世事政情

　　「美心妹妹」楊鎧凝（Celine）3歲開始拍廣告，今年15歲的她已是亭亭玉立的少女。正讀中學的她不時分享新相，亦開始有少女心事，仍是A0的她坦言身邊朋友都有拍拖，並公開理想型的條件。

　　Celine妹妹最為人熟悉除了是美心廣告外，亦拍過不少劇集，包括《愛我請留言》、《來自喵喵星的妳》等。日漸長大的Celine因專心學業而減少幕前工作，不過仍活躍社交平台。私下的她品學兼優，除了日語流利考獲N3，又多才多藝，曾獲「香港冰壺杯2022」U16冠軍、ISI香港滑冰賽2022第2名，又入選U15壘球港隊，同時又識彈琴唱歌、芭蕾舞，非常叻女！

　　現年15歲的Celine不時上載靚相，有對鏡自拍、扮怕醜等等可愛甫士，皮膚滑溜的她跟時下少女無異，相當清純。大個女的她亦開始有少女心事，在社交網公開「理想Boy」的條件：「要有活力 ，要係識得運動嘅，要170以上，要cute cute地，希望係冇乜脾氣，最重要係靚仔。」但她笑言自己是A0（未拍過拖），又講笑說：「But me A0，所以只係幻想，如果你係DM me！」有網民見狀忍不住「認老」：「到咗Celine都要搵男朋友嘅年紀了。」

　　Celine表示恨拍拖：「我身邊啲人全部拍晒拖啦，Me表示me le（我呢）， 算啦，船到橋頭自然直。」又指身邊沒有靚仔朋友：「Why我冇靚仔frd，唔通我太恐怖？大家快啲話我知why。」有網民搞笑說：「因為我哋由細睇到你大。」

　　《東張西望》女神越來越多，除了她們外出採訪時緊身衫「吸睛」之外，她們私底下IG分享的靚相都相當性感，令粉絲人數飆升，人氣爆標！以往討論度較低的一位梁菁琳，予人感覺較為文靜斯文，沒想到近日她以「放題式」分享性感靚相，大騷弗爆好身材，令大家相當有驚喜。

　　梁菁琳（Katerina）曾經參選《2021年度香港小姐競選》，可惜最終12強止步，落選後她放棄獸醫的高薪厚職，選擇加入TVB。梁菁琳由於對談大方得體，所以獲安排到《東張西望》做主持，表現不錯，大多數獲安排較靜態的街訪及採訪工作，日前一集訪問郭秀雲在天水圍天秀站救走貓頭鷹的事件，梁菁琳穿上白色貼身上衣採訪，跟郭秀雲暫批住的貓頭鷹有不少互動，本身是獸醫的她面對住咁大隻貓頭鷹，完全沒有難度亦沒有半點怯場，非常稱職！

　　梁菁琳現年29歲，相當有學識的她在IG分享的大部分都是文青類的靚相，不過偶然都會「派福利」，近日連日來她來一轉「大解放」，以三套靚衫大拍性感寫真，雖然低胸露出長長的「事業線」，但又不失高貴大方，其中一條裙胸前開窿帶出若隱若現的感覺，相當鬼馬，每張靚相都配上一句人生金句，展現一種知性美。