世事政情

　　「屯門娜娜」婚後沉寂一時，之前曾經去過老蘭「演出」，日前佢終於去番啲佢熟悉嘅「街坊」地區，殺入元朗！「屯門娜娜」日前喺元朗一間公廁外「開騷」，據知平日元朗呢個「凹地」都聚集咗唔少中老年大叔「打躉」，選址可以話係食盡天時、地理、人和。

　　網上片段所見，娜娜都係喺有日頭嘅時候出沒，佢一連唱出多首歌曲，包括《漫步人生路》、《煞科》以及《小蘋果》等。而無論唱咩歌，佢都係大跳辣舞，瘋狂扭動腰臀同埋踢腿，引來近百伯父圍觀拍片，有唔少仲係行動不便嘅老人，坐住輪椅都要嚟睇佢，相信為佢哋枯燥嘅生活帶來唔少慰藉。

　　值得一提嘅係佢頭號粉絲「Happy伯」都用老人兩蚊搭車優惠跟到嚟元朗，Happy伯再次施展佢獨門舞步「黃狗射尿」吸引觀眾眼球，仲跳到電話都跌埋，落力程度不遜於娜娜。之後Happy伯又去到娜娜面前跳動，另外仲有一名紅衫男子在旁起哄，完全進入自己世界。

　　娜娜身穿彩色超短迷你裙，再襯上白色透視裝加小背心，露出腰部紋身，可能因為仲係有啲涼，同以往衣著比起已經算保守。其實娜娜都有喺唔同區域出沒，除咗屯門，之前仲有去到廟街；又有人邀請佢去蘭桂坊跳舞……免費就可以睇到中環嘅味道，元朗街坊認真有福。

　　炎明熹（Gigi）近日被傳拒絕跟TVB續約，令她入行不久就要面對遭受「雪藏」的命運，粉絲們都擔心她的前途。近日，她在社交平台分享，為TVB節目錄音，用行動打破謠言，其實炎明熹工作不絕。她分享最近的照片，她打扮低調搭港鐵，衣著一改少女風格，粉絲都好驚喜。

　　炎明熹傳拒跟TVB續約後，風波延續多時，有指高層樂易玲回應的「忘本論」，稱似是向炎明熹有所暗示，事後樂易玲否認有針對。炎明熹更因為這樣，出席活動連公司都沒有派員去採訪，表面上來看似乎雙方關係冰封。

　　不過，事情似乎有轉機，無線公布在本月14日，即將播出《炎明熹Gi-Force演唱會》，而且下月31日會播映《炎明熹音樂特輯戀上西沙》。至於近日，炎明熹繼續有工作，為TVB《他和她的貓店長2》入錄音室開工，她還寫道，「大家估到今次我錄甚麼了吧？希望大家多多支持。」

　　一切似乎走回正軌，炎明熹亦如常地繼續在IG分享生活照，她以中性打扮搭港鐵時，不忘在幕牆玻璃影相，看到她一身造型。她穿上橫間Tee加黑背心、黑褲和黑色厚底涼鞋，一身年青人的便服打扮，同時亦引來粉絲們的哄動。

　　有網民笑言炎明熹以微服出巡，未必有人認到，「正，夠麻甩（在gigi身上）=型」、「個造型咁似漢堡神偷，不過你係點我地都一樣咁鍾意您，您邊走得甩呀」、「真係著咩都好睇， 充滿個人魅力」、「炎明熹呢 look好似一條～麻甩～出街一定無人認得佢」、「Gigi麻甩都型過人，真係企喺潮流嘅尖端」、「Gigi係咪攞左姑丈啲衫著呀」，大家對炎明熹的一切都很受落。