世事政情

　　林盛斌（Bob）出名勤力，做藝人之餘亦兼顧好多工作，當主持又做娛樂公司老闆。多勞多得除了自己的收入養活一家大家族。他與太太黃乙頤恩愛亦收鑊豐富，太太為他生了三女兒和孻仔，仔女都開始慢慢長大，林盛斌先要開始面對三位千金開始轉變做少女。

　　日前，林盛斌在IG分享了大女林霏兒的合照，大女轉眼步入青春期，已經甚有少女味道，照片上她顯得亭亭玉立，還擺出一個羞澀表情。當時他寫道，「大家姐，霏霏，咁就16歲。呢啲款，我細個嗰陣，溝硬，唉，真係越嚟越擔心……。」

　　至於二女林熹兒，樂天又搞笑，而且小小年紀好貼心，亦遺傳了爸爸林盛斌搞笑基因，說話靈巧又搞笑。林盛斌不止一次在訪問透露過，二女愛用說話整蠱他。他在IG公開了與二女WhatsApp對話內容，大概是林熹兒問爸爸星期日是否回家，當他問囡囡是否掛住自己時，得到答案並非超溫馨，一句「唔係呀」拒絕承認掛住。

　　林盛斌惟有出了一個自己無奈樣子的貼圖，然後他分享感受，「各位爸爸媽媽，溫馨提示下你哋，當你啲小朋友仲係好小朋友嘅時候，係一日不見如隔三秋咁，好sweet嘅。當佢哋再大個啲，真係唔好有太多幻想………呢個係二家姐，成日玩嘢嗰個！」

　　不少朋友如陳曉樺、楊潮凱都大讚互動可愛搞笑，楊潮凱就覺得口技一流是學爸爸。隨後，黃乙頤留言幫囡囡，「佢只係本色出演，冷面笑匠一名。」林盛斌就回覆，「學埋你啲嘢。」

　　在林盛斌的對話截圖上，填寫女兒名字是Haye Lam（Daughter），有網民就好奇他為何要刻意寫著Daughter來提醒自己，有人反問，「佢會唔會都save 你做 Bob（father）？」

　　楊潮凱在2024年實在變動好多，早前公開宣布離開效力16年的無綫之外，亦有另一個喜訊，他即將會再做爸爸。早前，他於個人社交平台公布，太太懷胎的BB性別，開心得很。

　　39歲楊潮凱在2月的時候，貼出一張太太去照超聲波圖片，公布太太再度懷孕。本身已育有一女的他，開心地寫道，「唔知係唔係每一個女孩子都有想做家姐嘅願望，我好記得每一年CatharineBB生日都會同我地講，佢好想要個細佬或者妹妹，唔知係咪吸引力法則呢？今年終於俾佢恨到喇！我正式宣布：「我地又做爸爸媽媽喇！CatharineBB做家姐喇！」

　　早前，楊潮凱就公開了胎中BB的性別，而這個吸引力法則，為他帶來男嬰，即將湊成一個「好」字，他與太太和女兒早前影了一輯溫馨家庭照片，他發表內心感受，「終於可以同大家講喇!我家將會迎接一位新成員，而這位成員係Baby……Boy。我地而家湊夠個『好』字喇！Yeah!多謝大家的祝福，好期待見到細佬仔呀，特別係CatharineBB，每日都在計住仲有幾多日可以見到細佬仔，希望佢地會相親相愛啦!」

　　細佬即將出世，而爸爸楊潮凱都準備好BB的用品，喜歡籃球的他，之前已經特製籃球衣與女兒襯一個「父女裝」，而細佬未出世，楊潮凱亦同時已準備好BB的籃球裝，相信他期待BB出世後，可以一家人穿起球衣合照。

　　圈中一班朋友：龔嘉欣、朱千雪、黃翠如、蔣家旻、梁諾妍、余香凝、連詩雅、陳煒、區永權、朱智賢、洪永城等人都替他興奮，留言祝賀兼戥他高興。

　　楊潮凱2013年與初戀情人江玉儀結婚，2018年誕下女兒楊心悅，女兒生得跟他如餅印一樣，經常父女出遊時，都被讚似樣。楊潮凱平時工作就算再忙碌，都會抽時間陪女兒周圍玩，有時一起跑步，又去公園玩。有次父女穿上禮服合照，女兒有如小情人。