吳鎮宇，與太太王麗萍結婚多年育有一子Feynman，兩父子溝通都好有趣，他常被兒子公開取笑。早前Feynman甚至貼父親黑白照似足車頭相，最後兩父子要「反面」。吳鎮宇都欣賞兒子的風趣：「我好奇怪點解佢有幽默感，佢知乜嘢叫笑點。佢成日笑我，因為我平時咁樣笑佢，所以要反擊我。」兩父子曾經一起拍攝綜藝節目，他覺得這個是難忘的回憶。現時囝囝16歲，吳鎮宇讓他自由發展：「我畀自由度大啲，佢有自己諗法，又有自己朋友，佢啲嘢幾得意嘅。不過佢話過想做導演，我就話佢聽唔好喇，導演成日失業，好多時冇嘢拍。」