世事政情

　　TVB節目《東張西望》報道一單家人為錢反目個案，一名育有5名子女的9旬李婆婆，被二女擅自取走母親220萬畢生積蓄外。細佬李先生踢爆，已婚的二家姐Kate，疑中網上情緣騙局，為貼錢給意大利籍情夫，竟然把母親的住所，抵押給財務公司，兼且未有償還債務。

　　李婆婆其中一名兒子李先生，向《東張》透露家事，兼且公開了跟二家姐的對話錄音，二家姐對話間還不滿家人追討金錢：「我唔係呃，由頭到尾我都係問阿媽借，如果你咁講，我係咪以後唔使還嗰三百幾萬，唔緊要，你哋唔信就唔信，我哋家事法庭見，你咪等囉，我唔還就唔還，係咪先。我而家同你講，係大家有相有量，唔好話媽媽認知障礙，佢係知道嘅。」

　　李先生爆二家姐疑受網上情緣騙局，而不斷借錢其實想換來更大的財富，李先生指二家姐在1986年6月去澳洲留學期間，認識一位意大利籍男子，二人認識超過40年，5年前該名男子開始發動攻勢，該男子向二家姐透露要出糧給工人。而二家姐為了鉅款打媽媽主意。

　　錄音內，二家姐表示畀錢給該男子前，有先調查對方，她跟弟弟說：「你知唔知佢收入幾多？個計劃涉及7000萬歐羅（約5.92億港元），意大利嗰邊要佢畀3%（稅），佢有畀合約我睇，我check過係有船公司，你估以為玩，人哋喺個海做嘢，有油田。」錄音內，後來更正錢涉及7500萬瑞士法郎，不過李先生質疑真偽，曾表示擔心。

　　如此大手筆幫手，二家姐疑因為跟丈夫關係不佳，為求「取暖」而投向其他人懷抱，換取下半生幸福。不過李先生透露兩夫妻仿如陌生人：「佢喺屋企只係同阿仔傾偈，佢老公唔理佢，唔同佢講嘢。佢（二家姐）有講過『我要顧及自己下半生嘅生活』，所謂下半生嘅生活，既然有個人願意畀一大筆錢我，我只係付出少少，何樂而不為，但最後嗰少少都要幾百萬。」

　　《東張》聯同李先生上門找二家姐對質，但未有人應門。李先生再致電二姐夫，對方態度極不奈煩，而且急速講幾句就收線。李先生還透露現時母親的健康日漸變差，因吞嚥困難加上腦退化，身體漸瘦，而且心情低落，李先生表示：「佢成日問我幾時幫佢拎到錢，我覺得佢好緊張。」同時，李家大哥越洋接受《東張》訪問，對這件事十分生氣：「佢個人對社會無幫助，係個行屍走肉嘅人。」但被問到若二家姐還錢，他會原諒對方。

　　楊潮凱在2024年實在變動好多，早前公開宣布離開效力16年的無綫之外，亦有另一個喜訊，他即將會再做爸爸。早前，他於個人社交平台公布，太太懷胎的BB性別，開心得很。

　　39歲楊潮凱在2月的時候，貼出一張太太去照超聲波圖片，公布太太再度懷孕。本身已育有一女的他，開心地寫道，「唔知係唔係每一個女孩子都有想做家姐嘅願望，我好記得每一年CatharineBB生日都會同我地講，佢好想要個細佬或者妹妹，唔知係咪吸引力法則呢？今年終於俾佢恨到喇！我正式宣布：「我地又做爸爸媽媽喇！CatharineBB做家姐喇！」

　　早前，楊潮凱就公開了胎中BB的性別，而這個吸引力法則，為他帶來男嬰，即將湊成一個「好」字，他與太太和女兒早前影了一輯溫馨家庭照片，他發表內心感受，「終於可以同大家講喇!我家將會迎接一位新成員，而這位成員係Baby……Boy。我地而家湊夠個『好』字喇！Yeah!多謝大家的祝福，好期待見到細佬仔呀，特別係CatharineBB，每日都在計住仲有幾多日可以見到細佬仔，希望佢地會相親相愛啦!」

　　細佬即將出世，而爸爸楊潮凱都準備好BB的用品，喜歡籃球的他，之前已經特製籃球衣與女兒襯一個「父女裝」，而細佬未出世，楊潮凱亦同時已準備好BB的籃球裝，相信他期待BB出世後，可以一家人穿起球衣合照。

　　圈中一班朋友：龔嘉欣、朱千雪、黃翠如、蔣家旻、梁諾妍、余香凝、連詩雅、陳煒、區永權、朱智賢、洪永城等人都替他興奮，留言祝賀兼戥他高興。

　　楊潮凱2013年與初戀情人江玉儀結婚，2018年誕下女兒楊心悅，女兒生得跟他如餅印一樣，經常父女出遊時，都被讚似樣。楊潮凱平時工作就算再忙碌，都會抽時間陪女兒周圍玩，有時一起跑步，又去公園玩。有次父女穿上禮服合照，女兒有如小情人。