世事政情

　　李龍基與比他年少36年的女朋友王青霞（Chris）感情穩定，經常都孖公仔亮相公開活動，日前李龍基大爆Chris出街時遭多名壯漢推跌受傷，更訓斥她要求將七個物業還給李龍基。兩人懷疑是粉絲的所為，李龍基特別公開澄清Chris本身家底不錯，自己的物業亦未打算轉名到她的名下，更主動為Chris背景的傳聞逐一解畫，非常有心。

　　雖然澄清未婚妻不是貪財之人，不過網上仍然繼續討論Chris的背景，有疑似Chris同校的畢業生對她的畢業證書作出質疑，亦有聲稱是Chris的同學踢爆她外國留學懷疑造假。首先有網友提到Stanford Undergrad Diploma學位，Mechanical Engineering 同Computer Science是兩個不同學系，所以理應不會有「Mechanical Engineering in Computer Science」的畢業證書。

　　而小紅書有不少人熱烈討論，聲稱是Chris的同學，並留言說：「點解10歲去了美國，我還在南海實驗中學見到她3年的？難道我又去了美國？」亦有網友留言說：「正一超級大話精，好似無佛山人會睇到咁！以為佢無同學睇到咁！」、「她大話太離譜了吧，去了一年美國說是那裏大」等等，不過網友大部分都只是留言，當有人建議公開她讀書時期的照片，就暫時未見有人行動。

　　網友更質疑Chris的畫作都是淘寶購入的，事關有人搵到Chris送給蓋鳴暉的粵劇打扮畫作，竟然在淘寶上架兼完成交易，買家更「匿名評論」給予五粒粒的「讚好」。未知是否Chris都有留意大家的討論，即時主動放上網怒斥：「我8月8日發布初稿，淘寶商家偷了我的作品8月26日假扮買家去好評！這個操作簡直歎為觀止，這幅畫我繪畫過程完全就在TVB化妝間內完成的，所以化妝間內的認證特別多！」

　　73歲李龍基未婚妻王青霞（Chris）因虛假文書等五項罪名被判監25個月，現時正在香港服刑中，李龍基繼續如常工作，並宣布將會開演唱會跟歌迷見面。近日，他接受網台《Sun Channel》的「葳言大意」訪問，對於女友入冊當晚即出席葉子楣生日派對，他解釋自己有苦衷，為免拒人於千里，才勉為其難答應出席，但他承認自己的敏感度不足。

　　李龍基爆Chris在獄中不忘寫信，已經寫超過122封信，而他亦有回信：「我有寫，不過唔係寫太多，通常係寫一啲好鼓勵性嘅歌詞，例如『斜陽裏 氣魄更壯 斜陽落下 心中不必驚慌』，又或者『小小苦楚等於激勵』，老實講，其實諗深一層唔係乜嘢大不了，只不過喺裏面多咗時間去自我去檢討、自我去修正。」李龍基坦言：「我感覺佢愛我多啲，當然我都愛佢啦，呢個我唔否認，因為整件事嘅發生就係因為佢太愛我，若然唔係，佢無需要忍受或接受呢啲痛苦經歷，因為佢想盡辦法要留喺我身邊，變咗做咗好多傻事。」

　　對於外界有一直傳李龍基名下有八個物業，揚言將全部轉贈予Chris，李龍基否認此事：「其實我係窮光蛋嚟，因為我同前妻離婚，其實覺得對佢唔住，所以我係淨身出門完全畀晒佢，簽字離婚放棄晒啲嘢，係因為Chris，2019年嘅時候。」似乎李龍基間接承認是Chris的介入導致婚姻破滅。

　　對於不少人質疑兩人年齡差距太多，差距成36年，質疑女方只是為錢「埋身」，李龍基坦言最初都有考量過：「我初初十幾年前識佢時有咁諗過，然後我唔想搞散個家庭，分開咗段時間，後嚟重逢就乾柴烈火重新喺埋一齊。我2018年喺美國重遇Chris，佢係好清楚我畀晒啲物業前妻，只係有少少現金積蓄傍身捱下。」問到會否擔心Chris到一定年紀就會變心，李龍基說：「可以寫包單佢一定唔會變心，因為喺環境之下，唔可以令佢變心，佢喺香港無人無物得我一個，我食硬佢。我就要好努力，因為呢個真係花花世界。」李龍基稱身邊有不少狂蜂浪蝶埋身，凡事沒有絕對：「喺呢個時刻我亦都可以寫包單我唔會變，但老實講，呢個世界冇人可以講係絕對，大吉利是我聽日明天行出去，係唔知有乜嘢事，因為而家呢個世界真係太多變幻，有時候我唔想變，但係忽然間變，變咗去另一個國度，你最好的準備就是最壞的打算。」

　　李龍基自爆有位堪輿學家對他說︰「佢話：『李龍基你識一個係細啲，再識一個又細啲。』我話唔係呀，我呢個已經細我36年，唔通再嚟一個比我續細48年，唔好啩，所以我真係要盡力克服。」

內容來源：https://www.youtube.com/watch?v=Kn2oYZze0Rg