【聖誕市集速報】仲喺連鎖精品店買禮物?嚴選兩大市集+必買Made in HK聖誕禮物!
#聖誕 #市集 #交換禮物 #Christmas2018 #手作 #環保Christmas is coming!交換禮物永遠是個難題,買得平又尷尬,買貴了又捨不得。當你把逛了一整天才買到的心水禮物show出來時,發現……朋友手上的禮物都跟你的一樣,包住連鎖精品店的花紙。
今次為你推介香港必行的本地手作聖誕市集,有得買之餘,有得玩、有得食,仲有過百款手作人精心製作的手工精品,由Made in HK到風靡台泰的文青手作,令你度過不一樣的聖誕!
1. 荔枝角D2 Place聖誕市集:麥田捕手─聖誕快車
(網絡圖片)
荔枝角D2 Place的假日市集一向出名高質,上年大玩美國式聖誕市集,有天台飄雪Show、有懷舊啤酒邊行邊飲,還有駐場聖誕老人!今年D2Place又會帶來甚麼驚喜呢?
集購物、飲食、打卡一身!以往好評不斷的D2 Place聖誕市集,今年又帶來甚麼驚喜?(網絡圖片)
市集內的美食攤檔主打「本土味」,行過勿錯過!旁邊更設有茶座,行得累了可以充電再買過!(網絡圖片)
今年D2 Place聖誕市集以北極快車為主題,除了會有過百檔手作攤位外,更會有大型火車車卡,載住禮物供大家打卡影相!有打卡、有shopping又怎可少得美食?今年會延續上年形式,有多檔本地美食攤位進駐,Chill住揀禮物!大會今年亦設有工作坊,讓大家發揮創意,DIY屬於自己的禮物,詳情要密切留意大會Facebook專頁啦!
市集資訊:
日期:12月22日-1月1日(1pm-8pm)
地址:九龍長沙灣長義街9號D2 Place一期(點我看地圖)
交通:荔枝角鐵路站D2出口
*部分攤檔有機會變更,以當日場地為準。
過百手作攤位,有甚麼值得買的聖誕好物?如果逛了半日也茫無頭緒,不妨看看接下來推薦的聖誕禮物,說不定有idea喔。
Gifts for Her :
文青新寵─折紙風純銀飾物
送慣外國品牌首飾,其實本地製作都一樣好有心思!愈來愈多手作銀飾在香港興起,Green Rivor便是其中之一!可愛的折紙風動物廣受女生歡迎,設計簡約又趣緻,適合走文青風格的她。每件飾品價錢適中,若女朋友喜歡戴飾物又喜歡小動物千萬不要錯過啊!
玫瑰金925純銀小貓頸鍊,細細粒好得意(網絡圖片)
925純銀兔仔耳環(網絡圖片)
女友偏好簡約款?用迷你心心手鍊討她歡心吧!(網絡圖片)
下一頁D2 place聖誕市集好物大公開,唔好錯過!
攤位資料:
IG:@greenrivor
地址:荔枝角D2 Place一期4樓
Gifts for him:
「神沙」大變身─型格錢幣戒指
別以為飾物是女生專利,男生戴飾品一樣可以入型入格!旅行後留下的一堆「神沙」不要急著花光!手作職人把來自各國的錢幣搖身一變,打造成戒指,幫你把旅行回憶戴上手。店主非常花心思,搜均全球各國錢幣,按客人size造戒指,隻隻不同,每款都是限量版!
每一款戒指都是人手加工,非常花心思。每一枚錢幣都有其意義,店主的貨幣來自世界各地,近至日本,遠至歐洲甚至南美小國。在這裏分分鐘發現你從未聽過的國家名,值得來尋寶一番!(網絡圖片)
大家猜到它來自哪裏嗎?(細細聲話你知:呢款好快賣曬架~)(網絡圖片)
記得check定店主擺檔時間,就唔會撲空啦!(網絡圖片)
主打型格款,另有幼身款俾女生們,可即時改尺寸!(網絡圖片)
攤位資料:
ccwahahala
IG:@ccwahahala
*攤檔以當日市集為準,大家留意啦!
送給閨密:
浪漫香氣伴你迷人一聖誕─香氣石、香薰掛飾
香薰set有齊掛牌同蠟燭、香薰精油、掛牌,用黎送禮就最啱!(網絡圖片)
聖誕裝飾總是被批評不環保,紅紅綠綠的裝飾用過即棄。本地香薰職人推出了香氣石掛飾,美觀之餘還可以Keep住香噴噴!乾花和絲帶簡直融化少女心,還可以加名訂制特別掛牌,別具心意,何不和閨密一人一個呢?除了掛牌,香薰蠟燭set好受歡迎,用來交換禮物最適合!
掛牌靚到好似藝術品咁,最適合同好姐妹一人一個!
乾花同絲帶的搭配,冇女仔唔中意嘅!(網絡圖片)
攤位資料:
w.hye.s
IG:@w.hye.s
*攤檔以當日市集為準。
為心愛的毛孩畫肖像:日式水墨畫
(網絡圖片)
返工返到攰,總想有人療癒一下心靈,在公司一抬頭就看到毛孩多好。機會黎啦飛雲!日式水墨畫職人為你家的毛孩即時畫肖像,沒錯!是即時手繪!比影相更有心思,幅幅畫還原度爆燈!帶回公司放在枱頭,陪著你返工。
超可愛的兔兔水墨畫,係咪好治癒呢!(網絡圖片)
各位鏟屎官準備好為主子畫肖像未?大家可以帶住貓貓嘅相俾檔主,好快就可以畫好架啦!(網絡圖片)
當然唔少得毛孩啦!(網絡圖片)
攤位資料:
Sleeping Pen
IG:@sleepingpen
*攤檔以當日市集為準!
*以上資料只供參考,一切以主辦單位作準。
2. Go-CupxPMQ「零捨好市集2.0」
(網絡圖片)
中環元創坊一直是有名的文青勝地。每週都會有不同主題的市集,不同的手作人聚首一堂!「零捨好市集」又回來了,今年主題是「惜物」!回想一下,大家今年購買過多少物品,最後塵封角落呢?市集設有多個工作坊,讓大家親嚐「舊物大變身」的樂趣,還有手作攤檔讓大家購買環保又精美的聖誕禮物,別具意義!
(網絡圖片)
今年,所有攤檔都不會供應塑膠袋,各位記得自備購物袋啊!會場具有多種中西素食,響應環保,歡迎自備杯和餐具!現場將設有自助洗碗站,方便大家沖洗餐具重複使用,夠曬環保!(網絡圖片)
家長可以帶埋小朋友嚟一齊揀聖誕禮物!同場有大量懷舊玩具,買到心水之餘仲可以教識小朋友「惜物」嘅道理!(網絡圖片)
想知會場仲有咩?快啲趁聖誕前睇睇,揀定心水禮物啦!(網絡圖片)
市集資訊:
日期:12月22日-12月26日(12pm-7pm)
地址:PMQ元創坊-中環鴨巴甸街35號 (點我看地圖)
交通:上環站E2出口步行15分鐘
*部分攤檔有機會變更,以當日場地為準。