世事政情

　　79歲的陳惠敏2020時中風兼患有肺癌，近日他接受資深傳媒人汪曼玲YouTube頻道訪問時，自揭原來3年前曾患上腦癌，他在訪問中揭示：「有一輪我喺屋企落梯都覺得有啲暈暈哋，成日覺得有啲唔妥，點知有一次落樓梯之後，突然成個人暈咗，之後咪去醫院檢查，檢查完之後，發現個腦有粒好似綠豆咁大嘅嘢。」

　　陳惠敏表示由於有運動底子，身體不錯，所以醫生認為不用化療和電療，只需打針同食藥。「連標靶都唔使做，只係每20日返去醫生度吊針，吊咗差唔多一年，每吊一次都要7、8萬，都用咗好多錢，用咗差不多百幾萬，不過而家健康好番，冇乜大礙。」現已完全康復，不需要再定期檢查，問到得悉患癌的感受，他說：「話唔驚就假，係人都怕死，點會諗到個腦會有cancer？嗰陣係好嚴重，成日暈，睇嘢又睇唔清楚，因為係喺右邊個腦發現，影響咗左邊嘅身體，所以我而家都有少少唔係咁靈敏，仲有啲痺，仲試過冇乜力。有時拎喺手上嘅嘢會冇啦啦跌落地下。（家人好支持你？）多謝我太太啦，自己都估唔到，後生時咁強壯，牙擦啲講打贏東南亞，點解老咗會變成咁呀？冇辦法，年紀大，年齡控制機能，我都79歲喇，就快80歲，所以醫生話已經好好，腦癌咁嚴重都醫得番好，我都算係比較幸運嘅人。」

　　陳惠敏認為自己很幸運，對死亡處之泰然，「我覺得人都老喇，要走就走啦，我都冇所謂。我條命好話唔好聽，已經多咗幾十年，應該一早就走呀啦！當年行走江湖，日日出嚟打交，唔係被人打死，就係打死人，所以條命算係執番嚟呀啦！」他表示試過手臂和背部被刀劈開，受傷相當嚴重，後來接觸電影，他顧及自己有家庭及下一代，所以退出江湖，陳惠敏表示因年輕時習武加上行走江湖時打交太多，令雙腳的軟骨衰退，行路都感到痛楚。「最近幾個月就做咗一個髖關節手術，換咗一個金屬落去。」由於手術後，行路不平衡所以需要借用拐仗發力。

　　內容來源：https://www.youtube.com/watch?v=C14VAV3I3sg&t=1189s

　　一年一度的小學升中位派位，已經塵埃落定，有人歡喜都有人愁。有幾位來自油蔴地天主教小學的成績優異同學接受訪問，期間小朋友的可愛反應表情，實在太真實又得意，成為網絡熱話。小薯茄的程仁富、肥蚊和朱柏熹立即還原扮小朋友O嘴片段，變成「當最佳員工接受訪問…」，大受網民歡迎，笑言搞笑力度超越了原本的一班學生。

　　就讀「油蔴地天主教小學（海泓道）」的一班學生，完成派位過程後，接受訪問，其中一位陳同學喜獲佳音，成功考到第一志願「華仁書院」，表示感到意外又驚喜，自覺校內成績只屬一般，但能達成願望。

　　陳同學跟其餘兩位男同學一起接受大哥哥大姐姐的傳媒訪問，面對鏡頭，陳同學表現十分淡定，天真 又帶點「老積」的說話語氣。受訪時他表示，由小五開始，放學便會去立即把握時間去補習：「由星期一至五放學立即去，我覺得自己付出咁多，有呢個回報都係值得。」被問學習期間會否感到辛苦時，他回答十分得體：「（休息）夠，如果講辛苦就談唔上，我覺得讀書係我本份。」

　　兒子生性，家人倍感安慰，看到年輕一輩識諗，都覺得香港的未來充滿希望。而陳同學身旁的同學仔，更加表現出色，喜感帶給觀眾歡樂。這位表情豐富，同樣成績優異的江同學，接受訪問時，都回答相當得體，但在陳同學受訪，表示自己的溫書時間表時，江同學就露出浮誇式錯愕的表情，嬉笑的行為十分可愛，立即成為焦點。

　　小薯茄的程仁富、肥蚊和朱柏熹還原了小學生受訪一幕，不過話題改成為「當最佳員工接受訪問…」，程仁富扮站在中間的陳同學，自豪地發表偉論表示自己由星期一至日，每天起床立即工作：「我覺得自己付出咁多，有呢份糧都係值得嘅。」

　　站在身後的肥蚊和朱柏熹做表情畀反應，朱柏熹還原了江同學的錯愕表情。網民大讚小薯茄反應快，而且眾演員演繹出色，「王子個樣要整sticker」、「想睇女版——童童麗英阿冰」、「呢條片MVP is 朱Mic」、「叫你模仿，冇叫你超越」、「成個水塘啲水俾你哋抽乾晒喇」、「有冇咁快手呀」。

　　不過，就有一些網民好認真，就擔心這樣「抽水」會影響受訪的小朋友，「唔好攞呢啲嘢嚟抽水好嗎？好影響嗰幾位小朋友」，但大家討論過後，都覺得站在中間的陳同學思想正面，不會受影響，「一定影到唔到中間主打心態好」。