世事政情

　　歌手林奕匡（Phil）與太太李靄璣（Rikko）結婚六年，28日突然宣布喜訊，即將榮升爸爸媽媽！

　　林奕匡與Rikko同一時間在IG公布開心消息，兩公婆穿上白色情侶裝，手持BB超聲波照片，林奕匡寫道：「New member of the family!!（家裏新成員）」他表示非常開心同感恩：「收到一份最珍貴嘅禮物，冇諗過今年可以有一個龍BB。We look forward to you coming into this world. There will be many challenges to come, but we will do everything we can to give you all the love in the world.（我們很期待你來到世上，雖然將會有很多挑戰，但我們會竭盡所能，給你世上最多的愛。）#OMG我就嚟做爸爸 #有D緊張 #希望龍BB健健康康 #期待每日唱歌俾（畀）你聽」

　　準媽媽Rikko亦開心道：「金龍BB報喜，相識20年，相愛第198個月，結婚6年，非常感恩喺我倆認為最最最理想既時候收到呢份上天恩賜既愛情結晶。」

　　他們暫未透露預產期，而Rikko身形仍然fit爆未見肚，她連日亦如常擔任司儀工作，身穿晚裝的她未見孕味，更腳踏高踭開工，相當大膽。

　　TVB節目《東張西望》報道一單家人為錢反目個案，一名育有5名子女的9旬李婆婆，被二女擅自取走母親220萬畢生積蓄外。細佬李先生踢爆，已婚的二家姐Kate，疑中網上情緣騙局，為貼錢給意大利籍情夫，竟然把母親的住所，抵押給財務公司，兼且未有償還債務。

　　李婆婆其中一名兒子李先生，向《東張》透露家事，兼且公開了跟二家姐的對話錄音，二家姐對話間還不滿家人追討金錢：「我唔係呃，由頭到尾我都係問阿媽借，如果你咁講，我係咪以後唔使還嗰三百幾萬，唔緊要，你哋唔信就唔信，我哋家事法庭見，你咪等囉，我唔還就唔還，係咪先。我而家同你講，係大家有相有量，唔好話媽媽認知障礙，佢係知道嘅。」

　　李先生爆二家姐疑受網上情緣騙局，而不斷借錢其實想換來更大的財富，李先生指二家姐在1986年6月去澳洲留學期間，認識一位意大利籍男子，二人認識超過40年，5年前該名男子開始發動攻勢，該男子向二家姐透露要出糧給工人。而二家姐為了鉅款打媽媽主意。

　　錄音內，二家姐表示畀錢給該男子前，有先調查對方，她跟弟弟說：「你知唔知佢收入幾多？個計劃涉及7000萬歐羅（約5.92億港元），意大利嗰邊要佢畀3%（稅），佢有畀合約我睇，我check過係有船公司，你估以為玩，人哋喺個海做嘢，有油田。」錄音內，後來更正錢涉及7500萬瑞士法郎，不過李先生質疑真偽，曾表示擔心。

　　如此大手筆幫手，二家姐疑因為跟丈夫關係不佳，為求「取暖」而投向其他人懷抱，換取下半生幸福。不過李先生透露兩夫妻仿如陌生人：「佢喺屋企只係同阿仔傾偈，佢老公唔理佢，唔同佢講嘢。佢（二家姐）有講過『我要顧及自己下半生嘅生活』，所謂下半生嘅生活，既然有個人願意畀一大筆錢我，我只係付出少少，何樂而不為，但最後嗰少少都要幾百萬。」

　　《東張》聯同李先生上門找二家姐對質，但未有人應門。李先生再致電二姐夫，對方態度極不奈煩，而且急速講幾句就收線。李先生還透露現時母親的健康日漸變差，因吞嚥困難加上腦退化，身體漸瘦，而且心情低落，李先生表示：「佢成日問我幾時幫佢拎到錢，我覺得佢好緊張。」同時，李家大哥越洋接受《東張》訪問，對這件事十分生氣：「佢個人對社會無幫助，係個行屍走肉嘅人。」但被問到若二家姐還錢，他會原諒對方。