吃喝玩樂

　　榴槤季節到！近日，愈來愈多餐廳及茶飲店紛紛推出榴槤美食、飲品，身為榴槤控的你今年又食過榴槤未？今次會推介不同的榴槤美食，當中有榴槤雪糕、榴槤下午茶，仲有榴槤Pizza！不過有一個小Tips，因為榴槤是季節性美食，所以大家去之前最好問一問仲有沒有供應！

榴槤美食│1. 唯港薈馬來西亞榴槤節：自助餐即席切開原個榴槤試榴槤界「王中王」D200黑刺！食D197榴槤芝士焗加勒比海野生龍蝦

　　第六屆唯港薈馬來西亞榴槤節將於2024年7月20日起舉行，一連13場榴槤節活動包括7場自助早午餐及6場自助晚餐將於唯港薈的Silverbox宴會廳舉行。今次仲會有2款創意榴槤菜式，包括迷你貓山王鮑魚米鴨燉湯及D197榴槤芝士焗加勒比海野生龍蝦，前者以米鴨和鮑魚燉約3小時，再配合迷你貓山王榴槤連殼及榴槤花熬製，清甜又滋潤養生；後者芝士配上貓山王榴槤，十分邪惡。而這2款菜式，每位參加者均可享用各一份。

　　今年於會在現場即席切開原個榴槤，現場每位食客均可享一份有5款不同品種榴槤的果肉拼盤(小童可享三款)，當中有香濃軟糯的頂級D197貓山王、榴槤界的「王中王」D200黑刺、馬來西亞檳城盛產的D24 蘇丹王、產量較少的D88 小甜甜和XO榴槤。

　　自助餐仲有很多無限量供應的榴槤菜式，好像是沙巴海龍皇榴槤多士、D24榴槤腐皮石榴球、榴槤青芒酸辣沙律、炸魚配榴槤辣醬、貓山王榴槤麻糬葡撻、榴槤班蘭卷、榴槤布甸、榴槤抹茶糯米糍、榴槤芝士撻及必吃的馬來西亞榴槤雪糕等！

唯港薈馬來西亞榴槤節

日期：2024年7月20日（自助早午餐）；2024年7月21日、8月3日、4日、17日、18日及24日（自助早午餐及晚餐）

時間：自助早午餐上午11時45分至下午3時、自助晚餐下午6時30分至下午10時

價錢：成人$888、兒童（3-11歲）$558* (須於預訂後支付全費)

地址：唯港薈一樓Silverbox 宴會廳

詳情按此

下一頁：$438起食榴槤下午茶！有機會食到D24蘇丹王、D163葫蘆

榴槤美食│2.香港嘉里酒店「榴槤盛薈」週末下午茶自助餐：$438起食榴槤下午茶！有機會食到D24蘇丹王、D163葫蘆

　　香港嘉里酒店在7月1日至9月15日的周末及公眾假期推出了「榴槤盛薈」週末下午茶自助餐。必食推介有榴槤葡撻、榴槤冬甩、榴槤芝士蛋糕、榴槤芒果糯米飯、榴槤咖央三文治、特色榴槤薄餅、榴槤斑蘭卷及炸榴槤球等，仲會有特飲榴槤奶昔，又香又濃，正！而每位成人客人在下午茶期間獲贈榴槤兩件，款式因應貨源情況而每日不同，品種包括D197 貓山皇、D24蘇丹王、D163葫蘆及D13金包 。而現時這款下午茶在kkday有售，一人只需要$438就食到。

「榴槤盛薈」週末下午茶自助餐

日期︰2024年7月1至9月15日 (只限星期六至日及公眾假期)

時間︰下午3時15分至5時

地址：香港嘉里酒店大灣咖啡廳

詳情按此

下一頁：任食火鍋食齊榴槤糯米糍、榴槤蛋撻、榴槤巴斯克

榴槤美食│3. 牛気：任食火鍋食齊榴槤糯米糍、榴槤蛋撻、榴槤巴斯克

　　火鍋放題「牛気」在2024年6月18日至9月上旬推出泰式主題「泰有瀛」，打邊爐時除咗食到「泰式船麵湯」湯底、泰式無骨鳳爪等多款經典泰國美食外，仲會有一系列的榴槤甜點。榴槤甜點包括煙韌的榴槤糯米糍、充滿果香的榴槤炸彈、外脆內滑的榴槤蛋撻、香濃的榴槤巴斯克蛋糕。

　　牛気主打90/120分鐘套餐及60分鐘午市精選套餐及深宵半自助套餐，可以無限任飲任食逾50款新鮮火鍋食材、前菜、沙律、飲品和甜品。如果大家覺得這些榴槤甜品都不夠，可以惠顧LV2或以上放題，即可追加以優質馬來西亞榴槤果肉的榴槤雪條；惠顧LV4或以上放題，更可無限追加泰式生蝦及D24榴槤酥皮撻；惠顧LV5放題更可升級貓山王榴槤酥皮撻！

牛気泰式主題「泰有瀛」

日期：2024年6月18日至9月上旬

地址：新界大圍車公廟路18號圍方4樓432舖、將軍澳唐德街9號將軍澳中心1樓140-141號舖、銅鑼灣軒尼詩道500號希慎廣場14樓1404-1405號舖、大嶼山東涌達東路18-20號東薈城1樓119號舖、荃灣大河道98號如心廣場二期1樓104號舖、西貢將軍澳康城路1號The LOHAS康城3樓305號舖、屯門屯盛街1號屯門市廣場一期3樓3235, 3236, 3237及3239號舖、旺角彌敦道625及639號雅蘭中心地下(部份)及1樓118號舖(山東街入口)、尖沙咀彌敦道100號The ONE 4樓L404-405號舖、大埔南運路9號新達廣場1樓052B號舖

詳情按此

下一頁：奶油香氣D175 紅蝦榴槤肉配植物素新地

榴槤美食│4. IKEA：奶油香氣D175 紅蝦榴槤肉配植物素新地

　　IKEA即日起至7月12日推出全新「榴槤植物素新地配D175紅蝦榴槤肉」，冰涼的新地配上口感綿密的D175 紅蝦榴槤肉，食落肉質細滑之餘仲有淡淡奶油香氣。一杯榴槤植物素新地配D175紅蝦榴槤肉 ，會含D175紅蝦榴槤肉1份，價錢為$29。大家覺得不夠喉的話，可以最多追加5份D175 紅蝦榴槤肉，每份只要$13！最近仲有優惠，追加4份或以上榴槤肉會有優惠價，4份只需$59；追加5 份只需$69。

榴槤植物素新地配D175紅蝦榴槤肉

日期：即日起至7月12日

詳情按此

下一頁：香甜邪惡三重口味榴槤迷你批

榴槤美食│5.Pizza Hut：香甜邪惡三重口味榴槤迷你批

　　普通一個個的榴槤就食過，但榴槤Pizza又食過了嗎？由即日起至7月31日Pizza Hut推出「三重口味榴槤迷你批」，一聽名字就知超邪惡。「三重口味榴槤迷你批」用了貓山王、101及D24炮製，大家可以選手工酸種薄批或鬆厚批，批底更可以是芝心批或芝脆批。熱辣辣的Pizza配上3款榴槤，口味十分香甜，更有層次！「三重口味榴槤迷你批」只售$89，十分抵食！

Pizza Hut

日期：即日起至7月31日

詳情按此

　　牛肉控舉手！如果你很愛吃牛肉，又會北上的話，一定不能錯過的4間主打食牛的深圳餐廳！今次會選較多好評的4間食牛肉的餐廳，總有一間會滿足到你！

深圳牛肉餐廳│1.潮源工記牛肉火鍋（東門店）

　　第一間要說的是「潮源工記牛肉火鍋（東門店）」，這間「潮源工記牛肉火鍋（東門店）」主打正宗的潮汕牛肉火鍋，很多愛吃潮汕牛肉火鍋的網民都大讚，指這間火鍋是高質的食店。先講講牛肉，這間餐廳的牛肉十分新鮮、品質很好，而且選擇很多，有頂級雪花、嫩肉、肥牛、匙柄、匙肉、胸油、牛舌、三花趾等，如果你想一次過試齊，可以點一份「扭轉乾坤」，內有9種牛肉。而湯底建議大家點牛骨清湯，這樣就食到牛肉的最鮮美一刻！別以為潮汕牛肉火鍋會很貴，這間餐廳在大眾點評上有優惠套餐，只要人民幣166元就食到二人餐，包括了4種現切肉、湯底、配菜及主食，平均一人只要人民幣83元，CP值很高！

潮源工記牛肉火鍋（東門店）

營業時間：上午11時至下午11時

地址：羅湖區新園路76號東興大廈B棟底商，老街地鐵站F出口

泊車資訊：附近有很多停車場

下一頁：大眾點評必吃榜高分餐廳！必試澳洲黑安格斯M5西冷

深圳牛肉餐廳│2. MEAT吃肉酒肆·牛排館（龍崗萬科店）：大眾點評必吃榜高分餐廳！必試澳洲黑安格斯M5西冷

　　講到食牛，又怎可以少了牛扒，所以接下來要介紹是的是「MEAT吃肉酒肆·牛排館（龍崗萬科店）」，這間是今年大眾點評必吃榜的上榜餐廳，評分仲要高達4.8分，證明這間餐廳「食得過」。這間餐廳的牛扒選擇有很多，例如澳洲安格斯西冷牛扒、澳洲黑安格斯M5西冷、威靈頓牛扒等等，很多網民都大讚五分熟的牛扒是必點的，入口肉質嫰滑又多汁，啖啖有肉香。其他必點菜有炸雞、牛肉卷、手工巴斯克軟心芝士蛋糕等。而價錢方面，牛扒大約人民幤228元起，可以上大眾點評看看優惠套餐。

MEAT吃肉酒肆·牛排館（龍崗萬科店）

營業時間：上午11時半至下午2時、下午5時半至下午9時半

地址：龍崗區龍翔大道陽光里2樓（世貿中心地上停車場6號門對面）

泊車資訊：世貿中心有地面停車場

下一頁：平價漢堡扒！必食爆汁芝士口味漢堡扒

深圳牛肉餐廳│3. 肉肉大米（福田星河COCO Park店）：平價漢堡扒！必食爆汁芝士口味漢堡扒

　　第三間要介紹的是近日很多人提及的「肉肉大米（福田星河COCO Park店）」，因為主打平價漢堡扒，所以很多人都會想試一試。「肉肉大米（福田星河COCO Park店）」基本套餐有一份漢堡扒、溫泉蛋、飯、味噌湯等，店員會把半熟的漢堡扒放在你面前的鐵板上，你再按自己的喜好加熱。一口咬下去漢堡扒，就會Feel到肉嫩又爆汁，沾上溫泉蛋或其他調味會更入味！另外，「肉肉大米（福田星河COCO Park店）」不時有不同的期間限定口味的漢堡扒，大家都可以一試，但在網上很多人大讚芝士口味的，漢堡扒上有黃色芝士再加上超多的起司碎，很邪惡的組合！

肉肉大米（福田星河COCO Park店）

營業時間：星期一至五上午11時至下午9時半；星期六日上午10時半至下午9時半

地址：福田區福華三路268號（星河cocopark一期b1s-098）

泊車資訊：星河cocopark有停車場

下一頁：燒牛腸濃濃牛油香+牛骨髓拌飯

深圳牛肉餐廳│4. 菜板·烤牛內臟專賣店（卓悅intown店）：燒牛腸濃濃牛油香+牛骨髓拌飯

　　大家愛吃牛的內臟嗎？如果愛的話，可以去這間主打烤牛內臟的「菜板·烤牛內臟專賣店（卓悅intown店）」！「菜板·烤牛內臟專賣店（卓悅intown店）」主打韓式燒肉，但最重點是這餐廳提供不同的牛內臟，好像是牛粉腸、牛肚、牛心、大腸，食落不會腥，鮮嫩之餘仲有濃濃牛油香。而這間店的店員會為大家烤內臟，所以大家就不怕太過焦或者不熟了！而其他的菜品都很新鮮，不論是牛舌卷香蔥、蔥汁牛舌、牛腹肉及豬五花都很好吃。而這間店有一道特別菜，就是牛骨髓拌飯，超大條的牛骨，挖出骨髓拌飯，正！

菜板·烤牛內臟專賣店（卓悅intown店）

營業時間：上午11時半至下午11時

地址：福田區福華三路卓悅INTOWN購物中心1樓L118號（西南門入口）

泊車資訊：卓悅匯有地下停車場