世事政情

　　王賢誌今日突然在IG Story出po，沒有指名道姓地寸某人是雙面人，叫大家不要再問他關於某人的事。不少網友猜測王賢誌口中所說的是誰，更有不少人認為是他的遠房表兄鄭嘉穎。

　　王賢誌在IG Story寫道：「始終都係日久見人心，幕前幕後兩個樣其實我早就見識過，所以一早已經放棄同呢個人有任何聯繫。如果問起我佢嘅嘢，Sorry佢唔係我邊個，連朋友都講唔上，千祈唔好再問我。」

　　鄭嘉穎日前因缺席《鐵馬家族》聚會，被傳與馬國明不和。他多次被傳媒問他會否出席馬國明與湯洛雯海外婚禮時，他表示如果要出埠的的話未必能出席，因為要照顧小朋友。他更公開指做某些活動是「浪費時間」；在接受TVB訪問時又叫主持「唔好再問」，回應令網民怒批無風度。鄭嘉穎出道多年至今已曾多次被指寸嘴，有人曾盤點其「犯眾憎」行為，當中包括踢佘詩曼落車、怒鬧記者係「廢青」、踢鞋羞辱林子善、拍《拳王》頻爆粗及在劇集中搶王喜戲份等。而馬國明受訪時為鄭嘉穎「嘥時間」論解畫，更大方表示，「而家冇時間嘥唔緊要，有時間咪嚟搵我囉」。

　　至於鄭嘉穎的太太陳凱琳（Grace）今日出席活動，對於傳出老公與馬國明等人不和，她說︰「佢冇唔開心，佢身邊朋友同我都知道，佢說話比較簡潔，亦知道馬明都有回應，識得佢嘅人就知道佢說話好直接。」Grace指未必能夠抽空飛往峇里賀馬國明大婚，「我哋有三個小朋友，嚟緊佢哋放假，我哋未必可以兩個出埠，所以未知可唔可以去到婚禮。馬明同阿湯（湯洛雯）都好好，話體諒我哋有小朋友。其實我哋私下係好融洽。」

　　陳凱琳（Grace）早前33歲生日，她興奮分享自己跟老公鄭嘉穎遊雲南的影片，片中她搞笑形容她跟老公正是MBTI 16型人格當中「I」人同「E」人的代表，見到她跟嘉穎每次都是處於冷靜與熱情之間，搞笑又甜蜜。今次三個囝囝沒有隨行，不過就有一大班「電燈膽」出現，畫面相當搞笑！

　　Grace於IG分享兩公婆遊雲南的影片，她在片中都以「當I形（型）同E形（型）嘅人去旅行」及「但係正正因為咁所以兩個人喺埋一齊」為主題，片中她非常熱情又跳跳紮，向老公嘉穎獻吻，但架上黑超的嘉穎相反較酷，只是簡單配合她，直至最後先整蠱老婆，雙手抱起佢作狀掉佢落河，又在小橋邊扮推佢落水，認真鬼馬。

　　原來今次雲南之旅係Grace的生日之旅，她留言說：「And now I’m officially 33. This year, I realized more than ever the importance of valuing and appreciating every person’s uniqueness. Instead of trying to fit everyone into the same mold, I hope we can find harmony in connecting with each other’s differences. My birthday wish is simple: be kind to others and to yourself. Thank you to everyone who has ever been kind to me especially in a time of hardships and tears. You mean the world to me. Here’s to another year of growing up in love, friendships and God. Happy Birthday to me!（我正式33歲喇！今年，我比以往任何時候都更意識到重視和欣賞每個人的獨特性的重要性。我希望我們能夠在彼此的差異中找到和諧，而不是試圖讓每個人都適應同一個模式。我的生日願望很簡單：善待他人，善待自己。 感謝所有對我友善的人，尤其是在我艱難和流淚的時候。你對我來說意味著整個世界！祝又一年在愛、友誼和上帝中成長  ，祝我生日快樂！）」

　　雲南之旅除了靚景外，兩公婆都有享受當地美食，見餐廳中兩公婆享用中餐，枱中有一個插住蠟燭的蛋糕，而在場餐廳的員工和疑似食客都團團圍住，為Grace唱生日歌，不過由於人數眾多，令Grace全程尷尬傻笑，畫面相當可愛。今次Grace同嘉穎二人世界旅行，暫且放低三個寶貝仔Rafael、Yannick同Carlos，不過原來早於6月初，一家五口已經在香港著名餐廳Amigo食飯慶祝，更拍下相當有紀念價值的全家福，全家顏值都爆晒標，實在太令人羨慕。