世事政情

　　Meta旗下應用程式Threads大受歡迎，香港唔少網民已經「轉場」玩Threads。Threads推出就快一週年，團隊更花足心思為市民送上驚喜，搵嚟一班活躍平台嘅偶像大玩尋寶活動，當中MIRROR成員呂爵安（Edan）將禮物收埋喺一個超私密嘅地方！

　　Threads 特意邀請了一班偶像們同粉絲展開一場充滿玩味嘅尋寶活動，過去幾日，一眾人氣偶像包括 Mirror成員呂爵安（Edan）、 李駿傑（Jeremy）和王智德（Alton）、MC張天賦、Tyson Yoshi（程浚彥）、Collar成員王家晴（Candy）、Gareth T.（湯令山）、Moon Tang（鄧凱文）、小薯茄成員朱mic和泳手歐鎧淳等齊齊突發出題，為Threads一週年神秘禮盒嘅收藏地點提供線索，引起一眾粉絲出動尋寶！

　　其中，Edan本來搞笑地想將小禮物放入女廁，最後決定改為收埋喺機場一個花盆內；Alton為禮物收藏地提供線索，5分鐘後立即有粉絲尋寶成功！而Jeremy喺禮物上親筆簽名，仲特登去最近hit爆嘅九龍城寨公園收埋佢！

　　前亞姐冠軍羅霖是圈中出名的美魔女，即使快將「登六」，都keep住白滑靚樣零老態，獲封最美奶奶！不過10日羅霖上載短片，原來她入院做眼部手術，一向貪靚的她最擔心術後留疤影響美貌！

　　羅霖3個兒子都已長大成人，二仔劉子熙（Jordan）更已成家立室，榮升最美奶奶的她仍然中港兩邊走，密密工作吸金。不過，近日羅霖身體出現警號，她在IG分享片段，只見她身在聖保祿醫院，原來她因患上淚囊炎而做手術。

　　其實，羅霖日前出席美容活動時，已經表示飽受淚管閉塞引致淚囊炎困擾，右眼下方紅腫也只能靠化妝遮掩：「其實已經三個禮拜，因為我中港兩邊都有工作，所以頭一個禮拜冇睇醫生。跟住（紅腫）越來越大，因為要化妝，所以已經睇咗醫生，兩星期內睇咗六次！如果打消炎針都壓唔住啲菌，就可能要做手術，好擔心！因為做手術就會留疤，呢個係淚管堵塞！」

　　在IG短片中，羅霖的右眼下方本身貼了膠布，她把膠布撕下來，只見右眼下方紅腫，她以普通話説道：「就是做一個眼檢驗的手術，實在沒辦法，吃了很多抗生素啊！還有（醫生）直接把抗生素的針打進我的眼睛裡面，都沒用，所以只能來做一個小小的手術了，很擔心，怕痛啊！好怕啊！」然後羅霖到位於5樓的眼科中心準備，她一臉擔心表示希望不會很痛。及後，完成手術的她右眼貼紗布，她表示：「我做完手術了，打了麻醉針，還是有點痛，然後傷口裡面還塞了一點紗布，醫生說要休息一個多星期。」難怪她事後留言：「病向淺中醫，健康第一！」