世事政情

吳彥祖向來是公認男神，靚仔大隻又有型，吳彥祖一早已「封盤」結婚生女，不過男神已經後繼有人，原來他的外甥不但後生靚仔，更是香港運動健將，屢創田徑佳績，引證吳彥祖全家靚基因！

　　吳彥祖在IG分享外甥Sean Fontaine（方賢明）的得獎照片及比賽片段，留言大讚外甥：「好興奮我外甥打破了全港運動會800米和1500米的紀錄。我們需要他代表香港參加亞運會及奧運！」

　　相中的Sean雖然跟舅父不似樣，但同樣是混血靚仔一名，育有六塊腹肌的他亦有分享當日得獎情況，特別感謝媽咪（即吳彥祖姐姐）在母親節當日到比賽現場為他打氣：「感謝最好的媽媽，在天雨綿綿的灣仔運動場度過母親節，又拍攝這輯很棒的照片。」而日前Sean亦在香港田徑錦標賽2024獲得男子公開組800米亞軍及男子公開組1500米亞軍，十分厲害。

　　Sean與吳彥祖都一樣熱愛運動，吳彥祖愛習武和賽車，而Sean小時候踢足球，初中起接受田徑訓練，後來去美國讀大學，當時有代表學校出賽。2022年Sean回港，去年先後在香港田徑錦標賽及香港田徑系列賽三的800米賽事奪冠。充滿陽光氣息的Sean不時分享自己跑步的英姿，除了媽咪和舅父吳彥祖曾到現場為他打氣外，他的索爆女友亦經常出現比賽場，十分甜蜜。

　　男神吳彥祖近年長期住喺美國，囡囡出生之後都甚少分享相片，係上年返香同老友聚會先少有見到合照。而日前吳彥祖就少有咁同Lisa S.及女兒吳斐然出席公開場合，大方同大家合照，囡囡遺傳晒父母好基因，愈大愈靚女呀！

　　吳彥祖太太Lisa S.日前於社交平台興奮分享合照，留言：「Grammy Night.」原本一家三口一齊出席美國年度樂壇盛事格林美頒獎禮，相中見到現場人山人海，而佢同吳彥祖就戴上情侶裝黑框眼鏡。Lisa S.著上型格皮褸，而吳彥祖就著上西裝加上「鄉謠歌手」區瑞強式嘅闊邊帽，睇落成熟咗10歲呀。

　　而囡囡吳斐然上次同父母一同返回香港，身穿粉色上衣，長髮兩側還挑染成粉色，打扮得前衛但就causal，而今次佢就著上牛仔布色連身裙，可愛得嚟開始有少女味！而吳斐然精緻深邃五官同媽媽Lisa S.極為相似，加上纖瘦、修長嘅model體型，真係盡得好基因。

　　唔少網民都留言大讚佢哋係最美family：「好可愛的一家。」、「Awesome family picture. Raven sure is looking like her mom.（好捧的家庭照，囡囡似足媽咪。）」有人又對吳彥祖呢個造型有啲意見：「I don’t know about Dan’s hat （我不懂吳彥祖的帽子……）」事實上，相當保護家人隱私的吳彥祖，只曾經在女兒剛出時公開過長相，之後就好少畀囡囡曝光，因此每次有吳斐然嘅正面照，都會引來討論。