世事政情

　　麥明詩（Louisa）與機師盛勁為上月舉行3場「勁甜麥」盛大婚禮，包括圍村盆菜宴、遊艇會婚宴及戶外結婚派對。籌備一場婚禮已經好辛苦，分三場舉行更是超高難度，麥明詩坦言舉行馬拉松式婚禮，原因只想人人開心，尤其「四大長老」的心情特別重要，寄語大家不要輕信家人「冇所謂」之言。

　　麥明詩順利完成三場不同主題、形式的完美婚禮，已成為香港準新人的典範。麥明詩9日分享心得：「唔少朋友都問我，哇搞三場婚禮，咪好辛苦！的確係，完事後直情要瞓足成個禮拜先recover（復原）到。其實唔係因為想搞到好『盛』大，而係源自於一個儘量make everyone happy嘅初心。」

　　不少人籌備婚禮期間，與愛侶、家人發生不少衝突，明明開心事卻令大家有磨擦。麥明詩說：「由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。」她表示第一場圍村盆菜宴的主角並非自己，而是老爺、奶奶：「我地盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」

　　麥明詩也沒有忽略自己父母：「第二場係（遊艇會）正常擺酒，主角就係麥生麥太，菜式、流程、程序等都以佢地嘅意見為首。圍數全部歸佢地兩老，只受場地所限而唔使同對家協調。」先滿足四大長老，然後再到一對新人自己的意願，第三場婚宴就是麥明詩和老公最期待的戶外瘋狂派對：「主角終於係我同盛生喇，因為之前已經take care咗雙方父母嘅要求，呢次我哋就可以盡情選擇自己鍾意嘅嘢 - 戶外草地、樂隊歌曲、西式食物、無限酒精… 爸爸媽媽雖然唔識欣賞，但係都好盡力去嘗試投入。」

　　原來麥明詩不單止讀書拎10A，連做女兒、新抱都攞10A：「呢個（三場婚宴）安排，幫我哋避免咗唔少衝突。男女家唔使爭圍數、長輩和後輩唔使爭論食物和形式中式定西式；頭兩場我和盛生安分守己地做好兒子和女兒的本分，再於尾場玩得好盡興（盡興到啲相都唔出得街）。咁壞處就係… 真係好攰。」

　　她搞笑地提醒網民，一定不要相信家人「冇所謂」之言：「每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話『冇咩所謂，簡簡單單就OK』呢句說話…ummm…千祈唔好盡信呀！唔知你哋又有冇啲咩婚禮後嘅insight呢？喺comment share吓吖！」

　　王浩信自從離巢TVB之後，一直忙於在內地發展，近日他更新近況，原來他趁41歲生日去到家鄉新疆旅遊，由歌手成功轉型做演員，到獲得兩屆視帝殊榮，浩信絕對是光宗耀祖。今次難得返家鄉，浩信雖然未有選擇帶同老婆陳自瑤及女兒王靖喬同行，不過行程仍然相當有趣，他都有分享自己的所見所聞，激罕露出他的大長腿！

　　王浩信在IG用英文留言說：「Trip to my home town Xinjiang capital Urumqi, it’s my pleasure to share such a lovely view with you all. Embracing our Mother Nature, revitalised by her energy. And also some of my favourite dishes you can only get from here. （回到我的家鄉新疆首府烏魯木齊，很高興與大家分享如此美麗的景色。擁抱我們的大自然，並因她的能量而煥發活力。還有一些我最喜歡的菜餚，你只能從這裡吃。）」

　　見到浩信分享的靚相中，除了當地地道的食物外，竟然罕有穿上短褲仔加長襪，身高186cm的他露出大長腿，被網友們熱論，連余香凝都忍不住留言讚：「長腿！」而網友都「誇誇群」上身留言說：「佢真人系（係）好白淨的，又後生，完全系（係）小鮮肉，一啲都唔似40歲人，似哂（晒)後生版鄭元暢」、「哇，真的.美少男」、「遮住個頭exactly女仔」、「第一張看成穿短裙」、「你條美腿」、「美腿生輝」等等，驚揭原來浩信的長腿是網絡的「流量密碼」。

　　此外，王浩信在當地都入鄉隨俗騎馬欣賞沿路的山景，相當寫意，更拍到原來跟弟弟王瑋彤同行，兩兄弟一人騎一匹馬，相當有Feel！不過王瑋彤透露當地的氣溫高達35度，相當之熱，難怪哥哥王浩信都要熱褲上陣。不過王瑋彤就剛剛相反，35度高溫仍然穿上厚一厚的毛毛冬裝外套拍照，由王浩信揸機，擺出奇怪甫士，王瑋彤更不慎露底褲邊。