世事政情

　　現年60歲嘅黃德斌出名係圈中型佬，自從離開娘家TVB後，主力拍電影同喺ViuTV拍劇，2021年《大叔的愛》中飾演同性戀大叔，破格演出令人耳目一新，再為佢吸納另一班觀眾群，魅力沒法擋。好少更新社交平台嘅佢近日畀網民捕獲，更放到小紅書分享。

　　日前係大年初二，唔少食肆都「反傳統」照開工，有一名喺「網紅茶記」工作嘅網民就要開工，不過佢就有意外收獲。呢位網民表示工作時獲黃德斌派雙封利是，佢影低疑似係等緊外賣嘅黃德斌，留言：「tvb#黃德斌＃打工人年初二上班黃德斌來買外賣，然後走的時候給了兩封利是給我。」

型。

　　唔少網民見到都大表羨慕，好多人都好關心利是有幾多「餡」，不過post主都只係留笑笑emoji，冇正面回應。不過之後就有網民大爆自己都收到利是，入面有「兩草」（$20），有人都表示只係心意，唔使咁強調金額，而且德斌同網民素未謀面，派雙封＄20都好正常。另外仲有網民批評當天黃德斌衣著，更寫上：「不算特別帥，有點農民工feel！」小編個人就覺得佬味濃，好有型喇！

　　另外post主都有分享德斌用嘅靚靚利是封，原來係佢太太黃美恩（Joyce）嘅時裝店所出嘅利是封。翻查番佢太太嘅時裝店社交平台，初四時德斌同太太齊齊開市，太太留言：「開工大吉，身體健康，工作順利大年初四。」其實德斌一向出名係廿四孝老公，之前都有陪太太前往韓國入貨，Joyce嘅舖頭就喺尖沙咀利時商場，而德斌初二時都係喺附近買外賣，唔知係咪同太太一齊喺舖頭為開市準備呢？

　　楊千嬅之前的旅行照多次出事，被指P圖過度，之前去日本Shibuya sky玩，原本一張靚相，但相中的樓房變晒型；而且有人覺得她平時的自拍照，竟然有由畫效果。近日，她跟老公丁子高遊希臘，充滿陽光與海灘的地方，也不敢太過重手，兩公婆都現真狀態。

　　兩公婆都不時一起去旅行，今次去希臘，還遊覽周邊的小島。近日就去到充滿浪漫又熱情的Mykonos（米克諾斯島），在二人的IG上，各自都分享了不少靚相，其中一輯，老夫老妻有如拍拖情侶一樣甜蜜互望，在沙灘拖手漫步。

　　連日來楊千嬅都有貼相，還有感而發，她出帖文曾寫道，「29 年飄過，原來過得很快樂，那些曾實在華麗地邂逅，在過山車裏上天落地，經歷就當福氣，從頭細數命運由甚麼鑄成？心境每秒在注釋生命，只需相信生命，會有被慶祝事情。」

　　老公丁子高同樣表示要享受假期，「一年一度的悠長假期，勁浪漫超溫馨。」他們心情暢快，打扮都融入當地般優閒，他們一身打扮就刻意變得隨意和飄逸，楊千嬅穿上一字膊的大花長裙，而丁子高穿了大花紋的夏老威恤衫配短褲。

　　平時遊客去到希臘都會大解放，不過楊千嬅連日來分享照片，都打扮密實。而連日來曬過後，楊千嬅和丁子高都膚色都曬黑不少，丁子高曬得一身膚色似足當地民工，加上較長的頭髮，外貌都突然老了不少，跟黃德斌撞樣。

　　他們其實在這個行程中，跟陳小春和太太應采兒相遇一起去玩，應采兒一身夏天氣色，背心短裙，站在楊千嬅側邊特別搶眼。另外，富商曾文豪的女兒曾昭亮玩得最投入，穿上三點式泳衣露出火辣辣身材。