世事政情

　　現年42歲嘅2003年港姐亞軍楊洛婷一向品牌活動嘅寵兒，日前佢擔任活動司儀之後就發現銀包唔見咗，錢銀冇咗不特止，所有證件都冇晒，令佢非常頭痕！

　　楊洛婷昨日喺IG分享同張敬軒出席活動嘅相片，但佢之後發現原來工作期間財物不翼而飛，楊洛婷坐喺車內拍片，post出多個IG Story表示：「今日真係有啲唔開心，噚日做咗全日event，咁返到屋企冇check自己手袋，咁今朝車小朋友返學嘅時候呢，就發現我個銀包同個Money Pouch唔見咗。咁其實噚日嗰10個鐘頭做嘢呢，我係冇睇過我個銀包，冇用過我個銀包，咁返到屋企當然都冇用啦，咁依家冇咗我啲身份證呀、credit card呀，同埋有張好寶貴嘅相喺裏面……我都唔知可以點」。

　　楊洛婷之後去到到達將軍澳警署報案，要拎籌等之餘，仲花兩到三小時錄口供。楊洛婷展示佢名牌銀包以及散紙包嘅款式同擺法，佢將兩樣嘢擺落一個袋仔再放手袋；而佢做司儀期間，將手袋放喺靠近台上嘅一張凳上。最後，楊洛婷無奈表示因為冇咗駕駛執照，post出港鐵車廂內嘅自拍，又指因為咁冇得揸車接載一對子女，留言話當時冇CCTV，呼籲大家如果執到，盡快通知佢。

　　楊洛婷post出whatsapp老公Tim（黃天翱）撒嬌嘅對話，講到自己冇現金都拎唔到錢，問老公可唔可以包養自己，Tim就爽快答應佢yes，成功令老婆開心番晒，認真「襟撈」。楊洛婷2014年與Dear Jane主音Tim結婚，月初有報道指他們以1,828萬連車位沽出持貨六年的西貢「風水屋」傲瀧，估計呢次出貨令蝕咗500萬元，睇嚟楊洛婷「流年」破財！

　　陳子聰自從前年大動脈撕裂後，走過鬼門關亦經歷過多次大手術，幸好老婆何超儀的悉心照料下，情況總算穩定下來，新年期間，超儀公開跟老公陳子聰的近照，見陳子聰雖然消瘦，但精神及笑容都非常好，總算令擔心他的朋友放下心頭大石。早前，何超儀再次發放好消息，陳子聰決定參與下月2、3日舉行的音樂節，再次重踏舞台。

　　陳子聰經過近兩年的漫長治療及多次手 術後，現在康復情況理想，終可重新投入工作，在下月2、3號在西九Wonderland舉行的《The wild ones》音樂節上，他將重返其殿堂級Hip Hop組合廿四味，再次踏足舞台演出。這是他在康復後首次在公開場合演出，也是自前年病發前出席超儀的《The Flashback party》演唱會後，再次與超儀一起同台。 不過，由於子聰剛康復，所以這次在台上表演，子聰不能夠大跳和跑動，但Rap歌就絕對冇問題，手到拿來。

　　其實之前陳子聰特別抽空拍攝音樂節的宣傳片，見他全程戴住黑超，但看其步姿及身形，可見他精神很好，漸漸回復昔日狀態。 而超儀對老公復出十分鼓勵及支持，全程在後台打點，愛夫之情溢於言表。今次由耀榮文化投資舉辦的《The Wild ones》音樂會是本地歷來規模最大的馬拉松式純本土的搖滾音樂節，日期為3月2號及3號，連續兩日。何超儀成為音樂會的召集人，邀請「本地薑」樂隊，集結本地最強及最多的搖滾組合，由殿堂級至本地新晉也濟濟一堂，由LMF、太極、廿四味、 Kolor、盧巧音、到Hardpack、ToNick、逆流、 Cassette 、Nowhere Boys、Pandora、Yellow! 、 Kowloon K及重返band界的吳浩康與他的樂隊Closer等23個單位，新加入的還有布志綸、Dear Jane及周國賢，大家一呼百應，陣容勁爆，而何超儀除了與她自己的樂隊Josie and Uni Boys大玩首本名曲外，她更會與神級音樂人劉以達同台jam 歌，演繹多首大家耳熟能詳的金曲。 而現場亦設有賣酒專區，憑票加錢便可全日放題任飲，超儀呼籲大家可躺在草地上看演出， 放聲大合唱，盡情大叫。