世事政情

　　ViuTV全新旅遊節目《淡季報錯團》由陳子豐 (Colin)、駱振偉 (Thor)以及練美娟等主持，日前播出第五集，講到3人去台灣旅遊景點為大家試伏。然而，主持們對待動物嘅行為引起公憤，有虐待動物之嫌，有網民更揚言要罷睇！

　　《淡季報錯團》日前一集講到三位主持去到台灣神秘小島虎井，其中一個環節佢哋就去餵羊仔。三人一拎到飼料時，所有羊仔都好「擒青」，Thor就建議將飼料倒去羊仔頭上，等佢哋互舐，話口未完陳子豐就實行，三人互相指責「好x街」，但都玩得好開心。

　　之後陳子豐拎膠桶餵羊，忽發奇想將膠桶笠落羊仔頭上，而羊仔就立即好頻能亂竄，最後膠桶手柄就掛咗喺佢頸上，整唔到落嚟！而陳子豐每每再靠近佢，羊仔都覺得好驚慌，無辦法幫佢拎到落嚟。三人都喺過程中笑得好開心，陳子豐就表示覺得好內疚，又頻頻向老闆道歉，之後又孭住大膠桶奔跑當「負桶請罪」。

　　唔少網民都對此覺得不滿，去到官網留言大鬧：「呢集真係對兩位男主持極度不滿、尤其是係餵羊仔嗰part，之後仲要做一場大龍鳳負荊請罪、簡直罪加一等影衰晒香港人。」、「身為台灣人，在港出差時看到這節目，本準備抱著宣傳自家美景的驕傲感細細品嚐，但沒想到主持人出現玩弄羊隻、不尊重飼養主人的橋段，我感到非常心疼與不捨。後來主持人自己掛塑膠桶在身上，看似道歉，實則繼續表現輕蔑，更是令人生氣，那麼一大段節目內容，到底目的何在？」、「明明個節目好好睇，但今集咁樣玩羊咩咩，真係有點過火咗。」、「睇到好唔舒服，三個幾十歲人成班童黨咁，虐待動物仲不斷笑足10分鐘，好討厭。」、「不知所謂，倒糧係羊身好好玩咩？掛個桶係羊頭一啲都唔好笑，但成crew人對欺凌動物都笑得好開心。贖罪嗰part 仲反感，根本唔知自己做錯啲咩。」

　　而Thor亦都中槍：「大師兄（Thor）仲衰俾人睇清楚佢根本係一個粗皮（鄙）嘅人。」、「 Thor真係好奇怪， 因為平時係節目冇乜講，呢個節目就成日講，即刻 Downgrade晒！」、「聽唔慣Thor講粗口，好反感。好似唔知搏乜咁。」

　　不過都有人力撐：「會太會太小題大做，又無打佢。個人覺得子豐係玩大左，但佢地都道左歉。睇呢d節目個人期望就係好笑同有火花。」、「呢個組合真係好爆笑唔係睇景點，係睇你哋做自己。得5集真係唔夠 ！台柱！」

　　MIRROR隊長Lokman（楊樂文）宣布與女友分手，成為MIRROR中「尾二」一位「失守」隊員，唔少人都覺得非常震驚。MIRROR隊中僅剩Stanley（邱士縉）一位仍然同《全民造星》已經拍拖嘅女友一齊。

　　Lokman剛剛突然於Instagram限時動態宣布分手消息，Lokman言辭間表示當中似乎已經一段時間「掙扎」：「我們已經分開了一段時間，相隔了一段時間才公布，是因為我們也想確認一下事情，確認一下對方，在一個我們都舒適的情況下向大家交代。」

　　Lokman表示同前女友關係依然良好：「分開是和平的，關係是舒適的，我們也已經踏上成長的路上，更加了解自己和對方。十分感恩一起走過的日子，我們之間只有滿滿的祝福和感謝，希望大家給予我們空間去成長。過後也不會在公開場合對這段關係作出任何回應或討論，希望大家明白與體諒！我們感謝對方！感謝各位！」Lokman前女友甄吳露茜（Luxi）同時都發同樣聲明。

　　Lokman同Luxi拍拖七年，上年曾喺社交平台上載花束照及留言「「今次掂晒啦老豆（竇）！」，即時引起求婚成功嘅揣測。不過Luxi之後出席活動時就否認有關傳聞，稱Lokman只係「520」送花， Luxi當時表示結婚冇壓力：「結婚不嬲都係靠衝動，所以唔會plan幾年之後結婚，同埋大家都仲後生。」然而，Luxi日前去到台灣澎湖散心，早露分手端倪：「聽說看海會讓人心情變好。謝謝澎湖治癒了我，然後我就曬傷了。」然而，二人拍拖期間一同飼養三貓一狗，暫時未知去向，恐怕都會成為「單親家庭」。

　　MIRROR 12子唔少入行前都有已經有穩定女友，不過都喺入行後相繼分手，現時只剩Stanley一個仍然係同「元祖」女友一齊。Stanley與女友Alina拍拖七年感情穩定，熱愛潛水嘅Stanley日前透露，諗過將來舉行水底婚禮，奈何女友不愛潛水，所以打消念頭。而Alina早前都喺電台訪問分享與Stanley相識經過：「我哋係大學讀書時一齊喺主題公園工作認識，識咗十幾年，有次拍廣告撞番，見番一年先一齊。」Alina表示Stanley人氣急升，拍拖都冇壓力：「佢近排忙啲，溝通時間少咗，但感情又再昇華咗，學識點溝通先可以維持到一段好嘅關係。」希望呢一對可以打破MIRROR分手魔咒。

盤點MIRROR分手魔咒

Frankie

　　MIRROR顏值擔當Frankie出道前是一名專業舞蹈員，與前女友Hei拍拖13年，可惜上年兩人就在IG限時動態出文宣佈分手，Frankie近日更被指原來一早偷食現任女友Christy，令一眾粉絲感到心痛。

Edan

　　Edan（呂爵安）於2018年參加《全民造星》時，與Stephanie仍屬情侶關係，後來女方出帖文，表示拍拖三年的二人和平分手，會支持Edan繼續去追夢：「細個以為咩唔夾呀timing呀全部都係移情別戀嘅藉口，但理智與感情角力左（咗）好一段時間，我都agger（贊成）朋友會係我哋目前最適合嘅關係。」不過之後Stephanie曾暗示因為男方偷食導致分手。

Jer

　　Jer（柳應廷）前年被指與拍拖5年女友Kelly鬧分手，皆因網民發現Kelly於IG取消追蹤了阿Jer，而阿Jer亦承認自己正與Kelly冷戰中，現在阿Jer的IG也沒有再追蹤Kelly，事後二人宣布分手，而回復自由身嘅Jer早前於MIRROR喺英國開騷時都有於IG結識下異性。

Ian

　　Ian（陳卓賢）入行不久就在ViuTV 劇集《無限斜棟有限公司》中，與模特兒盧慧敏（Amy）撻著愛火，兩人愛得低調，甚少放閃，不過Amy曾在IG發文指「也願每一個人可以找到一個一起瘋狂，笑著世界瘋狂的人」，Ian則更回覆：「I think I’ve found one」。不過前年二人和平分手，結束兩年情。