吃喝玩樂

　　等了又等，各位「榴槤控」最期待的日子終於來臨啦，我們又可以食盡天下間的榴槤美食！編者收到消息，一年一度的D24榴槤甜品系列回歸IKEA！今次不單止有人氣D24 榴槤燕麥奶新地，還有好多選擇，好像是榴槤芝士窩夫、榴槤班戟、榴槤千層蛋糕等等，全部都是期間限定，mark實日子去開餐啦！

　　闊別一年，我們終於可以在IKEA品嘗夏日果王的甜品，記得去年推出的D24 榴槤燕麥奶新地筒及特濃D24 榴槤燕麥奶新地超搶手，今年這兩款人氣雪糕繼續進駐IKEA的美食站！D24 榴槤味道濃郁，試真啲更帶微微酒香，混合冰凍雪糕簡直是天堂級美食；至於燕麥奶新地鋪上榴槤果肉，未見真身已經聞到果香，仲可以加$9追加一份榴槤肉！驚喜還未完， 美食站由六月中起快閃推出額外三款榴槤品種之新地，口味兩周更換一次，全部都有有燕麥奶新地筒及特濃燕麥奶新地兩種吃法，可以期待一下！

D24榴槤燕麥奶新地筒 $9

供應日期︰即日至6月14日

特濃D24榴槤燕麥奶新地 $19

追加榴槤肉 $9

供應日期︰即日至6月14日

　　略嫌雪糕不夠喉？IKEA仲有烘焙類的榴槤甜品！全新「D24榴槤芝士窩夫」，濃厚軟滑的芝士遇上香甜可口的榴槤，再配上鬆軟的窩夫，齒頻留香，另外香港限定的「D24榴槤球」都是必食item，脆卜卜的皮包裹著榴槤，超邪惡！

D24榴槤芝士窩夫 （2件）$16

供應日期︰即日至7月31日

D24 榴槤球（香港限定） $6

供應日期︰即日至7月31日

　　還有經典的D24 榴槤千層蛋糕及D24 榴槤班戟，前者層次豐富的千層皮夾著榴槤香的淡奶油，入口濃郁細滑；後者採用斑蘭味班戟皮，加入新鮮榴槤果肉，口感好豐富！款款都咁吸引，不知道試邊樣好？Why not all！

D24 榴槤千層蛋糕 $29

供應日期︰即日至7月31日

D24 榴槤班戟 $13

供應日期︰即日至7月31日

同場加映︰瑞典國慶及仲夏節美食（供應日期︰即日至6月30日）

　　IKEA的新品又怎止得榴槤甜品！為慶祝6 月 6 日瑞典國慶及 6 月 24 日瑞典仲夏節，IKEA都準備好多限定主食和甜品！瑞典仲夏節的開胃頭盤率先帶來「菠蘿雞肉薯仔沙律」（$36），口感清新；主食就帶來惹味酸酸甜甜「黑毛豬火腿烤雞胸配香草番茄椰菜花飯及菠蘿莎莎」（$56），以及香港限定「和牛粒青醬意粉」（$49），青醬由蒜泥、甜羅勒和松子仁調配而成，味道有驚喜！

　　瑞典國慶期間，IKEA 餐廳亦推出限定主食及甜點，包括香港限定「穀飼西冷牛扒拼蝦餅伴薯蓉配牛肝菌忌廉汁」（$83）及以瑞典國旗顏色為靈感的黃藍色瑞典蛋卷（$9/$46），蛋卷用上吸睛的藍色蝶豆花味蛋糕，包裹著檸檬味忌廉，口感清香，夏天啱食！

瑞典蛋卷（蝶豆花檸檬） $9

另有急凍版本170克 $46

IKEA分店地址︰

銅鑼灣分店︰柏寧酒店地庫（設有瑞典美食廊及美食站）

九龍灣分店︰MegaBox L4 （設有 IKEA 餐廳、瑞典美食廊及美食站）

沙田分店︰HomeSquare L6（設有 IKEA 餐廳、瑞典美食廊及美食站）

荃灣分店︰青山公路 388 號 8 咪半 3 樓（設有 IKEA 餐廳、瑞典美食廊及美食站）

大埔分店︰大埔超級城B區2樓238A號舖（設有瑞典美食廊）

　　榴槤季節到！近日，愈來愈多餐廳及茶飲店紛紛推出榴槤美食、飲品，身為榴槤控的你今年又食過榴槤未？今次會推介不同的榴槤美食，當中有榴槤雪糕、榴槤下午茶，仲有榴槤Pizza！不過有一個小Tips，因為榴槤是季節性美食，所以大家去之前最好問一問仲有沒有供應！

榴槤美食│1. 唯港薈馬來西亞榴槤節：自助餐即席切開原個榴槤試榴槤界「王中王」D200黑刺！食D197榴槤芝士焗加勒比海野生龍蝦

　　第六屆唯港薈馬來西亞榴槤節將於2024年7月20日起舉行，一連13場榴槤節活動包括7場自助早午餐及6場自助晚餐將於唯港薈的Silverbox宴會廳舉行。今次仲會有2款創意榴槤菜式，包括迷你貓山王鮑魚米鴨燉湯及D197榴槤芝士焗加勒比海野生龍蝦，前者以米鴨和鮑魚燉約3小時，再配合迷你貓山王榴槤連殼及榴槤花熬製，清甜又滋潤養生；後者芝士配上貓山王榴槤，十分邪惡。而這2款菜式，每位參加者均可享用各一份。

　　今年於會在現場即席切開原個榴槤，現場每位食客均可享一份有5款不同品種榴槤的果肉拼盤(小童可享三款)，當中有香濃軟糯的頂級D197貓山王、榴槤界的「王中王」D200黑刺、馬來西亞檳城盛產的D24 蘇丹王、產量較少的D88 小甜甜和XO榴槤。

　　自助餐仲有很多無限量供應的榴槤菜式，好像是沙巴海龍皇榴槤多士、D24榴槤腐皮石榴球、榴槤青芒酸辣沙律、炸魚配榴槤辣醬、貓山王榴槤麻糬葡撻、榴槤班蘭卷、榴槤布甸、榴槤抹茶糯米糍、榴槤芝士撻及必吃的馬來西亞榴槤雪糕等！

唯港薈馬來西亞榴槤節

日期：2024年7月20日（自助早午餐）；2024年7月21日、8月3日、4日、17日、18日及24日（自助早午餐及晚餐）

時間：自助早午餐上午11時45分至下午3時、自助晚餐下午6時30分至下午10時

價錢：成人$888、兒童（3-11歲）$558* (須於預訂後支付全費)

地址：唯港薈一樓Silverbox 宴會廳

詳情按此

下一頁：$438起食榴槤下午茶！有機會食到D24蘇丹王、D163葫蘆

榴槤美食│2.香港嘉里酒店「榴槤盛薈」週末下午茶自助餐：$438起食榴槤下午茶！有機會食到D24蘇丹王、D163葫蘆

　　香港嘉里酒店在7月1日至9月15日的周末及公眾假期推出了「榴槤盛薈」週末下午茶自助餐。必食推介有榴槤葡撻、榴槤冬甩、榴槤芝士蛋糕、榴槤芒果糯米飯、榴槤咖央三文治、特色榴槤薄餅、榴槤斑蘭卷及炸榴槤球等，仲會有特飲榴槤奶昔，又香又濃，正！而每位成人客人在下午茶期間獲贈榴槤兩件，款式因應貨源情況而每日不同，品種包括D197 貓山皇、D24蘇丹王、D163葫蘆及D13金包 。而現時這款下午茶在kkday有售，一人只需要$438就食到。

「榴槤盛薈」週末下午茶自助餐

日期︰2024年7月1至9月15日 (只限星期六至日及公眾假期)

時間︰下午3時15分至5時

地址：香港嘉里酒店大灣咖啡廳

詳情按此

下一頁：任食火鍋食齊榴槤糯米糍、榴槤蛋撻、榴槤巴斯克

榴槤美食│3. 牛気：任食火鍋食齊榴槤糯米糍、榴槤蛋撻、榴槤巴斯克

　　火鍋放題「牛気」在2024年6月18日至9月上旬推出泰式主題「泰有瀛」，打邊爐時除咗食到「泰式船麵湯」湯底、泰式無骨鳳爪等多款經典泰國美食外，仲會有一系列的榴槤甜點。榴槤甜點包括煙韌的榴槤糯米糍、充滿果香的榴槤炸彈、外脆內滑的榴槤蛋撻、香濃的榴槤巴斯克蛋糕。

　　牛気主打90/120分鐘套餐及60分鐘午市精選套餐及深宵半自助套餐，可以無限任飲任食逾50款新鮮火鍋食材、前菜、沙律、飲品和甜品。如果大家覺得這些榴槤甜品都不夠，可以惠顧LV2或以上放題，即可追加以優質馬來西亞榴槤果肉的榴槤雪條；惠顧LV4或以上放題，更可無限追加泰式生蝦及D24榴槤酥皮撻；惠顧LV5放題更可升級貓山王榴槤酥皮撻！

牛気泰式主題「泰有瀛」

日期：2024年6月18日至9月上旬

地址：新界大圍車公廟路18號圍方4樓432舖、將軍澳唐德街9號將軍澳中心1樓140-141號舖、銅鑼灣軒尼詩道500號希慎廣場14樓1404-1405號舖、大嶼山東涌達東路18-20號東薈城1樓119號舖、荃灣大河道98號如心廣場二期1樓104號舖、西貢將軍澳康城路1號The LOHAS康城3樓305號舖、屯門屯盛街1號屯門市廣場一期3樓3235, 3236, 3237及3239號舖、旺角彌敦道625及639號雅蘭中心地下(部份)及1樓118號舖(山東街入口)、尖沙咀彌敦道100號The ONE 4樓L404-405號舖、大埔南運路9號新達廣場1樓052B號舖

詳情按此

下一頁：奶油香氣D175 紅蝦榴槤肉配植物素新地

榴槤美食│4. IKEA：奶油香氣D175 紅蝦榴槤肉配植物素新地

　　IKEA即日起至7月12日推出全新「榴槤植物素新地配D175紅蝦榴槤肉」，冰涼的新地配上口感綿密的D175 紅蝦榴槤肉，食落肉質細滑之餘仲有淡淡奶油香氣。一杯榴槤植物素新地配D175紅蝦榴槤肉 ，會含D175紅蝦榴槤肉1份，價錢為$29。大家覺得不夠喉的話，可以最多追加5份D175 紅蝦榴槤肉，每份只要$13！最近仲有優惠，追加4份或以上榴槤肉會有優惠價，4份只需$59；追加5 份只需$69。

榴槤植物素新地配D175紅蝦榴槤肉

日期：即日起至7月12日

詳情按此

下一頁：香甜邪惡三重口味榴槤迷你批

榴槤美食│5.Pizza Hut：香甜邪惡三重口味榴槤迷你批

　　普通一個個的榴槤就食過，但榴槤Pizza又食過了嗎？由即日起至7月31日Pizza Hut推出「三重口味榴槤迷你批」，一聽名字就知超邪惡。「三重口味榴槤迷你批」用了貓山王、101及D24炮製，大家可以選手工酸種薄批或鬆厚批，批底更可以是芝心批或芝脆批。熱辣辣的Pizza配上3款榴槤，口味十分香甜，更有層次！「三重口味榴槤迷你批」只售$89，十分抵食！

Pizza Hut

日期：即日起至7月31日

詳情按此