世事政情

　　李思捷主持的《思家大戰》於周日（5日）請來台慶劇《叠影狙擊》演員，對戰台慶主持人組合；由周秀娜率領的「叠影狙擊」 隊，隊員包括黃浩然、郭政鴻、關禮傑和蔡穎恩。鄧梓峰則領軍「台慶MC」隊的黎芷珊、馮盈盈、林溥來和吳幸美迎戰。

「叠影狙擊」隊有周秀娜（左起）、黃浩然、郭政鴻、關禮傑、蔡穎恩。

　　今集《思家大戰》火花十足，周秀娜透露在《叠影狙擊》中一人分飾兩角，而黃浩然則是大反派：「同周秀娜對手戲最多，由利益關係漸生感情，慢慢鍾意咗佢，所以拍攝時要揣摩一下。」而郭政鴻、關禮傑是一對兄弟，但卻有不少衝突場面，郭政鴻不慎劇透：「我哋呢套劇仲有好多反派！」

「台慶 MC」隊吳幸美（左起）、林溥來、馮盈盈、黎芷珊、鄧梓峰。

　　台慶MC隊則大展口才，個個牙尖嘴利，李思捷大爆鄧梓峰最「高竇」，笑謂：「節目播到第三季，用咗三季時間先請到鄧梓峰上嚟。」鄧梓峰一派輕輕鬆鬆解釋：「兩個原因啦，一嚟我要諗著乜衫上嚟節目，呢個問題都諗咗年幾；二嚟我要知點玩先夠膽上嚟玩，睇咗好多集參考一下先，即係好似我讀書咁，我要留幾年班先夠膽考會考囉！」令全場發笑。

鄧梓峰風趣幽默，大放笑彈。

　　黎芷珊分享任台慶司儀的感受，她最開心能著靚靚上鏡，李思捷衰多口：「你真人同上鏡都咁靚，我細細個就睇你。」黎芷珊聞言即鼓起泡腮扮嬲指住李思捷話：「你係咪要講細細個呀？」未玩遊戲，先有火花。

思捷衰多口「激嬲」芷珊姐姐。

　　正式玩遊戲時，李思捷問問題：「有一個相同性別孖生兄弟姊妹嘅好處？」周秀娜答：「可以頂替對方。」李思捷即問：「係咪好似你喺套劇入面咁？」周秀娜笑住回答：「唔係！但我哋share男朋友用。」眾人大為譁然，鄧梓峰搭嘴：「追同一個女仔，邊個得閒邊個去，我都有一對孖仔，呢方面佢哋就冇話我知，我估啫。」全場爆笑。

　　思捷重演名場面！

娜姐答問題好認真。

　　李思捷又再施展扮嘢本色，他曾在電影《勁抽福祿壽》中分別以四大天王、汪明荃和鄭少秋的聲綫講出：「周秀娜，你今次仲唔笑？」李思捷重演這句經典對白，大叫：「周秀 娜你今次仲唔贏？」相當搞笑。

「轉載自晴報」

　　【晴報專訊】李思捷主持的《思家大戰》成為無綫綜藝節目的收視保證，前晚播出一集，請來蕭正楠（Edwin）、區永權和伍仲衡等，對戰素人隊。全晚最驚喜是數「TVB最最最恩愛夫妻或情侶」，伍仲衡竟答「王浩信和陳自瑤」，令全廠的空氣突然靜止了，全場人士皆露出驚訝表情。

蕭正楠和伍仲衡（右）等組成「HEART」上《思家大戰》。（電視截圖）

　　玩遊戲時，李思捷問「TVB最最最恩愛夫妻或情侶」，大家答陳豪和陳茵媺、馬國明與湯洛雯、蕭正楠和黃翠如，都成功榜上有名。不過伍仲衡卻回答︰「王浩信同陳自瑤！」全場忽然鴉雀無聲，個個「擘大口得個窿」，區永權嚇到眼都凸，李思捷佩服到做出五體投地的動作，最後伍仲衡的答案並不在榜上。

區永權聽到伍仲衡的答案時，嚇到眼到凸。（電視截圖）

網民斥大言不慚

　　伍仲衡這次語出驚人，令全場人士先呆滯後爆笑，蕭正楠笑到趴在枱上。大家的反應如此激烈，只因王浩信和陳自瑤近年屢傳婚變，婚姻狀況成謎，而當事人一直冷處理，令外界有更多揣測。至於伍仲衡前晚在節目播出後，在社交網出post寫道「Sorry陳小姐」，疑向陳自瑤道歉。網民紛紛留言指摘「你係咪有內幕消息」、「唔應該用呢啲嚟講笑，大言不慚」、「玩大咗啦」、「陳小姐做過你演唱會嘉賓，你咁做令人好反感」等。

王浩信和陳自瑤近年不再結伴出席活動，訪問時更拒絕談及對方，婚姻狀況成謎。（資料圖片）