世事政情

　　在《開心無敵獎門人》中擔當獎老的「阿七」吳嘉儀與圈外男友Leo結婚四個月，月初阿七突然在IG限時動態連環出po公審老公，指曾被改密碼鎖無家可歸，更被人將成衣櫃衫掟出大門外等，婚姻亮起紅燈。阿七日前現身《歡樂滿東華》節目，事後接受TVB娛樂新聞台解畫，更哭成淚人。

　　阿七解釋當日兩公婆發生爭執的始末：「嗰日係有啲小風波，兩個人放假諗節目出去玩，可能有啲不似預期…嗰個地方係有去到，但唔係一個好開心嘅回憶…」她指大家因心情唔好，發脾氣講咗啲唔好嘅說話，搞到誤會越嚟越大。

　　阿七指當刻感到好無助，一時之間唔記得自己藝人身份，絕對唔係想公審老公，「我係覺得唔合理，但之後個風波就更加大…好多同事朋友好擔心我…佢第二日就冷靜咗，有一齊傾偈同食飯。」不過她指兩夫妻的關係仍需要時間處理及調解，更指需要找專業人士協助。

　　與老公拍拖5年幾，同居時間有4年半之長，阿七指問題唔係新婚磨合期，「我係欣賞佢直率…而家諗番可能成日都有衝突，好似歡喜冤家…我就諗點解人哋老公會（口氹）另一半，點解你唔係？但係我都冇妥協，問題就好似雪球越滾越大…」

　　阿七忍唔住邊講邊喊，表示呢件事令屋企人同同事擔心，又感激志偉哥同藝員科同事主動傾偈同送上關心。她又希望大家唔好覺得佢係離婚KOL，唔想別人同情同可憐，只想自己喺工作上做得更好，「整理好自己，會重新上路。」

　　馮盈盈近年性情大變，斯斯文文在社交平台分享閱讀心得和人生哲理，跟以往大癲大肺的她判若兩人。不過早前她在《獎門人Hug Hug媽咪感謝祭》節目中，玩遊戲時非常投入，不少網友都笑指她的「真性情」再次表露無遺，除了狂寸梁競徽之餘，在創作三級片名時更是大開「黃腔」。

　　早前播出的節目《獎門人Hug Hug媽咪感謝祭》，由《逆天奇案 2》演員陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。 遊戲環節「私人醒」兩隊互鬥竟然變「舌戰」，其中馮盈盈跟梁競徽的對罵最激烈。先是梁競徽說：「你梅毒生上眼就唔好出街啦，盈盈！」盈盈反擊說：「你賣嘢賣唔出就唔好出嚟啦，唯唯！」唯唯再以暗瘡等毒舌題目來針對盈盈，但盈盈都不是省油的燈，再次針對他帶貨的工作說：「你賣嘢全部被人退貨，零營業額呀唯唯！」令全場人拍手爆笑，事關早前唯唯接受《Mayanne小喇叭》訪問時，的確提到在內地帶貨的苦況，並不是次次都好好營業額，沒想到盈盈竟然拎出嚟笑。唯唯兩度「中箭」最終絕地反擊說：「你套套劇都擔正但全部仆直冇收視呀！」，的確馮盈盈擔正女主角的電視劇《你不是她》收視一般...由於今次盈盈今次是宣傳《逆天2》，她即場向現場的劇集監製劉家豪撒嬌，唯唯知衰即時「補飛」：「《逆天奇案2》除外！」

　　盈盈越玩越開心，隨後曾志偉為免大家傷和氣都改變主題，要求大家鬥講三級片名，多位演員都相當顧及形象未敢太放肆，但盈盈一於少理，句句都相當爆笑，包括《插班女學生》、《簫塞豐乳中》等，而梁競徽的《警花警棍有景轟》都令全場拍爛手掌，另外張振朗的《我是菊花賊》和方力申的《含住笑咪咪》都相當出色，令不少網友都留言說：「今集真係笑死我」、「呢集好好笑，尤其FYY 講3級片名真係笑死我」、「私人醒重現，笑死寶寶了」等等。