世事政情

　　73歲李龍基未婚妻王青霞（Chris）因虛假文書等五項罪名被判監25個月，現時正在香港服刑中，李龍基繼續如常工作，並宣布將會開演唱會跟歌迷見面。近日，他接受網台《Sun Channel》的「葳言大意」訪問，對於女友入冊當晚即出席葉子楣生日派對，他解釋自己有苦衷，為免拒人於千里，才勉為其難答應出席，但他承認自己的敏感度不足。

　　李龍基爆Chris在獄中不忘寫信，已經寫超過122封信，而他亦有回信：「我有寫，不過唔係寫太多，通常係寫一啲好鼓勵性嘅歌詞，例如『斜陽裏 氣魄更壯 斜陽落下 心中不必驚慌』，又或者『小小苦楚等於激勵』，老實講，其實諗深一層唔係乜嘢大不了，只不過喺裏面多咗時間去自我去檢討、自我去修正。」李龍基坦言：「我感覺佢愛我多啲，當然我都愛佢啦，呢個我唔否認，因為整件事嘅發生就係因為佢太愛我，若然唔係，佢無需要忍受或接受呢啲痛苦經歷，因為佢想盡辦法要留喺我身邊，變咗做咗好多傻事。」

　　對於外界有一直傳李龍基名下有八個物業，揚言將全部轉贈予Chris，李龍基否認此事：「其實我係窮光蛋嚟，因為我同前妻離婚，其實覺得對佢唔住，所以我係淨身出門完全畀晒佢，簽字離婚放棄晒啲嘢，係因為Chris，2019年嘅時候。」似乎李龍基間接承認是Chris的介入導致婚姻破滅。

　　對於不少人質疑兩人年齡差距太多，差距成36年，質疑女方只是為錢「埋身」，李龍基坦言最初都有考量過：「我初初十幾年前識佢時有咁諗過，然後我唔想搞散個家庭，分開咗段時間，後嚟重逢就乾柴烈火重新喺埋一齊。我2018年喺美國重遇Chris，佢係好清楚我畀晒啲物業前妻，只係有少少現金積蓄傍身捱下。」問到會否擔心Chris到一定年紀就會變心，李龍基說：「可以寫包單佢一定唔會變心，因為喺環境之下，唔可以令佢變心，佢喺香港無人無物得我一個，我食硬佢。我就要好努力，因為呢個真係花花世界。」李龍基稱身邊有不少狂蜂浪蝶埋身，凡事沒有絕對：「喺呢個時刻我亦都可以寫包單我唔會變，但老實講，呢個世界冇人可以講係絕對，大吉利是我聽日明天行出去，係唔知有乜嘢事，因為而家呢個世界真係太多變幻，有時候我唔想變，但係忽然間變，變咗去另一個國度，你最好的準備就是最壞的打算。」

　　李龍基自爆有位堪輿學家對他說︰「佢話：『李龍基你識一個係細啲，再識一個又細啲。』我話唔係呀，我呢個已經細我36年，唔通再嚟一個比我續細48年，唔好啩，所以我真係要盡力克服。」

內容來源：https://www.youtube.com/watch?v=Kn2oYZze0Rg

　　一年一度的小學升中位派位，已經塵埃落定，有人歡喜都有人愁。有幾位來自油蔴地天主教小學的成績優異同學接受訪問，期間小朋友的可愛反應表情，實在太真實又得意，成為網絡熱話。小薯茄的程仁富、肥蚊和朱柏熹立即還原扮小朋友O嘴片段，變成「當最佳員工接受訪問…」，大受網民歡迎，笑言搞笑力度超越了原本的一班學生。

　　就讀「油蔴地天主教小學（海泓道）」的一班學生，完成派位過程後，接受訪問，其中一位陳同學喜獲佳音，成功考到第一志願「華仁書院」，表示感到意外又驚喜，自覺校內成績只屬一般，但能達成願望。

　　陳同學跟其餘兩位男同學一起接受大哥哥大姐姐的傳媒訪問，面對鏡頭，陳同學表現十分淡定，天真 又帶點「老積」的說話語氣。受訪時他表示，由小五開始，放學便會去立即把握時間去補習：「由星期一至五放學立即去，我覺得自己付出咁多，有呢個回報都係值得。」被問學習期間會否感到辛苦時，他回答十分得體：「（休息）夠，如果講辛苦就談唔上，我覺得讀書係我本份。」

　　兒子生性，家人倍感安慰，看到年輕一輩識諗，都覺得香港的未來充滿希望。而陳同學身旁的同學仔，更加表現出色，喜感帶給觀眾歡樂。這位表情豐富，同樣成績優異的江同學，接受訪問時，都回答相當得體，但在陳同學受訪，表示自己的溫書時間表時，江同學就露出浮誇式錯愕的表情，嬉笑的行為十分可愛，立即成為焦點。

　　小薯茄的程仁富、肥蚊和朱柏熹還原了小學生受訪一幕，不過話題改成為「當最佳員工接受訪問…」，程仁富扮站在中間的陳同學，自豪地發表偉論表示自己由星期一至日，每天起床立即工作：「我覺得自己付出咁多，有呢份糧都係值得嘅。」

　　站在身後的肥蚊和朱柏熹做表情畀反應，朱柏熹還原了江同學的錯愕表情。網民大讚小薯茄反應快，而且眾演員演繹出色，「王子個樣要整sticker」、「想睇女版——童童麗英阿冰」、「呢條片MVP is 朱Mic」、「叫你模仿，冇叫你超越」、「成個水塘啲水俾你哋抽乾晒喇」、「有冇咁快手呀」。

　　不過，就有一些網民好認真，就擔心這樣「抽水」會影響受訪的小朋友，「唔好攞呢啲嘢嚟抽水好嗎？好影響嗰幾位小朋友」，但大家討論過後，都覺得站在中間的陳同學思想正面，不會受影響，「一定影到唔到中間主打心態好」。