世事政情

　　香港演藝人協會7日在會長古天樂、副會長余安安、錢嘉樂及一眾新任理事會成員：張繼聰、周家怡、岑珈其等率領下舉行春茗茶聚，吸引過百會員踴躍出席，羅蘭、余慕蓮、丁羽、馮素波、邵音音、梁葆貞、黃夏蕙、許思敏等現身支持，場面墟冚。

　　香港演藝人協會第十六屆理事會換屆大選已於本年初完成，古天樂連任會長，余安安和錢嘉樂連任副會長，亦有不少新面孔登場，當中張繼聰、周家怡分別當選成為新一屆秘書長及司庫，而岑珈其、張敬軒則當選為理事，王梓軒、徐智勇（小肥）、梁棨寧（咸旦）、游學修、雷深如（J.Arie）、趙善恆及鄭文獲邀加入成為特邀理事。多位理事會成員，今日齊齊出席春茗茶，首度與會員聚會，副會長余安安對於理事會成員「年輕化」表示：「好開心，有好多年輕成員參與，因為我哋始終有日會退休，永遠都要有後浪。」

　　張繼聰、周家怡、岑珈其等幾位新理事成員，異口同聲表示首次出席演藝人協會春茗活動，當中張繼聰表示：「第一次參加，好開心，希望可以跟前輩學多啲嘢，嚟緊慢慢再了解吓，繼續幫前輩會員之餘，又可以為後生會員提供輔助同聯繫，希望將演藝人歸納多啲類別，令演藝界更團結。」而岑珈其就表示希望為演藝人協會多搞聚會：「疫情後，好多活動都停晒，希望可以搞多啲活動，吸納新嘅年輕藝人加入會，等多啲人知道個會。」至於擔任司庫的周家怡，笑言自己計數不精：「搵個最唔叻數學嘅人做司庫，可能信得我過，好彩有會計幫手。希望可以搞多啲活動，令個會普及化，多啲人認識，嚟緊都會有好多School Tour及各種慈善活動。」

　　席間除了有余安安親製蛋糕慶祝香港演藝人協會成立30周年外，還頒發「傑出演藝大獎」，表揚過去多年來為演藝界付出寶貴青春、貢獻良多的前輩藝人，今年由余金珠、徐廣林、高爾珩、周驄榮膺獎項，會長古天樂更驚喜現身，其中周驄在古天樂手上接過獎座後，中氣十足表示：「多謝大家畀我嘅肯定，我想講良心說話，我唔係為個人得獎而來，我真心欣賞演藝人協會，特別欣賞古天樂先生，我擦鞋擦咗幾十年，我估古天樂先生心裏有個願望，係搞演藝人協會轄下老人院。」對此，古天樂表示好榮幸可以頒發獎項給前輩，大讚每位得獎藝人都實至名歸，但問到他是否如周驄所言有願望搞老人院？古天樂表示：「我都估唔到，因為係非常複雜，我盡力啦。」

　　於2020年患上肺纖維化的余慕蓮（魚毛），出席春茗時精神不俗，但身形仍然偏瘦，且走路時要傭人攙扶，問到魚毛健康狀況？她自言身體狀況麻麻，日前食魚不慎鯁骨，要到急症室，她說：「喺醫院等咗七個半鐘，好多人，最後都係要留院一晚，先攞番條魚骨出嚟，而家我精神OK嘅，但醫生就話我唔可以跌，所以我都唔敢自己出街，一定要有姐姐陪，每朝早七點去公園行，夜晚喺屋企睇兩線劇，睇完就瞓覺；而家開始冇記性，所以都有搵啲朋友打台灣牌，訓練自己。」

　　鄧兆尊一向艷福不淺，身邊有三位紅顏知己，近年大多數都見到「阿三」陳小姐孖住兆尊出入公開活動，似乎地位特別高。前晚鄧兆尊帶同「阿三」陳妙慧接受新城電台《恐怖熱線》訪問，大會發稿竟然稱呼她為「鄧太」和「三太」，令人驚訝。而陳妙慧在節目中分享自己的靈異經歷，兆尊大讚她令自己生命更加豐富。

　　鄧兆尊前晚帶同「阿三」陳妙慧（Nana）接受由「鬼王」潘紹聰主持的新城節目《恐怖熱線》，兩人大談靈異經歷，今次亦是阿妙慧首度開腔接受訪問，解構現時擁有的特殊異能。提到早前黃夏蕙在節目中透露在已故影星傅聲舊居見到疑似祥嫂的靈體。兆尊承認傅聲舊居現時是屬於鄧氏旗下物業，他說：「我唔知呀，但（祥嫂）應該唔會去嗰度。佢（夏蕙姨）睹物思人啫！」他指該物業現時丟空，但間中也會去看看有沒有東西損壞。

　　兆尊坦言曾遇過不少奇人異士，因為爸爸祥哥信奉道教，做戲行是拜華光師傅，當中有不少禁忌。他曾聽聞有人犯了禁忌撞穿頭，又或是戲棚出現冧幕情況。而他親身經歷一次，祥哥跟朋友「鬼王德」在房間傾偈，當時年僅十一、二歲的他看到窗邊有一團黑煙，他說：「我就問阿爸係咩，鬼王德聽到，就話係佢寵物，叫我唔使理。當鬼王德離開後，佢用電筒再照窗邊，嗰團黑煙唔見咗。」

　　兆尊指有一年的七月十四盂蘭節，「阿三」陳妙慧突然被鬼上身，變成男人聲，眼珠只剩眼白，說的是東北話。當時他便跟靈體「講數」，傾了三個多小時後才知原來靈體跟了太太很多年。後來，他答應為靈體超渡，太太才醒來。但此事後，太太增多了特異功能及法力，很多仙家會寄居在她身體內，目的是想她幫助超渡亡靈，而陳妙慧表示自小與佛有緣，從小食齋拜佛，潘紹聰問有沒有見過祥哥祥嫂呢？陳妙慧說：「我唔識佢（兆尊）爸爸係邊個，但舊年有搵過我，好矮冇頭髮，行得好快，好得意。我夢見過幾次，性格好百厭。」兆尊笑說：「我之後畀阿爸張相佢看，佢話就係佢喇。連佢（新馬師曾）都唔識，妳想死？」

　　陳妙慧透露有年七月十四鬼節，祥嫂找過她，她指祥嫂：「要求很高，要蓮花座，不要普通金銀，要我買特別嘅衣紙去摺。」潘紹聰即說：「妳係新抱，都好應該做。」她再說：「我見她（祥嫂）喺下面都有得食、有得玩。」兆尊指太太的異能，令他的生命變得更豐富。