世事政情

　　張致恒（Steven）同粉絲區燕雯（雯雯）2019年奉子成婚，短短4年就生咗4個仔仔，而二人自結婚以來都一直陷於財困，不時於社交平台輪流「賣慘」，藉口由冇尿片到冇錢搭車返學，層出不窮。日前Steven行動「升級」，玩到Work  from home就咁Post出支付QR CODE求大家伸出援手幫佢哋度過難關，冇下限表現令人大開眼界！

　　雖然Steven網絡行乞都唔係新鮮事，不過都依然會引起唔少人關注，相信有責備，亦有誠心勸告佢嘅，而Steven就再次出story叫大家唔好再介紹工作畀佢，為自己冇返工原因再次作解釋：「其實我已經有兩份工作，不用再介紹我工作，如果我冇錢係因為我唔去做嘢而畀大家鬧，我冇所謂，但我依家係因為冇人照顧小朋友，所以我出唔到個門口。事實上一個大人照顧唔到四個咁細嘅小朋友，仲要有一個係需要特別照顧。」

冇錢。

　　Steven之前同太太曾豪言「窮唔代表冇資格生仔，上天送嘅禮物，一定有佢原因，窮有窮養，最緊要小朋友開心」，今次佢終於罕有承認自己同太太生仔前冇安排好：「呢個係我哋生之前唔夠成熟，冇安排好，但依家我哋已經一步一步改善緊。」又感謝所有幫助過佢嘅人：「到我們安頓好，我一定會逐一去還錢畀你哋。我依家唔係唔想還錢，而係根本依家長期都係負。多謝真心幫我哋嘅人體諒我哋。」

　　不過網民當然都唔撐，指佢以上都係藉口：「到真係無得你揀嘅時候, 你點都要逼自己去完成啦。」、「一個人係可以照顧4個細路，以前年代，一個女人生7個8個都係一個人湊。」、「又係呢番說話，咩咩安頓好再還錢，好似一年前已經咁講。」、「生第二個，第三個，第四個之前都係咁講。」、「真係有心搵錢咪人哋介紹啲乜，有好做啲嘅轉好做啲搵多啲，叫人唔使介紹，係咪好似當失業救濟/在職資助咁：『嗱！我有努力番工、搵工，係唔夠啫，你畀援助我啦！』咁樣？」、「點解你生，人哋要幫你養？」今次真係願者上釣！

　　胡杏兒和老公李乘德早前帶著3個細路，一家五口歐遊，去到馬爾代與陽光、海灘玩遊戲。一星期享受完家庭樂之後，兩位大人先將3個囝囝送回香港，自己則出席吳千語於意大利的婚禮，而且終於可以二人世界，尤其是老公李乘德最為享受。

　　連日來，胡杏兒在社交平台分享了夏日假期，她與老公李乘德帶著3個囝囝，去馬爾代夫旅行，一家五口日日都有好多水上運動，小朋友最開心，玩遊水又與父母一起玩浮潛，跟水底生物見面。一家人都有美好的回憶，胡杏兒都大讚美妙。

　　之後，3位囝囝先回香港，胡杏兒和老公李乘德飛往意大利托斯卡納（Tuscany），出席吳千語跟「百億富三代」施伯雄的歡迎宴和婚宴。胡杏兒和李乘德為配合現場有數百年歷舊建築的酒店環境，穿上全黑禮服，高貴典雅。

　　除了戥老友吳千語開心外，胡杏兒和李乘德把握機會享受二人世界，不斷把握機會影合照，他們連日來都有分享靚相。婚後，二人除了照顧家庭外，都要兼顧各自的工作十分忙碌，所以今次旅程李乘德有感而發，他寫道，「This is the first time since our honeymoon that Mrs Lee and I have been on vacation by ourselves out of Asia, non work related, and without the kids or family.We went to witness our friends Brian and Karena get married in the stunning rural countryside of Tuscany. This is the first non Asian destination wedding I have been to and it was so impressive (and first time to Tuscany) - well done to K and B for  organising（organizing） such a wonderful event! We also had a day trip to the lovely town of Siena with its old buildings and wall, and narrow passageways. We ate pasta, salami, prosciutto and of course finished the day with gelato.」

　　李乘德好珍惜與胡杏兒不用照顧孩子，有得二人世界，「這是我和李太蜜月以來第一次獨自離開亞洲度假，與工作無關，沒有孩子或家人。我們去見證我們的朋友Brian和Karena在托斯卡納迷人的鄉村婚禮。這是我參加的第一次非亞洲目的地婚禮，令人印象深刻（也是第一次去托斯卡納）——K 和 B 安排如此精彩的活動，做得很好！我們還前往Siena小鎮進行了一日遊，那裡有古老的建築、城牆和狹窄的通道。我們吃了義大利麵、薩拉米香腸、火腿，當然還以冰淇淋結束了這一天。）」

　　李乘德感謝吳千語和施伯雄製造了這個難得機會，讓他跟胡杏兒有機會單獨相處享受假期，二人育有三子，未知會否把握機會繼續「造人」追個女，而他們即將繼續行程，前往佛羅倫斯繼續假期。