世事政情

　　《十大中文金曲頒獎典禮》在九展Star Hall舉行，雖然是樂壇頒獎禮的一大盛事，不過出席的歌手人手並不多，令到現場氣氛麻麻。JW王灝兒獲頒「優秀流行歌手大獎」，她在台上獻唱歌曲《13歲的天堂》時，竟然忘記歌詞，要用到Old School的「掌心雷」解決，認真失威！

　　JW剛剛完成廣州演唱會返港，見她身形翻脹不少，穿上又長又厚的上衣，加上短褲高踭鞋示人。JW在台上獻唱《13歲的天堂》時，見她神情特別緊張，原來是怕忘記歌詞，一邊唱一邊偷望左手上疑似寫好歌詞的「貓紙」，整個過程至少偷望5次，幸好最終順利完成演出。不過就算港台直播畫面已經刻意拉得好遠，但仍「出賣」她的「出貓」的過程，不少網友都批評她欠專業，亦有人笑問她的手掌到底可以「容納」幾多隻中文字。

　　事後，JW在IG「自首」認衰，而現場MC張天賦都有嘲笑JW，並跟她的掌心雷合照留念，JW留言說：「yes guilty af. Im sorry my brian has been memorizing a zillion songs this month. Max Capped joh（係呀，好內疚，對唔住我個腦呢個月已經記咗好多好多首歌，已經超出上限）」好啦，既然JW乖乖認錯，相信大家都會原諒你，畢竟你唱完演唱會又完成音樂劇，偶有失手都會體諒。

　　JW今次是宣布跟前男友葉韋彤（Tazan）分手後首次接受傳媒訪問，全程笑到四萬咁口，似乎未有受分手一事影響心情，她表示：「其實呢件事（分手）係1月時候發生，所以心情OK，專注自己事業上面，完成埋演唱會同百老匯音樂劇。生日都係同朋友、屋企人一齊度過，其實我而家係享受生活，努力工作咁樣。(再見亦是朋友？）我哋仲係朋友，(緋聞朱敏瀚？）朱敏瀚真係真係朋友嚟呀咋，你哋唔使再講佢係我緋聞，我分手又走去問佢回應，其實都唔關事。」她表示現時人生最重要開心，不過感情生活就會低調處理，對於拜金之說，她表示：「最緊要身邊嘅人知道我係咩人，父母家人、好朋友、同事知我係咩人，咁樣最重要，呢一行一定有唔同聲音，有啲嘢要聽，有啲唔使聽。」她表示感情事隨緣，默認有追求者，所以選擇先雪卵，其他一切隨遇而安。

《第45屆十大中文金曲音樂盛典》完整得獎名單：

【十大中文金曲獎】

曾比特《魔氈》

雲浩影《回憶半分鐘》

洪嘉豪《只要你不尷尬》

Dear Jane《為何嚴重到這樣》

張敬軒《隱形遊樂場》

馮允謙《給你幸福所以幸福》

魏浚笙《遺忘了初心的我們》

陳柏宇《懷舊是一種品味》

Gin Lee《企好》

MC《世一》

【最優秀流行男歌手大獎】：MC張天賦

【最優秀流行女歌手大獎】：Gin Lee李幸倪

【全球華人至尊金曲】：MC張天賦《世一》

【優秀流行歌手大獎】

曾比特

馮允謙

AGA江海迦

魏浚笙

陳柏宇

JW

泳兒

炎明熹

Gin Lee

MC張天賦

【最佳樂隊／組合大獎】

金獎：Dear Jane

銀獎：Lolly Talk

銅獎：Beanies

【最佳中文唱片獎】

組合：Dear Jane《X》

女歌手：菊梓喬

男歌手：MC張天賦《This Is MC》

【最有前途新人】

金獎：Sica

銀獎：詹天文

銅獎：林智樂

優異獎：梁樂童、Nancy Kwai及乙女新夢

【CASH 最佳創作歌手獎】

金獎：馮允謙

銀獎：AGA江海迦

銅獎：陳明憙

【優秀流行華語歌曲獎】

金獎：張學友《又十年》

銀獎：五月天（feat.告五人）《唯一》

銅獎：劉德華《道理都懂》

【 最佳進步大獎】

金獎：Lolly Talk

銀獎：周吉佩

銅獎：CY 陳宗澤

　　黃劍文有份參與的音樂劇《為你鍾情》將於下月公演，接洽音樂劇的時候是兩年前，如今由獨立歌手身分轉眼間變成《中年好聲音2》第四名，人氣與知名度都大大提升。排練過程中，劍文對張國榮的仰慕有增無減，特別是學習對方「我就是我」的態度，不要理會別人七嘴八舌的意見和批評，做自己喜歡的事，所以就算心怕遭嘲笑，也決定勇敢追夢參加比賽。

　　黃劍文今次參與的音樂劇《為你鍾情》，他直言期待足足兩年時間，面對這位巨星張國榮，起初難免有壓力，「就算自己唔比較，人哋都會比較，但劇本主要內容係講述一班張國榮歌迷向佢致敬嘅故事，會演繹好多張國榮嘅歌曲。其實無論佢嘅電影同歌曲，都影響我好大、啟發我好多。作為一個藝人，好多人會畀意見你，唱歌、演戲、甚至出活動嘅造型同髮型，好多人討論，但世界上得一個你，應該要堅持做一個獨特嘅自己。」

　　的確，在娛樂圈跟風容易，堅持自己很難，劍文坦言就算熱愛舞台，再次參加公開歌唱比賽都收到一定的批評，「以前啲電視台放棄你就知咩事啦！」、「要紅就一早紅咗啦」都是參賽後收到的網友評語。的確不少觀眾認為曾出道的歌手參賽對素人不公平，劍文說：「參加比賽前都諗好多，雖然做獨立歌手三年，開心係做到自己想做嘅事，但做咗好多嘢都好似冇乜成效咁。見到《中年好聲音》比賽完有幾好發展，好似係一個幾好嘅平台，就覺得不如試多一次啦！好多人執著係咪素人或白紙參賽，我的確入過行幾年，但幾年來都冇太多機會或嘗試，同一張白紙其實冇分別，反而比賽入面從新學習。其實有啲《中1》被淘汰嘅人再參加《中2》都被人鬧，但佢心態好好，考試考唔好咪再考囉，你考車牌都未必一次過得啦，只係冇人知之嘛，公開做過歌手點解就唔可以再爭取機會去發光呢？以往不被看見，唔代表另一個平台唔得。所以我特別喜歡陳蕾的歌曲《凡星》，歌詞提到：『誰都可發光，只要找對地方』。」

　　劍文過往擁有一段不平凡的成長故事，小時候母親改嫁要跟隨後父生活，在親戚面前只准叫媽媽做阿姨，他同後父關係麻麻。26歲那年更發生噩耗，母親選擇以燒炭結束生命，令黃劍文墜進人生谷底，幾乎從26樓的露台跳下去，幸好最終懸崖勒馬放棄做傻事的念頭。在《中年好聲音2》有不少動人故事，但劍文拒絕「賣慘」，他說：「出過道、做過好多訪問，要知我背景相信大家都知，唔使再講我身世，節目組有問家庭背景，但我選擇笑住去講、笑住去面對，的確擁有好痛苦嘅過去，但抱咩心態去面對先最重要，我希望帶正能量畀大家而唔係賣慘，我需要得到大家認同而唔係同情的身世。」

　　劍文的人氣有增無減，他感恩比賽為他帶來不少支持者，粉絲「Kimchi Family」由最初一百多日激增至六百多，有粉絲會一口氣買下八場音樂劇的門票，亦有人會冒雨守候他，「我感受到好多愛同支持，粉絲們對我嚟講係好大能量，畀我繼續走落去，我真係好幸福！」