吃喝玩樂

　　繼高德打車進軍香港後，內地Call車App「滴滴出行」（DiDi）都殺入香港市場了！除了一般本地的士服務外，還有「跨境粵港車」服務！無論在香港，還是一家大細北上都可輕鬆出行！即睇「滴滴出行」有甚麼Call車服務！

滴滴出行 | 香港Call車設代叫服務！現金、電子支付皆可

　　內地Call車平台「滴滴出行」開通本港叫車服務，只要透過「滴滴出行」應用程式、WeChat及AlipayHK App就可以預約在港的士及跨境「粵港車」服務！假如想在香港點對點到達目的地，可以預約以包車價收費的「滴選的士」，又或者按錶收費「普通的士」，現金或電子支付皆可！「滴滴出行」特別之處在於有代叫服務，假如身邊有長者不懂得使用應用程式，又或者需要接待客戶，你都可以使用程式幫他們叫車，只要輸入乘車人電話號碼、起點、目的地便可。如有任何特別需求，都可在備註列明，如「行動不便」、行李數量等，讓司機及早準備！

（圖片來源：Envato）

滴滴出行 | 跨境粵港車直達5個內地城市！

　　除了本港Call車服務，「滴滴出行」還有「跨境粵港車」服務，大家可選擇直達深圳、廣州、東莞、惠州及珠海5個城巿。乘車費以「一口價」計算，但並未包括高速路橋、停車費等額外費用，司機接單5分鐘內，或用車前24小時均可免費取消訂單，十分有彈性！假如一家大細出遊，分分鐘Call車更方便，省時又快捷！

下一頁：滴滴出行優惠＋使用教學！

滴滴出行 | 低於$2買9折優惠券減車費！

　　即日起至5月31日可以選擇符合你出行需要的「省錢套餐」，可以用$2購買 9 折優惠券或者用$19購買3張85折優惠券。大家可以在Call車前到應用程式上的「我的」，再按「省錢套餐」，然後選擇所需優惠券，再以信用卡、WeChatPay HK、Alipay HK付款。現在即睇如何用「滴滴出行」應用程式Call車！

（圖片來源：「滴滴出行」App截圖）

「滴滴出行」應用程式召本地的士使用教學

1. 下載「滴滴出行」應用程式，並登記電話及成功驗證後，可於主頁輸入起點及目的1地，同時可選擇「代叫」服務。

（圖片來源：「滴滴出行」App截圖）

2. 畫面將出現包車價錢或跳錶的士供選擇，同時可填選出發時間、乘車人數等。完成後即可成功叫車。

（圖片來源：「滴滴出行」App截圖）

「滴滴出行」應用程式召跨境粵港車使用教學

1. 於主頁選擇「粵港車」。

（圖片來源：「滴滴出行」App截圖）

2. 輸入預約時間、起點及目的地。

（圖片來源：「滴滴出行」App截圖）

3. 目的地有深圳、廣州、東莞、惠州及珠海5個城巿選擇。

（圖片來源：「滴滴出行」App截圖）

4. 畫面將顯示一口價粵港車，同時可填選出發時間、乘車人數等。完成後即可成功叫車。

（圖片來源：「滴滴出行」App截圖）

　　如果問依家有咩嘢可以令到全香港市民槍口一致嘅，的士業可以話係唯一。自從有的士行家自行放蛇捉Uber司機之後，全香港市民(除咗的士從業員)都齊心聲討的士行業，將過往坐的士受過嘅冤屈氣都發晒出嚟。雖然的士業將會有重組，推出的士車隊，而的士業最近亦都搞禮貌活動，但都無阻政府全面檢討網約車規管嘅決心，似乎政府已經心裡有數，香港即將落實Uber合法化。

　　Tina最近同一位執法部門高層飯局，佢就直言，Uber今時今日喺夾縫之中生存，擺到明就係得到政府嘅首肯；Uber嘅業務肯定唔會係合法，以政府今時今日嘅行政主導，再加上警隊嘅雷厲風行，有心要打擊Uber的話，肯定佢地明日就連上線都上唔到。「點解政府唔郁手？最重要就係Uber解決到的士行業永遠都解決唔到嘅問題：唔會揀客、唔會拒載、唔會濫收車資，所有行程都有後台去監察，有咩問題都投訴有門。更重要嘅係， 政府依家係要『無處不旅遊』，全世界大部分嘅旅客都會有Uber App去叫車，Uber就正正係幫到政府解決呢個大難題，試問的士業又點會有條件去同政府講數？」

的士業最近推行禮貌活動，但無阻政府全面檢討網約車規管（資料圖片）

　　有立法會議員就坦言，Uber所代表嘅網約車行業喺全世界都已經證明咗畀的士更有效率，而內地更加係其中之一，「網約車喺內地成行成市，亦都見到網約車同的士係可以拼行，你好難同阿爺講點解香港就只可以有的士而無網約車」。不過呢位立法會議員亦都坦言，特區政府亦都有責任平衡各方利益，全面開放市場令到的士牌價大幅下跌亦都唔係政府願意見到，所以佢都私下建議，下一步開放網約車的話，亦都要將網約車同的士嘅功能劃分，「的士可能係繼續打大眾化市場，而網約車就可以定更高嘅價格，係畀啲捨得花更多錢買服務嘅人士，咁就各有各嘅市場，河水不犯井水。」

　　議員亦都向的士業界派定心丸，認為如果網約車合法化，網約車司機亦都要喺規管之下營業，咁就自然要交牌照費、更高嘅保險費等等，「佢地嘅經營成本亦都會大增，唔會好似依家咁，有車牌、有架車就可以做，所以估計只會有部分網約車司機會正式登記，某程度上亦都會令到客源流返去傳統的士業嗰邊，同依家比，應該係有利無害。」