世事政情

　　《CHILL CLUB推介榜 年度推介23／24》12日圓滿結束，MC張天賦與姜濤齊獲新增設獎項「MOOV大數據至尊歌手」，兩人首度同台突顯「最萌身高差」，MC為了拉近二人的身高距離，竟然偷雞出動「絕招」！

　　頒獎禮上突然宣布增設「MOOV大數據至尊歌手」，以MOOV音樂平台的數據計算，選出最受歡迎的三位歌手，包括張敬軒、姜濤和MC。分別從《全民造星》及《造星II》出身的姜濤和MC，齊齊上台領獎，因為二人不時被外界比較，姜濤笑說：「我哋好似第一次同台，有啲不知所措。」MC則感謝合作過的音樂人和賦二代（粉絲），承諾做好音樂。

　　身高177cm的姜濤，與據稱身高168.5cm的MC站在一起，在ViuTV電視畫面所見，因電視台以低抄角度拍攝，所以看來二人身高似乎相距不遠；但從網上的fan cam片段顯示，姜濤比MC高出超過半個頭，形成最萌身高差！搞笑的MC為了拉近高度距離，使出一招趷高腳，令畫面更加和諧。

　　事後，真性情的MC笑言上台緊張到忘記縮肚：「希望影出嚟唔會太肥啦！」提到姜濤表示和他同台感到緊張，MC勁坦白：「我唔敢企得咁埋呀，因為一來身高問題啦，同埋我今日（昨日）非常之誠實，（著）平底鞋。我冇後悔，我開始腳踏實地咗，貼地咗，變相個距離遠少少。（keep住貼地？）有啲嘢試一次都夠！」

　　而MC上載由好友洪嘉豪拍攝的片段，片中的MC上台領取歌曲獎，洪嘉豪猶如一個「唔識影相的男朋友」，以死亡低抄角度拍攝，又zoom近對正MC鼻窿，網民取笑MC「kaho影到你由168.5變左158.6」，MC亦留言自嘲：「嘉豪下次唔好揸機了，多謝你。#緊張的手手 #誠實的鞋底」

《CHILL CLUB推介榜 年度推介23／24》得獎名單：

Chill Club年度流行歌曲：《浪漫殺死巨蟹座》盧瀚霆

Chill Club年度節奏藍調歌曲：《世一》MC張天賦

Chill Club年度搖滾歌曲：《浮床》Dear Jane

Chill Club年度跳唱歌曲：《MONEY》盧瀚霆

Chill Club年度男歌手：盧瀚霆

Chill Club年度女歌手：Serrini

Chill Club年度組合：MIRROR

Chill Club年度樂隊：Dear Jane

Chill Club年度唱作歌手：林家謙

Chill Club年度新人男歌手：邱士縉

Chill Club年度新人女歌手：Nancy Kwai

Chill Club年度新人組合：Beanies

MOOV大數據至尊歌手：張敬軒、姜濤、MC張天賦

Chill Club年度作曲人：徐浩

Chill Club年度填詞人：黃偉文

Chill Club年度編曲人：黃兆銘

Chill Club年度監製：Edward Chan

Chill Club評審團表揚獎 流行歌曲：

《隱形遊樂場》張敬軒

《緊急聯絡人》Gareth T.

《窮人的薔薇》陳蕾

Chill Club評審團表揚獎 節奏藍調歌曲：

《單戀這件小事》Gin Lee

《All That I Want》馮允謙 Feat. 邱彥筒

《世一》MC張天賦

Chill Club評審團表揚獎 搖滾歌曲：

《宇宙大王》RubberBand

《你不會一輩子的愛上我》Tyson Yoshi

《時間管理大師》Dear Jane

Chill Club評審團表揚獎 跳唱歌曲：

《idc》COLLAR

《Dum Dum》Gin Lee

《RUMOURS》MIRROR

　　MIRROR隊長Lokman（楊樂文）宣布與女友分手，成為MIRROR中「尾二」一位「失守」隊員，唔少人都覺得非常震驚。MIRROR隊中僅剩Stanley（邱士縉）一位仍然同《全民造星》已經拍拖嘅女友一齊。

　　Lokman剛剛突然於Instagram限時動態宣布分手消息，Lokman言辭間表示當中似乎已經一段時間「掙扎」：「我們已經分開了一段時間，相隔了一段時間才公布，是因為我們也想確認一下事情，確認一下對方，在一個我們都舒適的情況下向大家交代。」

　　Lokman表示同前女友關係依然良好：「分開是和平的，關係是舒適的，我們也已經踏上成長的路上，更加了解自己和對方。十分感恩一起走過的日子，我們之間只有滿滿的祝福和感謝，希望大家給予我們空間去成長。過後也不會在公開場合對這段關係作出任何回應或討論，希望大家明白與體諒！我們感謝對方！感謝各位！」Lokman前女友甄吳露茜（Luxi）同時都發同樣聲明。

　　Lokman同Luxi拍拖七年，上年曾喺社交平台上載花束照及留言「「今次掂晒啦老豆（竇）！」，即時引起求婚成功嘅揣測。不過Luxi之後出席活動時就否認有關傳聞，稱Lokman只係「520」送花， Luxi當時表示結婚冇壓力：「結婚不嬲都係靠衝動，所以唔會plan幾年之後結婚，同埋大家都仲後生。」然而，Luxi日前去到台灣澎湖散心，早露分手端倪：「聽說看海會讓人心情變好。謝謝澎湖治癒了我，然後我就曬傷了。」然而，二人拍拖期間一同飼養三貓一狗，暫時未知去向，恐怕都會成為「單親家庭」。

　　MIRROR 12子唔少入行前都有已經有穩定女友，不過都喺入行後相繼分手，現時只剩Stanley一個仍然係同「元祖」女友一齊。Stanley與女友Alina拍拖七年感情穩定，熱愛潛水嘅Stanley日前透露，諗過將來舉行水底婚禮，奈何女友不愛潛水，所以打消念頭。而Alina早前都喺電台訪問分享與Stanley相識經過：「我哋係大學讀書時一齊喺主題公園工作認識，識咗十幾年，有次拍廣告撞番，見番一年先一齊。」Alina表示Stanley人氣急升，拍拖都冇壓力：「佢近排忙啲，溝通時間少咗，但感情又再昇華咗，學識點溝通先可以維持到一段好嘅關係。」希望呢一對可以打破MIRROR分手魔咒。

盤點MIRROR分手魔咒

Frankie

　　MIRROR顏值擔當Frankie出道前是一名專業舞蹈員，與前女友Hei拍拖13年，可惜上年兩人就在IG限時動態出文宣佈分手，Frankie近日更被指原來一早偷食現任女友Christy，令一眾粉絲感到心痛。

Edan

　　Edan（呂爵安）於2018年參加《全民造星》時，與Stephanie仍屬情侶關係，後來女方出帖文，表示拍拖三年的二人和平分手，會支持Edan繼續去追夢：「細個以為咩唔夾呀timing呀全部都係移情別戀嘅藉口，但理智與感情角力左（咗）好一段時間，我都agger（贊成）朋友會係我哋目前最適合嘅關係。」不過之後Stephanie曾暗示因為男方偷食導致分手。

Jer

　　Jer（柳應廷）前年被指與拍拖5年女友Kelly鬧分手，皆因網民發現Kelly於IG取消追蹤了阿Jer，而阿Jer亦承認自己正與Kelly冷戰中，現在阿Jer的IG也沒有再追蹤Kelly，事後二人宣布分手，而回復自由身嘅Jer早前於MIRROR喺英國開騷時都有於IG結識下異性。

Ian

　　Ian（陳卓賢）入行不久就在ViuTV 劇集《無限斜棟有限公司》中，與模特兒盧慧敏（Amy）撻著愛火，兩人愛得低調，甚少放閃，不過Amy曾在IG發文指「也願每一個人可以找到一個一起瘋狂，笑著世界瘋狂的人」，Ian則更回覆：「I think I’ve found one」。不過前年二人和平分手，結束兩年情。