假日郊遊 | 大水坑至大尾篤街渡7月啟航!全程約60分鐘!寵物上唔上得船?一文看清票價、班次及上船位置
#大尾篤 #大水坑 #假期好去處 #周末好去處 #大尾篤街渡 #假日郊遊 #馬料水大尾篤向來都是廣受歡迎的休閒勝地,可以釣魚、踏單車、放風箏、BBQ、行山,是一個盡情放鬆玩樂的好地方,所以每逢假日入大尾篤都會大塞車,少點耐性都唔得!不過, 日後去大尾篤玩又可以多一個交通選擇,早前運輸署正式接獲營辦商申請來往大水坑、馬料水及大尾篤的街渡航線!最新消息指街渡將會在7月開通,即睇收費和時間表啦!
7月開通!要搭幾耐先到大尾篤?
營辦商聲威實業早前就宣布有關航線將會在7月9日開航!航程方面,大水坑至大尾篤全程約1小時;由大水坑至馬料水段需時約15分鐘;而馬料水至大尾篤段則需約30分鐘。街渡泊岸的位置在沙田七十七區梯台、馬料水三號梯台及大尾篤梯台。首班船於早上11時在大水坑碼頭開出,而尾班船就會於傍晚6時在大尾篤開出。由大尾篤搭至大水坑落船,步行5分鐘就可以去到港鐵大水坑站轉乘屯馬綫,超級方便!
(圖片來源︰沙田交通關注組)
要留意啦!這條新街渡航線只會在周末和公眾假期提供服務,以免「摸門釘」!收費方面,成人和小童劃一收費$20,3歲以下不佔座位的手抱小孩就可以免費!
大尾篤不單是一家大小郊遊熱點,不少人都喜歡帶同寵物去玩,但這次大家可能要失望了,事關航線上船的地方在海濱長廊,據沙田區議員鄭仲恒說,長廊屬康文署管轄範圍,並未成為寵物共享公園,加上長廊未有足夠寬度增設寵物通道,所以新渡輪服務並不接受寵物上船。
大水坑街渡試航
(圖片來源︰沙田區議員鄭仲恒Facebook)
對於開設新街渡航線,網民都有不同意見,有人覺得船程太慢,形容踏單車比搭船還要快!雖說如此,新航線對於怕塞車的朋友來說應是一大福音!
大水坑 <>大尾篤街渡
收費︰$20(大小同價)
泊岸位置︰
大尾篤梯台︰燒烤場旁
馬料水碼頭︰3號梯台
大小坑(沙田77區梯台)︰德信中學對面
船程︰
大水坑 <>馬料水 15分鐘
馬料水 <>大尾篤 45分鐘