世事政情

　　男團MIRROR成員Anson Lo（盧瀚霆）出席活動時一向都會以全妝示人，日前電台節目主持盧覓雪於開咪時提到Anson Lo「濃妝」，Anson Lo 15日疑似連環出五個Instagram 限時動態反擊。

　　前日早上商台節目《在晴朗的一天出發》主持阮子健提起日本牛郎，當時佢形容：「個個牛郎個頭Gel起晒，又金又紫，個妝又化到好濃。」盧覓雪隨即回應：「濃過Anson Lo？」現場頓時靜過太空，另外兩位主持林海峰同阮子健都未能即時反應，阮子健就打圓場回應：「濃過好多人啦。」

　　事件似乎都引起Anson Lo關注，IG狂出限時動態疑似係回應盧覓雪。Anson Lo先後貼出自己的歌《ON》及《MY LIFE》的歌詞，寫道：「Don’t tell me who I am. I’ll show you who I am（別告訴我我是誰， 我會告訴你我是誰。）」、「I’ll live my life（我會過我的生活）」

　　之後Anson Lo 又展示自己嘅「humongous（超大）」化妝品，指自己因為準備巡演需要更多的化妝品，然後再大曬流利英文英語說道：「I think I’m gonna do a simply glamorous look for tomorrow night on stage and I’m not ashamed of it. Yeah, it makes sense, so I’m doing what I like.（我明晚會以艷麗的造型上舞台，而我並不為此感到羞恥。 是的，這很合理，我在做我喜歡的事。）」

　　之後再出另一個英文限時動態：「Negative people tend to bring someone they already hate down for no proper reason. （Maybe yes…make up）（負面的人往往會無緣無故地貶低他們討厭的人。 （也許是的……化妝））」佢又指正面嘅人會專注於自己嘅同埋點樣變得更好成長，並不斷變得更好：「let alone criticise other’s makeup. At the end of the world. It’s just make up（更別說批評別人的妝容了。說到底，那只是化妝而已。」

　　唔少神徒都大讚教主態度正面，並大鬧盧覓雪：「濃妝唔係個個都carry到，我正主素顏都靚！」、「撈撈好勁！ 高度決定格局。」不過都有人指如果Anson Lo真係回應盧覓雪就太小器：「其實濃妝係好中性嘅形容詞，冇褒冇貶。」、「就咁講一句都出咁多個story。」

　　《潮什麼》系列主持梁芷珮（Christy）拍攝的《巴黎奧運潮什麼》現在正播放中，她跟主持人鄭衍峰（Leonard）一齊帶大家了解巴黎及奧運不同場館的特別地方，令觀眾可以為迎接奧運而熱熱身。不過近日她與老公Kenneth、二仔Duncan同細女Kasey飛瑞士拍攝《瑞士潮什麼》，繼續寓工作於家庭旅行，相當開心！

　　一向見慣世界、見慣世面的Christy今次在瑞士都有不少「奇遇」，除了遷就兩個小朋友，經常要食快餐之外，更有兩件奇事分享。首先是二仔Duncan旅程中遺失電話，沒想到竟然失而復得，她說：「呢個真係一萬個好彩！之前Duncan喺瑞士第一個禮拜就喺架火車唔見咗個電話，諗住冇硬㗎啦，不過見Online就可以攪報失咁方便，咪網上報失博吓囉，點知五日之後，真係搵得返！係瑞士嘅人誠實，定係我哋真係好好彩？可能兩樣都係！慳返唔使買新電話俾Duncan了！」見到Duncan拎番部電話笑晒，相信都好開心！

　　Christy完成拍攝後，準備舉家返港，沒想到再有奇遇，「航空公司啱啱話班機overbook, 每人畀$600歐, 再包埋你酒店一晚！問有冇呢班機嘅乘客肯take 呢個offer喎！我即刻聽到成個機場嘩咗一聲，嘩，我四張飛，如果take咗咪有成$2400歐？發達啦！take唔take好呢？瑞士真係充滿驚喜！」

　　不少網友都好奇到底Christy有沒有「舉手」，又追問她邊間航空公司出手咁闊綽，本網致電Christy，她表示：「真係好吸引...不過冇呀，因為我一落機就要喺機場影KOL工作，如果唔係一早應承咗人呢個工作，我一定留啦！我而家已經返到香港喇！」