世事政情

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」

　　林芊妤（Coffee）向來皮光肉滑，不過近日她自爆去年經歷爛面，臉上長滿暗瘡相當嚇人，更被兒子取笑是「暗瘡怪」。Coffee拍片分享心路歷程及護膚心得，不過有網民批評她在片中所指「乾到出油」理論是美容謬誤！

　　Coffee勇敢分享自己的爛面照，相中的她額頭長滿粒粒，更蔓延到兩邊面珠，更有不少暗粒和暗瘡印，跟現在白滑的她判若兩人。她坦言皮膚由細到大都好好，但去年突然爛面：「皮膚情況一直很反覆心情跌至谷底，暗瘡暗粒敏感暗瘡印全來找我，每天也要靠帽和遮瑕膏，但因為焗住皮膚又不停惡性循環，每天早上第一件事就是照鏡看臉然後尖叫，當時連廣告拍攝也推了很多完全不想拍照…上年我兒子經常說：我媽媽是暗瘡怪（可惡的老公教的），2024年我終於戰勝了I’m back！」

　　Coffee在YouTube片中詳細分享突然爛面經過，片中的她素顏上陣，皮膚滑到反光。她表示要先找出爛面原因。她自言第一次爛面時身在澳洲，她出發前打了第三針疫苗，及後曾有敏感情況；在澳洲兩個月期間，她不停出暗粒，返港後往美容院針清成功解決。然而，數月後她看中醫調理，食中藥一個月後卻面部狂出暗粒，她向另一個醫師求醫，指她虛不受補，所以食藥後太燥而生粒粒。

　　不過，Coffee自言爛面冇好轉，全因她經常忍不住擠暗瘡。她呼籲大家不要擠暗瘡、正確使用暗瘡貼及適合的護膚品。她指保濕很重要：「因為你嘅皮膚底層，一定要夠滋潤保濕，先至唔會咁易出暗瘡，因為當你太乾嘅時候，佢就會出油，出油就會出油脂粒。」

　　不少網民及粉絲都大呼Coffee講出他們的爛面心聲，但有網民批評她所指「乾到出油」是錯誤：「可唔可以唔好亂教人，呢個concept（理論）畀啲皮膚科同美容醫生聽咗，笑大人哋個口」、「我覺得佢講暗瘡貼個point幾好，但一聽到呢個point，都係睇番皮膚科醫生YouTube會好啲」、「每一次聽到人哋講乾到出油就反眼」等。

　　皮膚科專科醫生林嘉雯過往接受本網訪問時指，坊間所指的「缺水致油」是錯誤說法，因油脂分泌是由荷爾蒙、年齡及先天條件決定，「皮膚不會因缺水而變油」。她指，皮膚的皮脂腺會分泌油脂，以鎖住水份；皮膚角質細胞在代謝過程中，亦會產生脂質，與皮脂腺分泌的油脂混合成「油」。而角質層的水份，是由真皮層細胞提供，可經角質層天然保濕因子、真皮層及外來環境吸收水份。她指，皮膚出現乾燥，與水份及油份不足均有關。油份不足是因皮脂腺分泌不足油脂引起，可以是由於先天性乾性皮膚、荷爾蒙變化，尤其是經期前後、年齡漸長令皮脂腺的活躍度減低，以及外來因素，包括過度清潔有關。而水份不足與天氣乾燥、角質層天然保濕因子不足、過度清潔有關。因此「缺水致油」的說法是錯誤的，因面油過多，與缺水並無關係。

　　內容來源：https://www.youtube.com/watch?v=u9QCeqEvmic