世事政情

　　歐倩怡（Cindy）日前接受Chill Good YouTube Channel《絲打圍爐》訪問，跟主持人楊詩敏（蝦頭）及連詩雅分享離婚回復單身後的生活，訪問中她提及一句：「女人真係唔好讀太多書，真係有啲男士係會驚你。」、「勁得濟係嚇親人」等等，又狂爆交友App對象的質素，被網友怒斥態度傲慢，Chill Good罕有地暫停YouTube留言功能，未知是否跟事件有關。

　　節目播出後引來為網民起哄熱論，有網民紛紛留言指斥Cindy自稱「學歷太勁會嚇親男仔」，質疑她的學歷及專業資歷，又批評她高談闊論交友App認識的六個男士，不太尊重人，雖然YouTube關閉留言功能，但討論區對她的批評都不少。另一方面，Cindy在節目憶述2019年前的大病，睡夢中突然呼吸困難甚至失禁的經歷，她形容「枕邊人」郭晉安上網搵求助資料都不願意Call白車，有網友認為郭晉安態度相當冷漠，更指明白為何兩人會離婚。

　　Cindy在個人社交平台分享跟蝦頭和連詩雅的合照，引起部分網友留言質問，但她都大方逐一回應負評。

　　網民留言：「忘本。。。學費何來？」

　　Cindy回應：「係呀，我有好好多謝佢。感情事係咁，無得計嘅。大家依然係屋企人。多謝你支持啊」

　　網民留言：「咁嘅學歴叫勁得滯，真係笑大人個口，fyy（馮盈盈）讀埋碩士都未講得出呢番說話。」

　　Cindy回應：「多謝提醒！其實我都知我好渣㗎咋，好多嘢都唔識，同無記性。嗰個純粹係節目效果。學海無涯啊！」

　　網友留言：「能勇於面對負評和攻擊，禮貌地回應，明白你想分享自己感受但身為媽媽首要顧及兒女，適可而止，加油。」

　　Cindy回應：「多謝你，都有人提點，可能同主持人喺鏡頭後玩得太癲，攪到訪問咁Beli Bala嚇親人，下次要提自己冷靜啲。」

　　網友留言：「多謝你放過郭晉安，地球又多一個筍盤。」

　　Cindy回應：「係呀，佢好好的！」

　　網友留言：「睇返志雲飯局，原來你3個月就去安仔度同居，離婚唔知有冇3個月就玩交友app，仲係度講自己前夫點衰點衰！唔該你啦，靜下啦！」

　　Cindy回應：「都兩年啦～～ 同埋搵人傾下偈唓，無做壞事。我而家都同你傾偈啦！」

　　當然有不少網友都有撐Cindy，特別是提到她大病當刻死過翻生時，網友直斥郭晉安自私，「睇完之後， 唔明點解你半夜呼吸唔到，身邊嗰個唔報警，仲有時間上網！Anyway, 恭喜你展開新生活，努力。卻懶理，不叫白車也沒悉心照顧，只是給了一個痰罐讓歐倩怡嘔便算，十分冷漠。」網友的「見死不救」論，Cindy都為前夫講好說話：「當時係驚，唔知發生咩事」、「我真係斷片式暈咗，發生咩事都唔知」、「太驚啦，唔知發生咩事，比着我都會驚，唔知應該點做！」等等。

其他網友留言如圖：

　　郭晉安和結婚17年的歐倩怡（Cindy）自從5月2日在社交平台宣布離婚的消息，令全城大感驚訝。安仔和Cindy都一直保持沉默未有回應太多，直至昨日郭晉安為新劇《金式森林》現身電視城，試造型兼進行拜神儀式，心情輕鬆笑容滿面，似乎未有受離婚一事影響心情。

　　郭晉安表示今次劇集《金式森林》的角色有三個兒子，分別由何廣沛、陳浚霆及羅天宇飾演，他笑言從未試過有咁大個仔，慢慢要接受自己的年紀到達一定程度，在角色上都有一定的調整。在劇中，郭晉安將會跟實際年齡相差30年的陳曉華共譜忘年戀，他表示：「佢有同我講演繹上有啲諗法，我都會盡量配合。」其實今次郭晉安的拍攝都比較緊張，事關他預計自己8月份會陪囝囝飛到英國讀書，希望在啟程前能夠完成相關的戲份拍攝工作。

　　提到跟歐倩怡的關係，郭晉安表示：「好好，家庭係有改變，但大家都已經適應咗，（小朋友呢？）小朋友一早知都冇乜嘢，佢哋都好聰明，好慶幸好感恩，兩位都係好體諒家庭嘅小朋友。（分開反而舒服咗？）又唔可以咁講，係生活形式改變咗，畀佢哋份愛始終冇改變，只係居住環境改變，大家相處......我只會認為關係越來越加深，小朋友而家同我住，所有嘢都協商好，所有嘢都傾好晒，小朋友都好明白。」問到為何選擇分居後兩年才公開離婚的消息？郭晉安指不是選擇，而是大家都認為這是適合的時間，對於有指Cindy自從進修後，工作發展如日方中，導致兩人關係越走越遠，郭晉安說：「兩個人相處好多原因，好難講單一原因去決定，（為傳聞而唔開心？）唔會，呢啲都係傳言，做娛樂圈已經習慣左好多流言蜚語。」

　　郭晉安形容跟Cindy再見亦是朋友，「佢始終係小朋友媽咪，母親節都同佢哋一齊過。（有挽留過對方？）呢個問題好難再同你講，私人事過咗咁長時間，過咗去唔講喇！」他表示雖然現時要照顧兩個小朋友，但一向都有拍劇，大家生活模式早已習慣。對於有消息指，郭晉安跟胞姐郭致因創立的公司準備申請上市，被揭原來郭晉安早於兩年前集團旗下的兩間子公司的股份全部轉讓予姐姐，正好與歐倩怡分居的時間線吻合，令外界揣測是否避離婚分身家，提前做準備。「其實一對夫婦分開，一定事前溝通好晒，我同Cindy都唔會對猜測作任何回應。」