世事政情

　　現年47歲的陳彥行入行多年，曾憑著魔鬼身材彈出，多年來陳彥行都對外都宣稱自己單身，不過早前就「跳級」被爆已秘密產女，更斥巨資栽培女兒成材。

　　陳彥行曾在劇集《皆大歡喜》系列的三姑娘「金日」一角大獲好評，獲觀眾關注及留意。2006年，她結束與無綫電視12年賓主關係後，其一度轉投亞洲電視，更曾與梁思浩和李麗蕊主持清談節目《大家「真」風騷》。陳彥行對外宣稱單身，只視愛犬為命根，不過早前就被爆3年前已秘密產女，女兒更就讀名幼維多利亞國際幼稚園及幼兒園，學費每年近11萬。

　　陳彥行被指不時於校內高調現身親子活動，對女兒大小事親力親為。陳彥行出道以來鮮有緋聞，只有曾被影到同送貨司機出雙入對，但當時陳彥行指對方係中學同學，更有指陳彥行唔介意大家身份同收入懸殊，經常補貼男方；但男友後來背陳彥行與其他女性來往導致分手收場。

　　《晴報》2020年曾訪問行姐，提到佢當時身形發福唔少，佢就表示：「係呀，肥咗差不多20磅，衫、bra都要換過，你知我本身都幾豐滿㗎啦，逼爆咁㗎嘛！我而家已經好努力瘦身，好彩我仲有代言美容公司，所以之前去無綫個game show，我好落力咁去做機（減肥），比之前瘦咗少少，嗰晚嗰件黑色衫，我唔係刻意低胸。」

　　行姐亦有回應當時佢同鄧兆尊被翻炒嘅緋聞，鄧兆尊曾表示當年對行姐有好感，但礙於自己已有伴侶，加上在入行時曾經應承爸爸（新馬師曾），唔可以追圈中人，唔可以同圈中人發生男女關係，行姐淡然表示：「我都唔覺得佢有追我，嗰陣時最多都係拍完劇收工，佢順路車我返屋企，第二朝車埋我返工，因為我哋都係住港島區。」而行姐重申向來低調處理感情事，當時表示有一個相處多年嘅「藍顏」知己，但被問到有冇打算結婚就話：「冇諗過呀，因為今年我都好忙，有好多嘢要處理。」

　　一年一度的小學升中位派位，已經塵埃落定，有人歡喜都有人愁。有幾位來自油蔴地天主教小學的成績優異同學接受訪問，期間小朋友的可愛反應表情，實在太真實又得意，成為網絡熱話。小薯茄的程仁富、肥蚊和朱柏熹立即還原扮小朋友O嘴片段，變成「當最佳員工接受訪問…」，大受網民歡迎，笑言搞笑力度超越了原本的一班學生。

　　就讀「油蔴地天主教小學（海泓道）」的一班學生，完成派位過程後，接受訪問，其中一位陳同學喜獲佳音，成功考到第一志願「華仁書院」，表示感到意外又驚喜，自覺校內成績只屬一般，但能達成願望。

　　陳同學跟其餘兩位男同學一起接受大哥哥大姐姐的傳媒訪問，面對鏡頭，陳同學表現十分淡定，天真 又帶點「老積」的說話語氣。受訪時他表示，由小五開始，放學便會去立即把握時間去補習：「由星期一至五放學立即去，我覺得自己付出咁多，有呢個回報都係值得。」被問學習期間會否感到辛苦時，他回答十分得體：「（休息）夠，如果講辛苦就談唔上，我覺得讀書係我本份。」

　　兒子生性，家人倍感安慰，看到年輕一輩識諗，都覺得香港的未來充滿希望。而陳同學身旁的同學仔，更加表現出色，喜感帶給觀眾歡樂。這位表情豐富，同樣成績優異的江同學，接受訪問時，都回答相當得體，但在陳同學受訪，表示自己的溫書時間表時，江同學就露出浮誇式錯愕的表情，嬉笑的行為十分可愛，立即成為焦點。

　　小薯茄的程仁富、肥蚊和朱柏熹還原了小學生受訪一幕，不過話題改成為「當最佳員工接受訪問…」，程仁富扮站在中間的陳同學，自豪地發表偉論表示自己由星期一至日，每天起床立即工作：「我覺得自己付出咁多，有呢份糧都係值得嘅。」

　　站在身後的肥蚊和朱柏熹做表情畀反應，朱柏熹還原了江同學的錯愕表情。網民大讚小薯茄反應快，而且眾演員演繹出色，「王子個樣要整sticker」、「想睇女版——童童麗英阿冰」、「呢條片MVP is 朱Mic」、「叫你模仿，冇叫你超越」、「成個水塘啲水俾你哋抽乾晒喇」、「有冇咁快手呀」。

　　不過，就有一些網民好認真，就擔心這樣「抽水」會影響受訪的小朋友，「唔好攞呢啲嘢嚟抽水好嗎？好影響嗰幾位小朋友」，但大家討論過後，都覺得站在中間的陳同學思想正面，不會受影響，「一定影到唔到中間主打心態好」。